Анатоль Міхайлавіч Генералаў
Анатоль Міхайлавіч Генералаў (31 сакавіка 1923, станіца Пацёмкінская, Кацельнікаўскі раён, Валгаградская вобласць — 8 ліпеня 2007, Мінск) — беларускі артыст оперы (барытон). Народны артыст БССР (1963)[1].
| Анатоль Міхайлавіч Генералаў | ||||
|---|---|---|---|---|
| Дата нараджэння | 31 сакавіка 1923 | |||
| Месца нараджэння | ||||
| Дата смерці | 8 ліпеня 2007 (84 гады) | |||
| Адукацыя | ||||
| Прафесія | спявак | |||
| Гады актыўнасці | 1954- | |||
| Амплуа | барытон | |||
| Тэатр | ||||
| Ролі | гл. у тэксце | |||
| Узнагароды |
|
|||
Біяграфія Правіць
Скончыў Музычна-педагагічны інстытут імя Гнесіных у Маскве ў 1954 (клас Генадзя Адэна). У 1954—1981 саліст Дзяржаўнага тэатра оперы і балета БССР. У 1976—2007 выкладаў у Беларускай кансерваторыі[1].
Творчасць Правіць
Валодаў моцным прыгожым мяккага тэмбру драматычным барытонам, натуральнасцю сцэнічнай выразнасці, яркім тэмпераментам. Стварыў яркія вобразы ў операх — Князь Ігар («Князь Ігар» А. Барадзіна), Рыгалета і Аманасра («Рыгалета» і «Аіда» Д. Вердзі), Змітрок і Апанас («Міхась Падгорны» і «Алеся» Я. Цікоцкага), Сцяпан («Яснае світанне» А. Туранкова), Дзяніс Давыдаў («Надзея Дурава» А. Багатырова), Чалхія («Міндзія» А. Тактакішвілі), Альфіа («Сельскі гонар» П. Масканьі) і інш. Выканаўца ролі У. І. Леніна на беларускай опернай сцэне («Кастрычнік» В. Мурадэлі, «У буру» Ц. Хрэннікава)[1].
Узнагароды Правіць
- Ордэн Пашаны (11 лютага 2003) — за вялікі асабісты ўклад работнікаў установы адукацыі «Беларуская дзяржаўная акадэмія музыкі» ў развіццё музычнага мастацтва, падрыхтоўку творчых кадраў[2].
- Узнагароджаны Ордэнам Айчыннай вайны, медалямі.
Зноскі
- ↑ а б в Генералов Анатолий Михайлович // Биографический справочник. — Мн.: «Белорусская советская энциклопедия» имени Петруся Бровки, 1982. — Т. 5. — С. 144. — 737 с.
- ↑ Указ Прэзідэнта Рэспублікі Беларусь ад 11 лютага 2003 года № 66 «Аб узнагароджанні А.М.Генералава і Н.В.Аўраменка дзяржаўнымі ўзнагародамі Рэспублікі Беларусь»