Анатоль Іванавіч Камяк
Анатоль Іванавіч Камя́к[1] (нар. 20 лістапада 1932, Жываглодавічы Чырвонаслабодскага раёна БССР) — вучоны ў галіне фізікі, атамнай і малекулярнай спектраскапіі, доктар фізіка-матэматычных навук (1974), прафесар (1976). Заслужаны дзеяч навукі Рэспублікі Беларусь (1996).
| Анатоль Іванавіч Камяк | |
|---|---|
| Дата нараджэння | 20 лістапада 1932 (91 год) |
| Месца нараджэння | |
| Грамадзянства | |
| Род дзейнасці | фізік |
| Навуковая сфера | фізіка, оптыка, спектраскапія |
| Месца працы | |
| Навуковая ступень | доктар фізіка-матэматычных навук |
| Навуковае званне | прафесар |
| Альма-матар | |
| Узнагароды |
 |
Біяграфія правіць
Нарадзіўся ў вёсцы Жываглодавічы Чырвонаслабодскага раёна БССР (зараз вёска Першамайск у Салігорскім раёне Мінскай вобласці Беларусі). У 1956 годзе скончыў фізіка-матэматычны факультэт Беларускага дзяржаўнага ўніверсітэта. Працаваў настаўнікам у Чырвонаслабодскім раёне, потым у Інстытуце фізікі і матэматыкі Акадэміі навук БССР[2]. З 1962 г. у Беларускім дзяржаўным універсітэце (інжынер кафедры спектральнага аналізу, з 1968 г. — дацэнт). У 1970—1973 гг. загадчык кафедрай агульнай фізікі нефізічных факультэтаў, у 1973—1978 гг. — загадчык кафедрай біяфізікі фізічнага факультэта[2]. У 1974 годзе абараніў доктарскую дысертацыю на тэму «Анизотропия излучения и поглощения кристаллов ураниловых соединений», з 1976 года — прафесар. У 1978—1997 гг. А. І. Камяк на пасадзе загадчыка кафедрай спектральнага аналізу, потым прафесар кафедры.
Навуковая дзейнасць правіць
Вучонаму належаць працы па атамнай і малекулярнай спектраскапіі і люмінесцэнцыі, спектраскапіі уранілаў, па распрацоўцы метадаў і апаратуры па спектральным даследаванні працэсаў утварэння комплексаў уранілу ў водных і арганічных растворах. Займаўся вывучэннем уздзеяння міжмалекулярных узаемадзеянняў на спектраскапічныя характарыстыкі раствораў складаных арганічных злучэнняў, у тым ліку, даследаваннем спектральных, кінетычных і палярызацыйных эфектаў, абумоўленых неаднастайным пашырэннем узроўняў энергіі.
З’яўляецца аўтарам больш за 300 навуковых прац, у тым ліку, манаграфіі па спектраскапіі уранілавых злучэнняў, два вучэбных дапаможніка па спектраскапіі і люмінісцэнцыі[2]. Сярод апублікаванага:
- Молекулярная спектроскопия: учебное пособие для студентов физического факультета БГУ / А. И. Комяк. — Минск, 2005.;
- Ураниловые соединения. [В 2 т. Т. 2.] Атлас спектров / Г. Г. Новицкий, А. И. Комяк, Д. С. Умрейко. — Минск, 1981.;
- Ураниловые соединения. [В 2 т. Т. 1.] Спектры, строение / Л. В. Володько, А. И. Комяк, Д. С. Умрейко. — Минск, 1981.;
- Колебательные спектры моноуранатов и гидроксидов урана, получаемых при взаимодействии щелочей с нитратом уранила [Текст] / А. И. Комяк, Д. С. Умрейко, М. Р. Последович // Вестник Белорусского государственного университета. Сер. 1, Физика. Математика. Информатика. — 2013. — № 1. — С. 22—29. — Библиогр.: С. 28—29 (13 назв.). — ISSN 0321-0367;
- Применение сдвоенных лазерных импульсов для получения и атомно-эмиссионного спектрального анализа оксидных соединений урана [Текст] / Анатолий Иванович Комяк, Дмитрий Степанович Умрейко // Вестник Белорусского государственного университета. Сер. 1, Физика. Математика. Информатика. — 2011. — № 2. — С. 32—37. — Библиогр.: с. 37 (21 назв.). — ISSN 0321-0367
Узнагароды правіць
- Заслужаны дзеяч навукі Рэспублікі Беларусь
- Заслужаны работнік Беларускага дзяржаўнага ўніверсітэта[2]
- Прэмія імя А. Н. Сеўчанкі (разам з Л. В. Валадзько і Д. С. Умрэйкам) за цыкл прац па уранілавым злучэнням[2]
- Ганаровыя граматы Беларускага дзяржаўнага ўніверсітэта, Міністэрстваў вышэйшай адукацыі БССР і СССР[2]
Зноскі
- ↑ Беларуская энцыклапедыя: У 18 т. Т. 7: Застаўка — Кантата / Рэдкал.: Г. П. Пашкоў і інш. — Мн. : БелЭн, 1998. — Т. 7.
- ↑ а б в г д е Комяк Анатолий Иванович Архівавана 24 лістапада 2018. (руск.) // Фізічны факультэт БДУ
Літаратура правіць
- Бараноўскі П. М. Камяк Анатоль Іванавіч // Беларуская энцыклапедыя: У 18 т. Т. 7: Застаўка — Кантата / Рэдкал.: Г. П. Пашкоў і інш. — Мн. : БелЭн, 1998. — Т. 7. — 604 с. — 10 000 экз. — ISBN 985-11-0035-8. — ISBN 985-11-0130-3 (т. 7). — С. 554.
- Физический факультет: прошлое, настоящее и будущее / Авторы и составители: Э. М. Шпилевский, М. Э. Шпилевский; Ред. В. М. Анищик. — Минск: БГУ, 1998. (руск.)
Спасылкі правіць
- Комяк Анатолий Иванович Архівавана 24 лістапада 2018. (руск.) // Фізічны факультэт БДУ
- Комяк, Анатолий Иванович (доктор физико-математических наук; физика; род. 1932) // База данных «Учёные Беларуси» (руск.)
- Труды Анатолия Комяка // Math-Net.ru