Антоній Спрынговіч

Антоній Спрынговіч (31 кастрычніка 1876, Рэжыца — 1 кастрычніка 1958, Рыга) — латвійскі рымска-каталіцкі святар, дыяцэзіяльны біскуп Рыжскі ў 1920—1937 гадах (арцыбіскуп з 1923 года), мітрапаліт Рыгі ў 1937—1958 гадах, прымас Латвіі ў 1920—1958 гг.

Антоній Спрынговіч
Род дзейнасці	каталіцкі святар, каталіцкі біскуп
Дата нараджэння	31 кастрычніка 1876(1876-10-31) ці 1 лістапада 1876(1876-11-01)
Месца нараджэння	Рэзэкнэ, Рэжыцкі павет, Віцебская губерня, Расійская імперыя
Дата смерці	1 кастрычніка 1958(1958-10-01) (81 год)
Месца смерці	Рыга, Латвійская Савецкая Сацыялістычная Рэспубліка, СССР
Грамадзянства	Латвія
Веравызнанне	Каталіцкая Царква
Узнагароды і прэміі

У 1893 г. скончыў гімназію ў Рэжыцы. У 1893—1897 гадах вучыўся ў Духоўнай акадэміі ў Пецярбургу. Духоўнае пасвячэнне атрымаў у 1901 годзе, працаваў у парафіі Пінска, з 1905 года служыў у Ліксне. У 1917 годзе быў прызначаны генеральным вікарыем магілёўскага арцыбіскупа Эдварда Ропа.

Пасля таго, як Эдвард О’Рурк пакінуў пасаду біскупа Рыгі, Папа Пій XI прызначыў яго новым біскупам (з 1923 г. арцыбіскупам) Рыгі — ён быў першым у гісторыі латышом, які меў гэтую годнасць. Выконваў таксама абавязкі прымаса Латвіі. У 1922 годзе ён прывёў да падпісання канкардату са Святым Пасадам. Быў прыхільнікам умеранай нацыянальнай палітыкі ў Каталіцкім Касцёле ў Латвіі — крытыкаваў выдаленне польскіх святароў і польскай мовы з літургіі.