Анатоль Аляксандравіч Ляляўскі

Анатоль Аляксандравіч Ляляўскі (6 сакавіка 1923, Масква — 7 студзеня 1995) — беларускі тэатральны рэжысёр тэатра лялек. Народны артыст БССР (1979).

Анатоль Аляксандравіч Ляляўскі
Дата нараджэння	6 сакавіка 1923(1923-03-06)
Месца нараджэння	Масква, Маскоўская губерня, РСФСР, СССР
Дата смерці	7 студзеня 1995(1995-01-07) (71 год)
Тэатр	Беларуская дзяржаўная акадэмія мастацтваў

Біяграфія

Скончыў Ташкенцкі тэатральна-мастацкі інстытут у 1952 годзе. У 1956—1986 гадах рэжысёр Беларускага дзяржаўнага тэатра лялек, з 1975 года адначасова выкладаў Беларускім тэатральна-мастацкім інстытуце. Яго пастаноўкам уласцівы жанравая разнастайнасць, беражлівыя адносіны да аўтарскай канцэпцыі і мастацкай своеасаблівасці мастацкага твора, дэталёвая распрацоўка ўнутранай лініі персанажа ў спалучэнні з дакладнасцю і выразнасцю знешняга малюнка ролі. Сярод лепшых пастановак па творах беларускіх аўтараў «Дзед і жораў» Віталя Вольскага (1957), «Сярэбраная табакерка» паводле Змітрака Бядулі (1961), «Марынка-крапіўніца» Артура Вольскага і Пятруся Макаля (1962), «Ліпавічкі» Уладзіслава Галубка (1969), «Скажы сваё імя, салдат» Анатоля Вярцінскага, «Сымон-музыка» паводле Якуба Коласа (1982). З іншых пастановак «Чароўная лямпа Аладзіна» Н. Гернет (1956), «Кот у ботах» Г. Уладычынай (1959), «Канёк-гарбунок» паводле П. Яршова (1960), «Доктар Айбаліт» паводле К. І. Чукоўскага (1966), «Зорны хлопчык» паводле О. Уайлда (1978).

Літаратура

• Беларуская энцыклапедыя: У 18 т. Т. 9: Кулібін — Малаіта / Рэдкал.: Г. П. Пашкоў і інш. — Мн.: БелЭн, 1999. — 560 с.: іл. ISBN 985-11-0155-9 (т. 9), ISBN 985-11-0035-8.