Вікіпедыя

Артур Андрэевіч Лясько

беларускі футбаліст
(Пасля перасылкі з Артур Лясько)

Артур Лясько (нар. 25 мая 1984, Баранавічы) — беларускі футбаліст, брамнік. У цяперашні час працуе трэнерам у клубе «Энергетык-БДУ».

Футбол
Артур Лясько
Поўнае імя Артур Андрэевіч Лясько
Нарадзіўся 25 мая 1984(1984-05-25)[1] (39 гадоў)
Грамадзянства  Беларусь
Рост 189 см
Вага 83 кг[2]
Пазіцыя брамнік
Інфармацыя пра клуб
Клуб Беларусь Энергетык-БДУ
Пасада трэнер
Клубная кар’ера[* 1]
2001—2002 Беларусь РВАР (Мінск) 19 (-24)
2003—2007 Беларусь Дынама (Мінск) 62 (-51)
2004 →  Беларусь Дынама-Юні (Мінск) 11 (-13)
2008—2009 Украіна Крыўбас (Крывы Рог) 2 (-7)
2010 Арменія Пюнік (Ерэван) 25 (-20)
2011—2012 Беларусь Мінск 37 (-52)
2013 Беларусь Слуцк 12 (-8)
2013 Беларусь Гомель 9 (-16)
2014—2016 Беларусь Слуцк 59 (-61)
2017 Беларусь Тарпеда (Мінск) 3 (-6)
2017 Беларусь Баранавічы 14 (-23)
2018 Беларусь Ліда 12 (-11)
2018—2021 Беларусь Энергетык-БДУ (Мінск) 38 (-44)
Нацыянальная зборная[* 2]
2005—2006 Беларусь Беларусь (да 21) 6 (-7)
Трэнерская кар’ера
2022— Беларусь Энергетык-БДУ (Мінск) трэнер
  1. ↑ Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 17 красавіка 2022.
  2. ↑ Колькасць гульняў і галоў за нацыянальную зборную ў афіцыйных матчах, адкарэктавана станам на 25 верасня 2012

Клубная кар’ера правіць

Пачаў кар’еру ў мінскім РВАРы, потым апынуўся ў «Дынама». У 2008 годзе перайшоў у «Крыўбас», але правёў толькі дзве гульні ў аснове. Сезон 2010 правёў у армянскім «Пюніку», з якім узяў хет-трык — выйграў чэмпіянат, кубак і суперкубак.

У снежні 2010 года вярнуўся ў Беларусь, падпісаўшы кантракт з «Мінскам». У канцы 2012 года пакінуў мінскі клуб і ў лютым 2013 года стаў іграком «Слуцка»[3], дзе стаў асноўным брамнікам.

У жніўні 2013 года перайшоў у «Гомель»[4][5], дзе стаў чаргавацца на пазіцыі брамніка з Ягорам Хаткевічам. Па заканчэнні сезона 2013 пакінуў «Гомель» і ў студзені 2014 года вярнуўся ў «Слуцк»[6], які выйшаў у Вышэйшую лігу.

У слуцкім клубе зноў стаў асноўным брамнікам. У сезоне 2014 правёў 13 «сухіх» матчаў, што стала найлепшым паказчыкам у Вышэйшай лізе пасля брамнікаў каманд-прызёраў. У снежні 2014 года на два гады падоўжыў кантракт са случанамі[7]. Быў асноўным брамнікам «Слуцка», але часам адсутнічаў з-за траўмы, а ў жніўні 2016 года выбыў да канца сезона. У снежні 2016 года пакінуў слуцкі клуб[8].

Са студзеня 2017 года знаходзіўся на праглядзе ў «Іслачы», якая ў выніку адмовілася ад супрацоўніцтва з брамнікам[9]. У сакавіку 2017 года далучыўся да мінскага «Тарпеда», з якім неўзабаве падпісаў кантракт[10]. Аднак, згуляў за сталічны клуб толькі ў трох матчах, пасля чаго ў чэрвені 2017 года пакінуў каманду[11].

У ліпені 2017 года далучыўся да «Баранавічаў»[12], дзе стаў асноўным брамнікам. Па заканчэнні сезона ў снежні 2017 года пакінуў клуб[13].

У студзені 2018 года перайшоў у «Ліду»[14]. Быў асноўным брамнікам каманды. У жніўні 2018 года пакінуў лідскі клуб[15] і неўзабаве далучыўся да «Энергетыка-БДУ»[16], якому дапамог выйсці ў Вышэйшую лігу. У 2019—2020 гадах часам выхадзіў на поле за «Энергетык-БДУ» ў Вышэйшай лізе, чаргаваўся з больш маладымі брамнікамі. У студзені 2021 года падоўжыў кантракт з клубам[17], пры гэтым фактычна перайшоў на пасаду гуляючага трэнера, у сезоне 2021 не з’яўляўся на полі, толькі некалькі разоў заставаўся на лаўцы запасных.

З 2022 года засярэдзіўся на трэнерскай працы ў «Энергетыку-БДУ». У снежні 2022 года атрымаў ліцэнзію УЕФА для трэнераў брамнікаў катэгорыі B[18].

Міжнародная кар’ера правіць

Гуляў за моладзевую зборную Беларусі.

Дасягненні правіць

Зноскі

  1. ↑ https://championship.abff.by/players/728
  2. ↑ https://teams.by/artur-lesko/player-144/
  3. ↑ Лесько переходит в «Слуцк»(недаступная спасылка)
  4. ↑ Артур Лесько покидает "Слуцк"
  5. ↑ «Гомель» подписал контракт с Лесько(недаступная спасылка)
  6. ↑ Лесько пореходит в "Слуцк", Горбач, Григоров и Лошанков продлили контракты с клубом
  7. ↑ «Слуцк» продлил контракты с Алисейко, Лесько и Бобко
  8. ↑ "Слуцк" расстался с Артуром Лесько
  9. ↑ Футбол. Виталий Жуковский: готовы заключить контракт с игроком сборной Тринидада и Тобаго, с Лесько не будем сотрудничать
  10. ↑ Артур Лесько подписал контракт с минским "Торпедо"
  11. ↑ Артур Лесько покинул минское "Торпедо"
  12. ↑ Лесько перешел в «Барановичи», Высоцкий отдан в аренду «Нафтану»
  13. ↑ ФК «Барановичи» покинули 11 футболистов Архівавана 18 мая 2022.
  14. ↑ Лесько, Лясюк, Ковалюк и еще три игрока подписали контракты с "Лидой"
  15. ↑ Лесько и Борисенко покидают "Лиду"
  16. ↑ Лесько перешел в «Энергетик-БГУ»
  17. ↑ Лесько, Садовский и Юдчиц продлили контракты с "Энергетиком-БГУ"
  18. ↑ Завершились курсы В-диплом УЕФА для тренеров вратарей (руск.). abff.by (16 снежня 2022). Праверана 30 снежня 2022.
Узята з "https://be.wikipedia.org/w/index.php?title=Артур_Андрэевіч_Лясько&oldid=4306437"