Андрэ Дэрэн

Андрэ Дэрэн (фр.: André Derain; 10 чэрвеня 1880, Шату-сюр-Сен — 8 верасня 1954, Гарш) — французскі жывапісец, графік, тэатральны дэкаратар, скульптар, кераміст.

Андрэ Дэрэн
Дата нараджэння:	10 чэрвеня 1880(1880-06-10)[…]
Месца нараджэння:	Шату[d], дэпартамент Івелін, рэгіён Іль-дэ-Франс, Францыя
Дата смерці:	8 верасня 1954(1954-09-08)[…] (74 гады)
Месца смерці:	Гарш[d], дэпартамент О-дэ-Сен, рэгіён Іль-дэ-Франс, Францыя
Месца пахавання:	дэпартамент Івелін
Грамадзянства:	Францыя
Бацька:	Louis Derain[d]
Род дзейнасці:	мастак, харэограф, скульптар, гравёр, дызайнер касцюмаў, сцэнограф
Жанр:	Фавізм
Вучоба:	Пецярбургская акадэмія навук Акадэмія Жуліяна
Член у	Comité national de l'estampe[d]
Подпіс:
Працы на Вікісховішчы

Біяграфія

Вучыўся ў Э. Кар'ера (1898-99) і ў Акадэміі Жуліяна (1904) у Парыжы. Станаўленне мастака прайшло пад уплывам яго сябра Марыса дэ Вламінка і пазней — Анры Маціса, якія аказалі на яго вялікі ўплыў. Пасля службы ў войску (1900—1904) мастак на два гады (1905—1906) з'ехаў у Вялікабрытанію, дзе стварыў віды Гайд-Парку і набярэжных Тэмзы. Гэтыя пейзажы, выкананыя ў духу фавізму, прасякнуты імкненнем перадаць напружанасць жыцця прыроды; іх дэкаратыўны эфект заснаваны на гранічна інтэнсіўным гучанні буйных плям чыстых кантрасных колераў («Лонданская гавань», 1906, Галерэя Тэйт, Лондан). Карціны Дэрэна адразу ж прыцягнулі ўвагу публікі на восеньскім Салоне 1905 года.

Каля 1908 г. стыль Дэрэна змяняецца пад уплывам П. Сезана і ранняга кубізму; яго карцінам ўласцівыя рацыяналістычная выразнасць кампазіцый, геаметрычная спрошчанасць і важкасць формаў.