Антон Вітальевіч Вашкевіч

Антон Вітальевіч Вашкевіч
Антон Вітальевіч Вашкевіч
Нарадзіўся	23 мая 1994 (30 гадоў)
Грамадзянства	Беларусь;
Клубная кар’ера
2011—2014	Цмокі-Мінск-2
2014—2015	Чырвоныя Крылы[d]
2015—2016	Імпульс-БДУІР
2016—2017	Рубон
2017—2020	Цмокі-Мінск
2020—0000	Імпульс-БДУІР
	↑ Колькасць гульняў і балаў за прафесійны клуб лічыцца толькі для розных ліг нацыянальных чэмпіянатаў. ;

Антон Вітальевіч Вашкевіч (нар. 23 сакавіка 1994, Мінск, Беларусь) — беларускі баскетбаліст, цяжкі форвард / цэнтравы. Выступаў за нацыянальную зборную Беларусі.

Біяграфія

Выхаванец СДзЮШАР «Мінск-2006» (да 2006 года — СДзЮШАР №10). Першыя трэнеры — Сяргей Уладзіміравіч Крукаў і Сяргей Іванавіч Шайкоўскі^[1].

Пачаў сваю прафесійную кар’еру ў сезоне 2010/11 у другой камандзе «Мінск-2006», і працягнуў бараніць колеры юных «Цмокаў» аж да 2014-га. У 2014 годзе перабіраўся ў Тальяці, дзе выступаў за другую каманду «Чырвоныя крылы». Сезон 2015/16 правёў у складзе «Імпульс-БДУІР», а сезон 2016/17 — у віцебскім «Рубоне».

У ліпені 2017 года заключыў кантракт з клубам «Цмокі-Мінск»^[2]. У асноўным выступаў за рэзервовы склад клуба. Перыядычна прыцягваўся ў асноўную каманду на гульні Адізнай лігі ВТБ (у сезонах 2017/18—2018/19 прыняў удзел у 4-х гульнях лігі)^[3]. У студзені 2020 года вярнуўся ў «Імпульс-БДУІР».

Скончыў БДУІР. У складзе баскетбольнай каманды ўніверсітэта неаднаразова станавіўся пераможцам Рэспубліканскай студэнцкай баскетбольнай лігі Беларусі.

Кар’ера

2010—2012 — Мінск-2006-2
2012—2014 — Цмокі-Мінск-2
2014—2015 — Чырвоныя крылы-2 (Тальяці, Расія)
2015—2016 — Імпульс-БДУІР (Мінск)
2016—2017 — Рубон (Віцебск)
2017—2019 — Цмокі-Мінск
2017—2020 — Цмокі-Мінск (рэзервовая каманда)
з 2020 — Імпульс-БДУІР (Мінск)

Зборная Беларусі

Выступаў за юнацкую U-16 (2009—2010), юніёрскую U-18 (2011—2012) і моладзевую U-20 (2013—2014) зборную Беларусі.

У 2016—2019 гадах прыцягваўся ў мужчынскую зборную Беларусі. Правёў за нацыянальную зборную 2 афіцыйных гульні ў кваліфікацыі да чэмпіянату свету-2019 у лютым 2018 года — са зборнымі Іспаніі і Славеніі^[4].

У маі 2018 года ў складзе студэнцкай зборнай Беларусі прымаў удзел у Міжнародным студэнцкім баскетбольным кубку^[5], дзе беларуская зборная заняла другое месца.