Анатоль Яфімавіч Жураў

Анатоль Яфімавіч Жу́раў (24 лютага 1922 — 16 чэрвеня 1977) — вучоны, гісторык, доктар гістарычных навук (1967), прафесар (1968).

Анатоль Яфімавіч Жураў
Дата нараджэння	24 лютага 1922(1922-02-24)
Месца нараджэння	Гомель, Гомельскі павет, Гомельская губерня, РСФСР
Дата смерці	15 чэрвеня 1977(1977-06-15) (55 гадоў)
Грамадзянства	СССР
Род дзейнасці	навуковец
Навуковая сфера	гісторыя
Месца працы	Аршанскі настаўніцкі інстытут БДПУ Беларуская дзяржаўная акадэмія мастацтваў БДУ БНТУ
Навуковая ступень	доктар гістарычных навук
Навуковае званне	прафесар
Альма-матар	Гомельскі дзяржаўны ўніверсітэт імя Францыска Скарыны, Вышэйшая партыйная школа пры ЦК КПСС
Узнагароды

Біяграфія

Нарадзіўся ў горадзе Гомель. Скончыў сярэднюю школу і ў 1939 годзе паступіў на філасофскі факультэт Ленінградскага дзяржаўнага ўніверсітэта. У 1940 годзе быў прызваны ў Чырвоную Армію. Удзельнік Вялікай Айчыннай вайны, быў цяжка паранены. У 1944—1947 гадах вучыўся на завочным аддзяленні Гомельскага педагагічнага інстытута. У 1946 годзе скончыў Вышэйшую партыйную школу пры ЦК ВКП(б). У 1946 годзе ён абіраецца сакратаром Гомельскага абласнога камітэба ЛКСМБ. У 1948—1955 гадах на пасадзе загадчыка кафедры ў Аршанскім настаўніцкім інстытуце. У 1952 годзе абараніў кандыдацкую дысертацыю ў Ленінградскім дзяржаўным універсітэце. У 1955—1961 гадах — дацэнт кафедры гісторыі КПСС Мінскага дзяржаўнага педагагічнага інстытута, у 1961—1966 гадах загадчык кафедры ў Беларускім дзяржаўным тэатральна-мастацкім інстытуце, з 1967 года ў Беларускім дзяржаўным універсітэце, з 1972 года ў Беларускім політэхнічным інстытуце.

Навуковая і грамадская дзейнасць

Асноўныя працы вучонага па гісторыі Ленінскага камсамола Беларусі, гісторыі сацыяльна-эканамічнага развіцця Беларусі, ролі і гісторыі моладзі ў будаўніцтве новага грамадства, ролі партыі бальшавікоў у стварэнні камсамола. Кіраваў падрыхтоўкай 14 кандыдатаў навук.

Аўтар больш за 80 навуковых і метадычных прац. Сярод апублікаванага:

• Комсомол — нашей доблестной партии сын. — Мн., 1960. (у сааўтарстве);
• В боях рождённый. Краткий очерк истории комсомола Белоруссии. — Мн., 1967.;
• Под руководством партии. Деятельность КПБ по созданию и руководству комсомолом Белоруссии. 1917—1925 гг. — Мн., 1970.;
• Художественная литература в курсе истории КПСС. Метод. пособие / А. Е. Журов. — 2-е изд., перераб. и доп. — Минск: Университетское, 1984. — 150 с.

Быў членам Рэспубліканскага таварыства «Веды», членам навуковых саветаў па абароне дысертацый.

Узнагароды

• Ордэн Чырвонай Зоркі
• медаль «За перамогу над Германіяй у Вялікай Айчыннай вайне 1941—1945 гг.»,
• медалі,
• Ганаровая грамата Вярхоўнага Савета БССР,
• Прэмія Ленінскага камсамола Беларусі (1970).

Літаратура

• Жураў Анатоль Яфімавіч // Беларуская энцыклапедыя: У 18 т. Т. 6: Дадаізм — Застава / Рэдкал.: Г. П. Пашкоў і інш. — Мн. : БелЭн, 1998. — Т. 6. — С. 450. — 10 000 экз. — ISBN 985-11-0035-8. — ISBN 985-11-0106-0 (т. 6).
• Баландин, К. И. Журов А. Е. — «Комсомольский» профессор / К. И. Баландин // Юбилейный сборник научных трудов работников кафедры «История, мировая и отечественная культура» Белорусского национального технического университета: к 60-летию кафедры «История, мировая и отечественная культура» / под ред. В. А. Божанова, С. В. Боголейши. — Минск : БНТУ, 2016. — С. 21—23. (руск.)

Спасылкі

• Баландин, К. И. Журов А. Е. — «Комсомольский» профессор / К. И. Баландин // Юбилейный сборник научных трудов работников кафедры «История, мировая и отечественная культура» Белорусского национального технического университета: к 60-летию кафедры «История, мировая и отечественная культура» / под ред. В. А. Божанова, С. В. Боголейши. — Минск : БНТУ, 2016. — С. 21—23. (руск.)
• Журов Анатолий Ефимович // Знаменитые люди Гомельщины (руск.)
• Журов Анатолий Ефимович // История БГУ Архівавана 11 ліпеня 2020. (руск.)
• Память народа — электронный банк документов периода Великой Отечественной войны Архівавана 13 ліпеня 2020. (руск.)