Андрэй Дзмітрыевіч Адэнскі

Андрэй Дзмітрыевіч Адэнскі
Андрэй Дзмітрыевіч Адэнскі
Дата нараджэння	30 лістапада (12 снежня) 1897
Месца нараджэння	Лоеў, Лоеўская воласць, Рэчыцкі павет, Мінская губерня, Расійская імперыя;
Дата смерці	14 жніўня 1979 (81 год)
Месца смерці	Мінск, БССР, СССР;
Месца пахавання	Паўночныя могілкі;
Грамадзянства	Расійская імперыя; СССР;
Род дзейнасці	тэрапеўт, выкладчык універсітэта, навуковец
Навуковая сфера	медыцына
Месца працы	стаматалагічны факультэт НМУ імя А. А. Багамольца[d]; Івана-Франкоўскі нацыянальны медыцынскі ўніверсітэт; Беларускі дзяржаўны інстытут удасканалення ўрачоў; Івана-Франкоўскі нацыянальны медыцынскі ўніверсітэт; стаматалагічны факультэт НМУ імя А. А. Багамольца[d]; ІПКіПКАЗ;
Навуковая ступень	доктар медыцынскіх навук
Навуковае званне	прафесар;
Альма-матар	Кіеўскі нацыянальны ўніверсітэт імя Тараса Шаўчэнкі (1927); Нацыянальны медыцынскі ўніверсітэт імя Аляксандра Багамольца;
Партыя	КПСС;
Узнагароды	;

Андрэй Дзмітрыевіч Адэнскі, сапраўднае Пінчук (13 снежня 1897, Лоеў — 14 жніўня 1979) — беларускі савецкі тэрапеўт. Доктар медыцынскіх навук (1943), прафесар (1945). Заслужаны дзеяч навукі БССР (1967)^[1].

Біяграфія

У 1914 г. скончыў вышэйшую пачатковую вучэльню ў г. Лоеве, у 1927 г. — медыцынскі факультэт Кіеўскі ўніверсітэт^[2].

Удзельнік рэвалюцыйнага руху ў Беларусі.

1914—1915 гг. настаўнік Беласарокінскай пачатковай школы Рэчыцкага павета^[2];
1915—1917 гг. — Удзел у I сусветнай вайне на Заходнім фронце; 1917—1918 гг. — Удзельнік устанаўлення Савецкай улады (член ВКП(б) з 1917 г.), удзел у баях супраць нямецкіх і польскіх войскаў на тэрыторыі Беларусі, праца ў падполлі і тыле нямецкіх войскаў, начальнік міліцыі ў г. Лоеве, памочнік ваенкама на Заходнім фронце^[2];
1919—1921 гг. — Удзел у Грамадзянскай вайне ў радах Чырвонай Арміі на тэрыторыі Беларусі^[2];
1921—1927 гг. — Праца ў Кіеўскім губкаме ВКП(б), Цэнтральным архіве рэвалюцыі (Істпарт Кіеўскага губкама), загадчык краявым лячэбным бюро Наркамздароўя УССР на Правабярэжжы, сакратар райкама прафсаюза «Рабкамгас»^[2];
1927—1932 гг. — Аспірант кафедры тэрапіі Украінскай Акадэміі навук пры клініцы акадэміка М. Д. Стражэска^[2];
1932—1937 гг. — Асістэнт кафедры тэрапіі, старшы навуковы супрацоўнік, дактарант Украінскага інстытута клінічнай медыцыны Акадэміі Навук УССР^[2];
1937—1941 гг. — Дацэнт, загадчык кафедры тэрапіі Кіеўскага стаматалагічнага інстытута, 2-га аддзялення тэрапіі Кіеўскай клінічнай бальніцы імя Кастрычніцкай рэвалюцыі^[2];
1941—1947 гг. — Удзел у Вялікай Айчыннай вайне і служба ў Чырвонай Арміі^[2];
1947—1949 гг. — Загадчык кафедры тэрапіі Станіслаўскага (Івана-Франкоўскага) медыцынскага інстытута УССР, начальнік тэрапеўтычнага аддзялення Станіслаўскага ваеннага шпіталя^[2];
1949—1970 гг. — Загадчык 1. Кафедры тэрапіі Беларускага інстытута ўдасканалення ўрачоў^[2];
1949—1950 гг. — Намеснік дырэктара БелДІУВ па навукова-вучэбнай частцы^[2];
1950—1957 гг. — Начальнік лячэбна-санітарнага ўпраўлення МЗ БССР, затым кансультант (там жа)^[2]

