Вікіпедыя

Арцём Віктаравіч Гамялько

беларускі футбаліст
(Пасля перасылкі з Арцём Гамялько)

Арцём Гамялько (нар. 8 снежня 1989, Жодзіна) — беларускі футбаліст, брамнік польскага клуба ЛКС з Явішавіцаў.

Футбол
Арцём Гамялько
Агульная інфармацыя
Поўнае імя Арцём Віктаравіч Гамялько
Нарадзіўся 8 снежня 1989(1989-12-08)[1][2] (34 гады)
Грамадзянства  Беларусь
Рост 192 см
Вага 80 кг
Пазіцыя брамнік
Інфармацыя пра клуб
Клуб Польшча ЛКС (Явішавіцы)
Клубная кар’ера[* 1]
2005—2007 Беларусь Тарпеда (Жодзіна) 2 (-5)
2008—2012 Расія Лакаматыў (Масква) 1 (-3)
2010 →  Беларусь Нафтан (Наваполацк) 22 (-20)
2011 →  Беларусь Тарпеда-БелАЗ (Жодзіна) 12 (-17)
2013—2014 Беларусь Граніт (Мікашэвічы) 42 (-28)
2015—2016 Беларусь Слонім 44 (-67/1)
2017 Беларусь Смалявічы-СТІ 2 (0)
2019—2020 Беларусь Смалявічы 23 (-22)
2020—2021 Арменія Лоры (Ванадзор) 13 (-12)
2021 Беларусь Слуцк 11 (-18)
2022 Польшча Спарта (Казімежа Велька)
2022— Польшча ЛКС (Явішавіцы)
Нацыянальная зборная[* 2]
2007—2008 Беларусь Беларусь (да 19) 6 (-7)
2007—2011 Беларусь Беларусь (да 21) 11 (-8)
2011 Беларусь Беларусь (алімпійская) 4 (-5)
Трэнерская кар’ера
2017—2020 Беларусь Смалявічы брамнікі
  1. ↑ Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 26 лістапада 2022.
  2. ↑ Колькасць гульняў і галоў за нацыянальную зборную ў афіцыйных матчах, адкарэктавана станам на 20 лістапада 2017
Лагатып Вікісховішча Медыяфайлы на Вікісховішчы

Клубная кар’ера правіць

Выхаванец жодзінскай СДЮШАР «БелАЗ», выступаў за мясцовае «Тарпеда». У студзені 2008 года перайшоў у маскоўскі «Лакаматыў», дзе стаў гуляць за моладзевую каманду.

Сезон 2010 правёў у арэндзе ў наваполацкім «Нафтане», быў асноўным брамнікам наваполацкага клуба. Па заканчэнні сезона 2010 вярнуўся ў «Лакаматыў». 22 чэвреня 2011 года згуляў свой адзіны матч за асноўную каманду чыгуначнікаў, у якім «Лакаматыў» саступіў ЦСКА (1:3).

У другой палове 2011 года выступаў у арэндзе ў жодзінскім «Тарпеда-БелАЗ». 11 верасня 2011 года ў хатнім матчы з магілёўскім «Дняпро» няўдала прыняў мяч, які сапернікі вярталі па прынцыпе «фэйр-плэй» і пераправіў яго ва ўласную браму (выніковы лік 1:1)[3].

Сезон 2012 правёў у моладзевай камандзе «Лакаматыва». У лютым 2013 года ў якасці свабоднага агента падпісаў кантракт з мікашэвіцкім «Гранітам», які выступаў у Першай лізе. У сезоне 2013 чаргаваўся на пазіцыі брамніка з Радзівонам Сямукам, а ў сезоне 2014 стаў асноўным брамнікам мікашэвіцкай каманды і дапамог ёй перамагчы ў Першай лізе.

У лютым 2015 года падоўжыў кантракт з «Гранітам»[4]. Рыхтаваўся з камандай да сезона 2015, але ў сакавіку 2015 года кантракт з мікашэвіцкім клубам быў разарваны[5] (прычынай сталі праблемы са здароўем). У красавіку 2015 далучыўся да «Слоніма»[6] і пачаў у яго складзе сезон 2015.

У снежні 2015 года падпісаў кантракт з «Гарадзеяй», якая выйшла ў Вышэйшую лігу чэмпіянату Беларусі[7], але ўжо ў наступным месяцы пагадненне з клубам па згодзе бакоў было разарвана[8]. У выніку, Арцём вярнуўся ў склад «Слоніма» і зноў стаў асноўным брамнікам. 2 ліпеня 2016 года забіў гол у браму «Смалявічаў-СТІ», падключыўшыся пры падачы вуглавога[9].

