Андрэй Іванавіч Сапега

Андрэй Іванавіч Сапега (каля 1565—1611) — вялікалітоўскі дзяржаўны дзеяч. Ваявода мсціслаўскі (з 1611).

Андрэй Іванавіч Сапега
Герб «Ліс»
7-ы Ваявода мсціслаўскі 1605 — 1611
Папярэднік	Пётр Дарагастайскі
Пераемнік	Ян Яўстах Тышкевіч
6-ы Кашталян віцебскі 1600 — 1605
Папярэднік	Ян Зяновіч
Пераемнік	Міхал Друцкі-Сакалінскі
Староста аршанскі 1588 — 1611
Папярэднік	Філон Кміта-Чарнабыльскі
Пераемнік	Аляксандр Дажбог Сапега
Нараджэнне	1565
Смерць	1611
Род	Сапегі
Бацька	Іван Іванавіч Сапега[d]
Маці	Багдана Друцкая-Канопля[d]
Жонка	Багдана Шымковіч[d]
Дзеці	Соф'я, Канстанцыя
Веравызнанне	каталіцтва
Медыяфайлы на Вікісховішчы

Малодшы брат вялікага літоўскага канцлера Льва Сапегі.

Біяграфія

У 1585 годзе дваранін караля Стэфана Баторыя. Кар’еру зрабіў дзякуючы пратэкцыі старэйшага брата — канцлера Льва Сапегі. Прынамсі, з яе ў 1588—1611 гадах быў старостам аршанскім. У 1596 годзе браў удзел у падаўленні паўстання Севярына Налівайкі. У 1600—1605 гадах кашталян віцебскі, а з 1605 — ваявода мсціслаўскі. Браў удзел у вайне з Расіяй 1609—1618 гадоў.

Адзін з першых Сапегаў, хто перайшоў з праваслаўя ў каталіцтва.

Сям’я

Паходзіў з чарэйскай лініі магнацкага роду Сапегаў, сын Івана і князёўны Багданы Друцкай-Каноплі. Акрамя канцлера Льва Сапегі, меў яшчэ брата Рыгора.

Ажаніўся да 1594 года з Багданай Шымковіч (памерла пасля 1609), меў з ёй толькі дачок:

• Соф’ю (каля 1595 — каля 1657), жонку парнаўскага ваяводы Канстанціна Палубінскага;
• Канстанцыю, жонку віленскага падкаморага Яраслава Шэмета.

Спасылкі

• Генеалогія магнацкіх радоў Рэчы Паспалітай Архівавана 21 верасня 2013.