Андрэй Віктаравіч Салавей

Андрэй Салавей (нар. 13 снежня 1994, Бяроза) — беларускі футбаліст, нападнік казахстанскага клуба «Аксу» (у арэндзе з салігорскага «Шахцёра») і нацыянальнай зборнай Беларусі. Футбаліст года Беларусі (2021).

Андрэй Салавей
Поўнае імя	Андрэй Віктаравіч Салавей
Нарадзіўся	13 снежня 1994(1994-12-13) (28 гадоў) Бяроза, Бярозаўскі раён, Брэсцкая вобласць, Беларусь
Грамадзянства	Беларусь
Рост	176 см
Вага	67 кг
Пазіцыя	паўабаронца, нападнік
Інфармацыя пра клуб
Клуб	Аксу
Нумар	33
Клубная кар’ера
2011—2015 Дынама (Брэст) 39 (4) 2016—2017 Тарпеда-БелАЗ (Жодзіна) 7 (0) 2017—2018 Слонім-2017 39 (12) 2019—2020 Лакаматыў (Гомель) 47 (34) 2021 Гомель 29 (18) 2022— Шахцёр (Салігорск) 19 (1) 2023— →  Аксу
Нацыянальная зборная
2015 Беларусь (да 21) 1 (0) 2021— Беларусь 8 (2)

Клубная кар’ера

Гуляў за дубль, а пачынаючы з 2012 года праходзіў у асноўны склад брэсцкага «Дынама».

У сезоне 2013 толькі ў другой палове стаў з’яўляцца на лаўцы запасных, адкуль часам выхадзіў на замену. 1 верасня 2013 года забіў свой першы гол за асноўную каманду, чым прынёс перамогу над «Нафтанам» (2:1).

У першай палове 2014 не гуляў з-за траўмы, у чэрвені 2014 года вярнуўся ў строй. У лістападзе 2014 года ўпершыню з’явіўся ў стартавым складзе брэсцкай каманды. У лютым 2015 года падоўжыў кантракт з «Дынама». У сезоне 2015 ужо трывала замацаваўся ў аснове брэстчан, стаў выкарыстоўвацца пераважна на пазіцыі нападніка.

У студзені 2016 года адправіўся на прагляд у жодзінскае «Тарпеда-БелАЗ» і ў выніку падпісаў кантракт з гэтым клубам. У складзе жодзінцаў стаў выступаць у асноўным за дубль, у галоўнай камандзе звычайна толькі часам выхадзіў на замену. У ліпені 2016 года адправіўся на зборы ва Узброеныя Сілы, у верасні вярнуўся ў каманду. У першай палове сезона 2017 выступаў выключна за дубль жодзінцаў. У ліпені 2017 года па пагадненні бакоў разарваў кантракт з «Тарпеда-БелАЗ» і далучыўся да «Слоніма-2017», дзе стаў адным з асноўных ігракоў.

У студзені 2019 года пакінуў слонімскі клуб і неўзабаве перайшоў у гомельскі «Лакаматыў». Замацаваўся ў якасці аднаго з асноўных ігракоў клуба, у сезоне 2020 з 21 голам стаў найлепшым бамбардзірам Першай лігі.

У студзені 2021 года падпісаў кантракт з «Гомелем». Стаў адным з лідараў каманды ў Вышэйшай лізе і найлепшым яе бамбардзірам. Па выніках сезона заняў другое месца ў спісе бамбардзіраў Вышэйшай лігі пасля Дэмбо Дарбо, быў прызнаны найлепшым нападнікам і футбалістам года Беларусі.

У студзені 2022 года па заканчэнні кантракта з «Гомелем» у якасці свабоднага агента падпісаў пагадненне з салігорскім «Шахцёрам». У першай палове сезона 2022 нярэдка гуляў у стартавым складзе, пасля стаў часцей выхадзіць на замену або заставацца на лаўцы запасных. Сезон 2023 пачынаў у складзе «Шахцёра», а ў сакавіку быў аддадзены ў арэнду ў казахстанскі «Аксу».

Міжнародная кар’ера

У жніўні 2015 года быў упершыню выкліканы ў моладзевую зборную Беларусі. Свой адзіны матч за моладзевую зборную згуляў 6 верасня таго ж года ў адборачным матчы чэмпіянату Еўропы 2017 супраць Славакіі, выйшаўшы на замену на 78-й хвіліне.

2 чэрвеня 2021 года дэбютаваў у нацыянальнай зборнай Беларусі ў таварыскім матчы супраць Азербайджана (1:2), калі выйшаў на замену ў другім тайме.

Дасягненні

• 01 Чэмпіён Беларусі: 2022
• Уладальнік Кубка Беларусі: 2016
• Уладальнік Суперкубка Беларусі: 2023
• Найлепшы бамбардзір Першай лігі чэмпіянату Беларусі: 2020 (21 гол)
• Найлепшы нападнік чэмпіянату Беларусі: 2021
• У спісе 22 найлепшых футбалістаў чэмпіянату Беларусі: 2021
• Футбаліст года Беларусі: 2021

Сям’я

Андрэй з’яўляецца малодшым братам Арцёма Салаўя, футбаліста алімпійскай зборнай Беларусі.