Андрэй Віктаравіч Анісімаў

Андрэй Віктаравіч Анісімаў (нар. 2 красавіка 1977, г. Севераўральск, Свярдлоўская вобласць) — беларускі палітык, дэпутат Палаты прадстаўнікоў Нацыянальнага сходу Рэспублікі Беларусь VIII склікання.

Андрэй Віктаравіч Анісімаў
Нараджэнне	2 красавіка 1977(1977-04-02) (47 гадоў) Севераўральск, Расія
Адукацыя	Акадэмія Міністэрства ўнутраных спраў Рэспублікі Беларусь Акадэмія кіравання пры Прэзідэнце Рэспублікі Беларусь
Месца працы	Першамайскае РУУС г. Мінска[d] Камітэт дзяржаўнай бяспекі Рэспублікі Беларусь Упраўленне КДБ па Гродзенскай вобласці[d] Белпошта
Званне	палкоўнік
Узнагароды	Ганаровая грамата Гродзенскага абласнога выканаўчага камітэта[d]

Біяграфія

Нарадзіўся 2 красавіка 1977 года ў г. Севераўральску Свярдлоўскай вобласці (Расійская Федэрацыя).

Скончыў Акадэмію МУС Рэспублікі Беларусь па спецыяльнасці «Правазнаўства»; Акадэмію кіравання пры Прэзідэнце Рэспублікі Беларусь па спецыяльнасці «Дзяржаўнае кіраванне і эканоміка»; палкоўнік запасу.

Праходзіў службу на розных пасадах у аддзеле крымінальнага вышуку і аддзеле па барацьбе з незаконным абаротам наркотыкаў і супрацьдзеянні гандлю людзьмі Першамайскага РАУС г. Мінска; у Камітэце дзяржаўнай бяспекі Рэспублікі Беларусь. Службу скончыў на пасадзе намесніка начальніка ўпраўлення КДБ Рэспублікі Беларусь па Гродзенскай вобласці.

Працаваў дырэктарам Гродзенскага філіяла РУП паштовай сувязі «Белпошта».

Член Беларускай партыі «Белая Русь».

У 2024 годзе выбраны дэпутатам Палаты прадстаўнікоў Нацыянальнага сходу Рэспублікі Беларусь VIII склікання ад Гродзенскай-Ленінскай акругі № 51. Член Пастаяннай камісіі па заканадаўстве.

Узнагароды

Узнагароджаны медалямі «За бездакорную службу» I, II і III ступені, «За адзнаку ў воінскай службе», ганаровымі граматамі Гродзенскага абласнога выканаўчага камітэта, граматамі Старшыні КДБ Рэспублікі Беларусь.

Сям'я

Жанаты, мае сына і дачку.

Спасылкі

• Біяграфія на сайце Палаты прадстаўнікоў Нацыянальнага сходу Рэспублікі Беларусь