Амата Кабуа
Амата Кабуа (маршал.: Amata Kabua, 17 лістапада 1928—20 снежня 1996 гг.) — першы прэзідэнт Маршалавых Астравоў, правадыр Маджура, палітычны пісьменнік, аўтар гімна Маршалавых Астравоў.
| Амата Кабуа | |||||||
|---|---|---|---|---|---|---|---|
| Amata Kabua | |||||||
 | |||||||
|
|||||||
| Пераемнік | Kunio Lemari[d] | ||||||
| Нараджэнне |
17 лістапада 1928 |
||||||
| Смерць |
20 снежня 1996 (68 гадоў) ці 19 снежня 1996[1] (68 гадоў) |
||||||
| Жонка | Emlain Kabua[d] | ||||||
| Дзеці | David Kabua[d] | ||||||
| Веравызнанне | пратэстант | ||||||
| Партыя | |||||||
| Прафесія | школьны настаўнік | ||||||
 Медыяфайлы на Вікісховішчы | |||||||
Біяграфія
правіцьАмата Кабуа нарадзіўся на атоле Джалуіт у высакароднай заможнай сям'і. У пасляваенны час вучыўся ў хрысціянскім каледжы на Гаваях, працаваў школьным настаўнікам. З 1963 г. займаўся палітыкай, быў выбраным прадстаўніком ад Маршалавых Астравоў у Кангрэсе Мікранезіі. У 1972 г. стварыў і ўзначаліў Рух за Аддзяленне Маршалавых Астравоў ад падапечнай тэрыторыі Мікранезіі. У 1979 г. стаў першым прэзідэнтам Маршалавых Астравоў. Выбіраўся на гэту пасаду 5 разоў. З 1982 г. займаў пасаду вярхоўнага правадыра атола Маджура. Памёр 20 снежня 1996 г. ад цяжкай хваробы ў шпіталі Ганалулу.
Палітычныя погляды
правіцьЯк палітычны дзеяч і пісьменнік выступаў з нацыяналістычнымі лозунгамі, сцвярджаў культурную і палітычную незалежнасць маршальцаў. У 1978 г. арганізаваў пратэсты супраць ваенных вучэнняў ЗША на Маршалавых Астравах. Аднак у Мікранезіі разглядаўся як праамерыканскі палітык, які пратэстамі дамагаўся толькі грашовых кампенсацый ад урада ЗША. Шмат зрабіў для распаўсюджвання інфармацыі аб трагедыі атола Бікіні, ініцыяваў незалежнае даследаванне МАГАТЭ.
Памяць
правіцьУ гонар Амата Кабуа названы міжнародны аэрапорт каля Маджура.