Архіў Яна Замойскага
«Архі́ў Я́на Замойскага» (польск.: Archiwum Jana Zamoyskiego, kanclerza i hetmana wielkiego koronnego) — зборнік дакументаў за 1553—1584 гады канцлера Польшчы і гетмана вялікага кароннага Яна Замойскага. Выдадзены ў 1904—1913 гг. у Варшаве ў З тамах. Пісьмовыя крыніцы выяўлены выдаўцом В. Сабескім у бібліятэцы ардынацыі Замойскіх. Змешчана перапіска Я. Замойскага з Радзівіламі, Алелькавічамі, Валовічамі, Кішкамі і іншымі магнатамі, уплывовымі палітычнымі і дзяржаўнымі дзеячамі Вялікага Княства Літоўскага. Адлюстраваны ваенна-палітычныя і царкоўна-рэлігійныя адносіны Польшчы з Вялікім Княствам Літоўскім, Расіяй, Асманскай імперый, Валахіяй і іншымі дзяржавамі, сямейна-бытавыя справы магнатаў.
Літаратура правіць
- Беларуская энцыклапедыя: У 18 т. Т. 1: А — Аршын / Рэдкал.: Г. П. Пашкоў і інш. — Мн. : БелЭн, 1996. — Т. 1. — 552 с. — 10 000 экз. — ISBN 985-11-0035-8. — ISBN 985-11-0036-6 (т. 1).