Анатоль Сцяпанавіч Ваньковіч

Анатоль Сцяпанавіч Ваньковіч (нар. 13 лістапада 1958, в. Ціхань Слуцкага раёна Мінскай вобласці) — беларускі палітык і ваенны дзеяч. Генерал-маёр. Былы дырэктар завода дакладнай электрамеханікі.

Анатоль Сцяпанавіч Ваньковіч
дэпутат Палаты прадстаўнікоў Нацыянальнага сходу Рэспублікі Беларусь з 27 кастрычніка 2008
Нараджэнне	13 лістапада 1958(1958-11-13) (65 гадоў) Ціхань, Сорагскі сельсавет, Слуцкі раён, Мінская вобласць, БССР, СССР
Адукацыя	Вільнюскае вышэйшае каманднае вучылішча радыёэлектронікі ППА[d] (1980) Ваенная акадэмія паветрана-касмічнай абароны імя Маршала Савецкага Саюза Г. К. Жукава[d] Ваенная акадэмія Генеральнага штаба Узброеных Сіл Расійскай Федэрацыі
Дзейнасць	афіцэр, палітык, ваенны
Месца працы	Завод дакладнай электрамеханікі
Ваенная служба
Род войскаў	Ваенна-паветраныя сілы і войскі СПА Рэспублікі Беларусь
Званне	Генерал-маёр
Узнагароды	Ганаровая грамата Нацыянальнага сходу Рэспублікі Беларусь

Біяграфія

Закончыў Вільнюскае вышэйшае ваеннае вучылішча радыёэлектронікі проціпаветранай абароны (камандная, тактычная, аўтаматызаваныя сістэмы кіравання), Ваенную камандную Чырванасцяжную акадэмію проціпаветранай абароны імя Маршала Савецкага Саюза Г. К. Жукава (камандна-штабная і аператыўна-тактычная войскаў проціпаветранай абароны), Акадэмію Генеральнага штаба Узброеных Сіл Расійскай Федэрацыі (ваеннае і дзяржаўнае кіраванне).

Праходзіў вайсковую службу ў якасці камандзіра ўзвода, роты, батальёна, брыгады, начальніка аператыўнага ўпраўлення, займаў пасаду камандуючага войскамі Заходняга аператыўна-тактычнага камандавання ваенна-паветранымі сіламі і войскамі праціпаветранай абароны. З 2003 года з’яўляецца начальнікам галоўнага штаба — першым намеснікам камандуючага ваенна-паветранымі сіламі і войскамі праціпаветранай абароны Узброеных сіл Рэспублікі Беларусь.

Выбіраўся дэпутатам Палаты прадстаўнікоў Нацыянальнага сходу Рэспублікі Беларусь трэцяга і чацвёртага склікання.

Узнагароды

Узнагароджаны ордэнам «За службу Радзіме» III ступені, медалямі «За баявыя заслугі», «За бездакорную службу» І, II, III ступені, юбілейнымі медалямі, Ганаровай граматай Нацыянальнага сходу Рэспублікі Беларусь.