Арсенальная (станцыя метро)

Арсенальная (укр.: Арсенальна, вымаўленне ) — станцыя Кіеўскага метрапалітэна, размешчаная на Святошынска-Броварскай лініі. Была адкрыта 6 лістапада 1960 года ў складзе першай чаргі будаўніцтва. Самая глыбокая станцыя метрапалітэна ў свеце (глыбіня залажэння 105,5 м). Назву станцыя атрымала ад размешчанага побач буйнога завода «Арсенал». Пасажырапаток — 26,1 тыс. чал./суткі.

«Арсенальная» укр.: Арсенальна
Святошынска-Броварская лінія
Кіеўскі метрапалітэн
Дата адкрыцця	6 лістапада 1960 года
Раён	Пячэрскі
Тып	глыбокага закладання, «англійскага тыпу»
Глыбіня залажэння, м	105,5 м
Тып платформаў	астраўная
Форма платформаў	простая
Даўжыня платформаў, м	100,0 м
Шырыня платформаў, м	19,7 м
Узведзена	Кіеўметрабуд
Выхад да вуліц	Міхаіла Грушэўскага, Маскоўскай, Івана Мазепы, Арсенальнай плошчы
Час адкрыцця	05:38
Код станцыі	121
Суседнія станцыі	Дняпро і Хрэшчатык
Медыяфайлы на Вікісховішчы

З 1986 года станцыя мае статус «помнік архітэктуры мясцовага значэння», ахоўны нумар 187.

Канструкцыя

Станцыя глыбокага залажэння, «англійскага тыпу» — з кароткай сярэдняй залай. Сярэдняя зала злучана з кожнай платформай двума праходамі-парталамі. Маецца дадатковы асобны праход паміж дзвюма платформамі.

Падземны вестыбюль злучаны з паверхняй трохстужачным двухмаршавым эскалатарам з прамежкавым падземным вестыбюлем. Наземны вестыбюль уяўляе сабой прамавугольны будынак, увянчаны купалам. У ніжнім эскалатарным маршы ўстаноўлены 3 эскалатары тыпу ЭМ-5.5 з вышынёй пад’ёму 55,8 м, а ў верхнім маршы — 3 эскалатары тыпу ЭМ-5.5 з вышынёй пад’ёму 46,6 м.

Станцыя мае адзін выхад на Арсенальную плошчу і прылеглыя да яе вуліцы Івана Мазепы, Маскоўскую і Міхаіла Грушэўскага.

Абсталяванне

Абліцоўванне пілонаў і сцен выканана белым і ружовым мармурам, таксама выкарыстоўваецца алюмініевае ліццё, анадаванае пад бронзу. Маюцца характэрныя для падземных станцый першай чаргі мармуровыя лаўкі і краты шляхавых сцен. Тарэц сярэдняй залы быў упрыгожаны барэльефам, прысвечаным студзеньскаму паўстанню 1918 года рабочых завода «Арсенал»; гэты барэльеф быў дэмантаваны ў канцы 1990-х гадоў і не захаваўся.

Рэжым працы

Адкрыццё — 05:38, закрыццё — 00:10.

Адпраўленне першага цягніка ў накірунку:

• ст. «Лясная» — 06:01
• ст. «Акадэмгарадок» — 05:48

Адпраўленне апошняга цягніка ў накірунку:

• ст. «Лясная» — 0:30
• ст. «Акадэмгарадок» — 0:18

Фотаздымкі

• 
  Цэнтральная зала
• 
  Пасадачная платформа
• 
  Праход паміж платформамі
• 
  Дэкаратыўная рашотка
• 
  Назва станцыі на шляхавай сцяне
• 
  Дзверцы на шляхавай сцяне
• 
  Від на эскалатарны нахіл
• 
  Ніжні эскалатарны нахіл
• 
  Панарама прамежкавага вестыбюля эскалатарнага нахілу
• 
  Верхні эскалатарны нахіл
• 
  Наземны вестыбюль

Цікавыя факты

• «Арсенальная» — адзіная зараз існуючая станцыя «англійскага тыпу» ў метрапалітэнах былога СССР. Раней цэнтральнай залы не мелі станцыі «Лубянка», «Чыстыя пруды» і «Павялецкая» Замаскварэцкай лініі ў Маскве, але яны былі пасля рэканструяваны.
• Пры глыбіні 105,5 метраў «Арсенальная» з’яўляецца самай глыбокай станцыяй метро на тэрыторыі былога СССР і нават ва ўсім свеце. Пры гэтым наступная за ёй станцыя, «Днепр», з’яўляецца надземнай.

Спасылкі

• Звесткі на афіцыйным сайце Кіеўскага метрапалітэна(недаступная спасылка) (руск.)
• Старонка станцыі на неафіцыйным сайце Кіеўскага метрапалітэна Архівавана 22 мая 2017. (руск.)
• Станцыя «Арсенальная» на сайце «Свет метро» (руск.)
• Арсенальна (станція метро) на ВЕК Архівавана 9 кастрычніка 2007. (укр.)