Антоніу Гутэрыш

Антоніу Мануэ́л дэ Аліве́йра Гутэ́рыш (парт.: António Manuel de Oliveira Guterres [ɐ̃ˈtɔnju ɡuˈtɛʁɨʃ]; 30 красавіка 1949, Лісабон) — партугальскі палітык, генеральны сакратар Арганізацыі Аб'яднаных Нацый. У мінілым займаў пасады Вярхоўнага камісара ААН па справах бежанцаў (2005-2015), прэм'ер-міністра Партугаліі (1995-2002) і прэзідэнта Сацыялістычнага інтэрнацыянала (1999—2005).

Антоніу Гутэрыш парт.: António Guterres
9-ы Генеральны сакратар ААН
з 1 студзеня 2017
Папярэднік:	Пан Гі Мун
10-ы Вярхоўны камісар ААН па справах бежанцаў
15 чэрвеня 2005 — 31 снежня 2015
Папярэднік:	Рууд Люберс
Пераемнік:	Філіпа Грандзі
114-ы Прэм'ер-міністр Партугаліі
28 кастрычніка 1995 — 6 красавіка 2002
Прэзідэнт:	Марыу Суарыш Жоржы Сампаю
Папярэднік:	Анібал Каваку Сілва
Пераемнік:	Жазэ Мануэл Барозу
7-ы Прэзідэнт Сацыялістычнага інтэрнацыянала
лістапад 1999 — чэрвень 2005
Папярэднік:	П'ер Маруа
Пераемнік:	Георгіяс Папандрэу
4-ы Генеральны сакратар Сацыялістычнай партыі Партугаліі
23 лютага 1992 — 21 снежня 2002
Папярэднік:	Жоржы Сампаю
Пераемнік:	Эдуарду Феру Радрыгеш
Партыя:	Сацыялістычная партыя Партугаліі
Адукацыя:	Вышэйшы тэхналагічны інстытут
Дзейнасць:	палітык
Месца працы:	Тэхнічны ўніверсітэт Лісабона[d]
Член у:	Club of Madrid[d] European Council on Foreign Relations[d] Friends of Europe[d]
Веравызнанне:	Хрысціянства (каталіцтва)
Нараджэнне:	30 красавіка 1949 Лісабон, Партугалія
Бацька:	Virgílio Dias Guterres[d]
Маці:	Ilda Cândida de Oliveira[d]
Жонка:	Луіза Амелія Гімарайнш (1972 – 1998) Катарына Ваш Пінту (з 2001)
Дзеці:	Педру і Марыяна
Сайт:	antonioguterres.gov.pt
Аўтограф:
Узнагароды:

Біяграфія

Антоніу Гутэрыш нарадзіўся ў Лісабоне ў 1949 годзе. Атрымаў вышэйшую адукацыю у Вышэйшым тэхнічным інстытуце, дзе потым выкладаў у 1973—1975 гадах і быў звязаны з моладзевымі каталіцкімі рухамі. У 1974 годзе заняўся палітыкай, далучыўшыся да Сацыялістычнай партыі Партугаліі. У 1992 годзе стаў Генеральным сакратаром партыі, а ў 1995—2002 гадах узначальваў урад Партугаліі. Падчас яго прэм'ерства адбылася Сусветная выстава ў Лісабоне (Экспа 98), Макаа быў перададзены Кітаю, а інданезійскія войскі скончылі акупацыю Партугальскага Тымора, які стаў незалежнай дзяржавай Усходні Тымор.

У 2005—2015 гадах працаваў Вярхоўным камісарам ААН па справах бежанцаў. Акрамя роднай партугальскай мовы таксама ведае іспанскую, французскую і англійскую.

Асабістае жыццё

У 1972 годзе Гутэрыш ажаніўся з Луізай Амеліяй Гімарайнш, якая памерла ад рака ў 1998 годзе. Ад гэтага шлюбу ў Гутэрыша засталося двое дзяцей. У 2001 годзе ажаніўся з Катарынай Маркеш дэ Алмейда Ваш Пінту, выхоўвае прыёмнага сына.