Загадчык кафедры тэрапіі Беларускага інстытута ўдасканалення ўрачоў (1949—1970).

Пахаваны на Паўночных могілках Мінска.

Навуковая праца

Асноўныя напрамкі навуковай дзейнасці: пытанні дыягностыкі і тэрапіі сардэчна-сасудзістых захворванняў, вывучэнне этыялогіі, патагенезу, лячэння і прафілактыкі рэўматызму, гіпертанічнай хваробы, даследаванні па праблеме рэактыўнасці арганізма, клініцы язвавай хваробы страўніка і 12-перснай кішкі, паталогіі печані, органаў дыхання, працы па даследаванні вянознага ціску і вызначэнні яго значэння ў клініцы сардэчна-сасудзістых захворванняў^[1]^[2].

Аўтар каля 58 навуковых прац, у тым ліку манаграфій^[2].

Сачыненні

Спутник терапевта : [в 2 т.] / А. Д. Аденский. — Минск, 1959―1964. ― 2 т.

Узнагароды

Узнагароджаны 2-ма ордэнамі Леніна (1961, 1967), Працоўнага Чырвонага Сцяга (1953), Ганаровым знакам «Герой рэвалюцыйнага руху», 3-ма Ганаровымі граматамі Вярхоўнага Савета БССР, шматлікімі медалямі. Заслужаны дзеяч навукі БССР (1967)^[2].

Зноскі

↑ ^а ^б т. 5. Биографический справочник. Мн: Издательство «Белорусская советская энциклопедия» имени Петруся Бровки, 1982. 29 с.
↑ ^а ^б ^в ^г ^д ^е ^ё ^ж ^з ^і ^к ^л ^м ^н ^о ^п Аденский-Пинчук Андрей Дмитриевич Архівавана 13 ліпеня 2014. (руск.)

Літаратура

Венозное давление и значение сердечно-сосудистых заболеваний : диссертация … доктора медицинских наук / Андрей Дмитриевич Аденский ; Украинский институт клинической медицины и Киевский стоматологический институт. — [Киев, 1943]. (руск.)
Адэнскі Андрэй Дзмітрыевіч // Беларуская энцыклапедыя: У 18 т. Т. 1: А — Аршын / Рэдкал.: Г. П. Пашкоў і інш. — Мн. : БелЭн, 1996. — Т. 1. — С. 146. — 10 000 экз. — ISBN 985-11-0035-8. — ISBN 985-11-0036-6 (т. 1).
Аденский Андрей Дмитриевич // Республика Беларусь : энциклопедия : [в 7 т.]. — Минск, 2006. — Т. 2. — С. 11. (руск.)
Аденский Андрей Дмитриевич // Регионы Беларуси : энциклопедия : в 7 т. — Минск, 2012. — Т. 3 : Гомельская область : в 2 кн., кн. 1. — С. 11. (руск.)
Аденский-Пинчук Андрей Дмитриевич // Заведующие кафедрами, профессора и доктора наук Белорусской медицинской академии последипломного образования, 1931―2011 : к 80-летию БелМАПО. — Минск, 2011. — С. 31—33. (руск.)

[БС-1] а ^б т. 5. Биографический справочник. Мн: Издательство «Белорусская советская энциклопедия» имени Петруся Бровки, 1982. 29 с.

[Мап-2] а ^б ^в ^г ^д ^е ^ё ^ж ^з ^і ^к ^л ^м ^н ^о ^п Аденский-Пинчук Андрей Дмитриевич Архівавана 13 ліпеня 2014. (руск.)

[1]

[2]