Арсенал (Вена)

Арсена́л — комплекс будынкаў ваеннага прызначэння (у мінулым) на паўднёвым усходзе Вены ў трэцім раёне (Ландштрасэ).

Славутасць
Арсенал
48°10′55″ пн. ш. 16°23′27″ у. д.
Краіна	Аўстрыя
Месцазнаходжанне	Landstraße[d]
Медыяфайлы на Вікісховішчы

Некалькі цагляных будынкаў, размешчаных квадратам, утвараюць комплекс, які знаходзіцца ў паўднёвай частцы кольцавой дарогі Гюртэль. Гэта самая вядомая архітэктурная кампазіцыя ў стылі рамантычнага гістарызму ў Вене. Комплекс створаны ў сярэднявечна-італьянскім і іслама-візантыйскім стылях. Ён захаваны ў сваёй першапачатковай форме, хоць будынкі ва ўнутраным двары былі разабраныя.

Комплекс быў пабудаваны ў перыяд з 1848 па 1856 гады ў часы сакавіцкай рэвалюцыі 1848 года і быў першым з трох комплексаў, якія замянілі старую фартыфікацыйную сістэму Вены. У гады Першай сусветнай вайны выконваў функцыі арсенала і казармаў. У 1945 годзе Арсенал быў моцна пашкоджаны бамбаваннямі, але пасля заканчэння вайны быў адноўлены да першапачатковага стану. У склад комплексу ўваходзіць Венскі ваенна-гістарычны музей.

Спасылкі

• На Вікісховішчы ёсць медыяфайлы па тэме Венскі Арсенал