Анатоль Плескачэўскі

Анатоль Плескачэўскі (28 лютага 1911 — 31 сакавіка 1980) — беларускі грамадскі і ваенны дзеяч. Ад’ютант прэзідэнта БЦР Радаслава Астроўскага. Брат Барыса Плескачэўскага.

Анатоль Плескачэўскі
Партрэт
Род дзейнасці грамадскі і ваенны дзеяч
Дата нараджэння 28 лютага 1911(1911-02-28)
Месца нараджэння
Дата смерці 31 сакавіка 1980(1980-03-31) (69 гадоў)
Месца смерці
Месца пахавання
Альма-матар
Член у

БіяграфіяПравіць

Нарадзіўся 28 лютага 1911 года ў Глыбокім Дзісенскага павета Віленскай губерні ў Расійскай імперыі. Брат беларускага дзеяча Барыса Плескачэўскага. Скончыў глыбоцкую гімназію. У 1932 годзе скончыў сельскагаспадарчую школу ў Грудзёндзы з дыпломам жывёлавода-агранома. У 1932—1939 гадах працаваў жывёлаводам-аграномам Віленска-Троцкага павета.

У 1940—1942 гадах жыў на тэрыторыі Літвы. Стаў працаўніком Беларускай народнай самапомачы. З 1944 года афіцэр Беларускай краёвай абароны, займаў розныя пасады ў штабе БКА, ад’ютант прэзідэнта БЦР Радаслава Астроўскага. Сябра Беларускай цэнтральнай рады. Ад штаба БКА знаходзіўся ў 1-й беларускай дывізіі.

З лета 1944 г. на эміграцыі. Працаваў у сакрэтарыяце БЦР у Берліне. Узімку 1944 года знаходзіўся ў Вене. Дапамог знайсці грошы Алесю Змагару і іншым беларускім дзеячам, у якіх бракавала сродкаў на дарогу, каб выехаць з горада перад наступам савецкіх войскаў. 9 мая 1948 г. удзельнічаў у XII Пленуме БЦР у Эльвангене, на якім Беларуская цэнтральная рада была абвешчана «выканаўчым і прадстаўнічым на эміграцыі органам незалежнай Беларускай Народнай Рэспублікі». Вучыўся ва ўніверсітэце UNRRA у Мюнхене, а потым — ва Украінскім тэхнічна-сельскагаспадарчым інстытуце па спецыяльнасці «ветэрынарыя».

У 1949 годзе выехаў у ЗША. Паводле ўспамінаў Леаніда Галяка, плыў туды разам з ім тым жа караблём з нямецкага Брэмергафена. Жыў у штаце Нью-Джэрсі, працаваў на хіміка-фармацэўтычных фабрыках, а потым — у аддзеле антыбіётыкаў фірмы Pinick (Ньюарк, Нью-Джэрсі). Стаў віцэ-прэзідэнтам Беларускага кангрэсавага камітэту Амерыкі. 29 кастрычніка 1955 г. у Нью-Ёрку разам з іншымі заснаваў Камітэт незалежнай Беларусі, які стаў адной са спробаў аб’яднаць беларускую эміграцыю ў ЗША.[1] Стаў сябрам Антыбальшавіцкага блоку народаў — быў віцэ-прэзідэнтам групы Беларускія сябры АБН. Далучыўся да Беларускага вызвольнага фронту. Быў прыхаджанінам царквы Святой Ефрасінні Полацкай у Саўт-Рыверы

Памёр 31 сакавіка 1980 года ў Ленсінгтане, Нью-Ёрк, ЗША. Пахаваны на могілках у Баўнд-Брук, Нью-Джэрсі, ЗША. У Саўт-Рыверы захаваўся архіў Анатоля Плескачэўскага.

ЗванніПравіць

  • 15 сакавіка 1944 – лейтэнант БКА.
  • 4 ліпеня 1944 – старшы лейтэнант БКА.

Зноскі

СпасылкіПравіць

ЛітаратураПравіць