Анастасія Анатолеўна Гулак

Анастасія Анатолеўна Гулак (нар. 25 студзеня 1967, Пінск, Беларусь) — беларускі фалькларыст, педагог. Кандыдат філалагічных навук (2011).

Анастасія Анатолеўна Гулак
Дата нараджэння	25 студзеня 1967(1967-01-25) (57 гадоў)
Месца нараджэння	Пінск, Брэсцкая вобласць, БССР, СССР
Грамадзянства	Беларусь
Муж	Алег Мікалаевіч Гулак
Род дзейнасці	фалькларыстка, педагог
Месца працы	Беларускі дзяржаўны ўніверсітэт культуры і мастацтваў
Альма-матар	філалагічны факультэт БДУ

Біяграфія

Скончыла Беларускі дзяржаўны ўніверсітэт (1989) па спецыяльнасці «беларуская і руская мовы і літаратура», аспірантуру Інстытута мастацтвазнаўства, этнаграфіі і фальклору імя Кандрата Крапівы Нацыянальнай Акадэміі навук Беларусі (2002) па спецыяльнасці «фалькларыстыка».

У 2011 годзе абараніла кандыдацкую дысертацыю «Міфалагічны кірунак у беларускай фалькларыстыцы другой палавіны XIX ст.».

Выкладае беларускі фальклор, гісторыю беларускай фалькларыстыкі і інш. у Беларускім дзяржаўным універсітэце культуры і мастацтваў.

Аўтар шматлікіх тэкстаў песень беларускіх рок-гуртоў. Значную частку творчасці складаюць песні, напісаныя спецыяльна для гурта «Крама»:

• «Падае дождж» (муз. І. Варашкевіча, альбом «Хавайся ў бульбу», 2001)
• «Ведай, гэта наш блюз» (муз. І. Варашкевіча, альбом «Хавайся ў бульбу», 2001)
• «Той час» (муз. І. Варашкевіча, альбом «Хавайся ў бульбу», 2001)
• «Хавайся ў бульбу» (муз. І. Варашкевіча, альбом «Хавайся ў бульбу», 2001)
• «Сябра мой Вярэніч Лёнік» (муз. І. Варашкевіча, альбом «Хавайся ў бульбу», 2001)
• «Mein Vaterland, auf Wiedersehen» (муз. І. Варашкевіча, альбом «Усё жыцьцё — дзіўны сон», 2007)
• «Лёс арла» (муз. І. Варашкевіча, альбом «Усё жыцьцё — дзіўны сон», 2007)
• «Усё жыцьцё — дзіўны сон» (муз. І. Варашкевіча, альбом «Усё жыцьцё — дзіўны сон», 2007)

і інш.

Навуковыя працы

• Гулак А. А. Міфалагічны кірунак у беларускай фалькларыстыцы другой палавіны XIX ст. : дысертацыя на суісканне вучонай ступені кандыдата філалагічных навук : спецыяльнасць 10.01.09 Фалькларыстыка / Гулак Анастасія Анатольеўна; навуковы кіраўнік Казакова І. В.; Дзяржаўная навуковая ўстанова «Інстытут мастацтвазнаўства, этнаграфіі і фальклору імя Кандрата Крапівы Нацыянальнай акадэміі Беларусі»
• Гулак А. А. Пётр Аляксеевіч Бяссонаў: славяназнаўца і фалькларыст / А. А. Гулак. — Мінск : Зорны верасень : Паркус плюс, 2008. — 108 с.