У лютым 2017 года стала вядома, што Арцём увайшоў у трэнерскі штаб «Смалявічаў-СТІ» ў якасці трэнера брамнікаў[10]. Пры гэтым у сезоне 2017 Арцём двойчы выйшаў на поле ў Першай лізе ў якасці палявога іграка.

У чэрвені 2019 года зноў пачаў з’яўляцца на полі ў якасці брамніка за «Смалявічы», неўзабаве замацаваўся ў якасці іграка асновы. Выхадзіў на поле і ў сезоне 2020, калі клуб вярнуўся ў Вышэйшаую лігу.

У верасні 2020 года перайшоў у армянскі клуб «Лоры»[11]. Як асноўны брамнік гуляў за каманду да красавіка 2021 года, калі «Лоры» зняўся з чэмпіянату Арменіі.

У чэрвені 2021 года вярнуўся ў Беларусь, падпісаўшы кантракт са «Слуцкам»[12]. Стаў асноўным брамнікам каманды, але з кастрычніка страціў месца ў складзе. У снежні 2021 года кантракт са слуцкім клубам па пагадненні бакоў быў разарваны[13].

У лютым 2022 года далучыўся да клуба пятага польскага дывізіёна «Спарта» з Казімежы Велькай[14], а летам перабраўся ў ЛКС з Явішавіцаў[15].

Міжнародная кар’ера правіць

Выступаў за моладзевую зборную Беларусі, двойчы ў яе складзе трапляў на чэмпіянат Еўропы, але ні ў 2009 годзе, ні ў 2011 годзе не з’яўляўся на полі.

У другой палове 2011 года выступаў таксама за алімпійскую зборную, але ў выніку не трапіў на Алімпіяду 2012 у Лондан.

Дасягненні правіць

Крыніцы правіць

  1. ↑ Artem Gomelko // Transfermarkt — 2000. Праверана 9 кастрычніка 2017.
  2. ↑ Artem Gomelko // FBref.com
  3. ↑ Курьез от Гомелько и Силагайлиса (ВИДЕО) (руск.). football.by (11 верасня 2011). Праверана 24 красавіка 2024.
  4. ↑ Дмитрий Климович и Павел Кирильчик стали игроками "Гранита" (руск.). football.by (12 лютага 2015). Праверана 24 красавіка 2024.
  5. ↑ Гомелько покинул "Гранит", Гаврилов подпишет соглашение с клубом (руск.). football.by (17 сакавіка 2015). Праверана 24 красавіка 2024.
  6. ↑ Артем Гомелько тренируется со «Слонимом» (руск.)(недаступная спасылка). offside.by (16 красавіка 2015). Архівавана з першакрыніцы 5 сакавіка 2016.
  7. ↑ "Городея" подписала Артема Гомелько и продлила контракты с семью игроками (руск.). football.by (23 снежня 2015). Праверана 24 красавіка 2024.
  8. ↑ Артем Гомелько расторг контракт с "Городеей" через месяц после заключения (руск.). football.by (28 студзеня 2016). Праверана 24 красавіка 2024.
  9. ↑ Гол вратаря "Слонима" Артема Гомелько в ворота "Смолевичей-СТИ" (ВИДЕО) (руск.). football.by (3 ліпеня 2016). Праверана 24 красавіка 2024.
  10. ↑ Футбол. Дмитрий Молош назначен главным тренером ФК "Смолевичи"-СТИ (руск.)(недаступная спасылка). pressball.by (3 лютага 2017). Архівавана з першакрыніцы 4 лютага 2017.
  11. ↑ Гомелько подписал контракт с армянским "Лори" (руск.). football.by (6 верасня 2020). Праверана 24 красавіка 2024.
  12. ↑ Артем Гомелько перешел в "Слуцк" (руск.). football.by (17 чэрвеня 2021). Праверана 24 красавіка 2024.
  13. ↑ "Слуцк" расторг контракт с Гомелько (руск.). football.by (30 лістапада 2021). Праверана 24 красавіка 2024.
  14. ↑ Артем Гомелько перебрался в пятый польский дивизион (руск.). football.by (24 лютага 2022). Праверана 24 красавіка 2024.
  15. ↑ Самые известные белорусы, не так давно уехавшие покорять польский "минор" (руск.). football.by (19 кастрычніка 2022). Праверана 24 красавіка 2024.
Узята з "https://be.wikipedia.org/w/index.php?title=Арцём_Віктаравіч_Гамялько&oldid=4717884"