Арцём Аляксандравіч Радзькоў
Арцём Радзькоў (нар. 26 жніўня 1985, Магілёў) — беларускі футбаліст (абаронца) і трэнер. Ігрок нацыянальнай зборнай Беларусі (2006—2013).
 Арцём Радзькоў | ||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|
 | ||||||||||||||||||||||
| Агульная інфармацыя | ||||||||||||||||||||||
| Поўнае імя | Арцём Аляксандравіч Радзькоў | |||||||||||||||||||||
| Нарадзіўся |
26 жніўня 1985[1][2][3] (37 гадоў) |
|||||||||||||||||||||
| Грамадзянства |
 Беларусь |
|||||||||||||||||||||
| Рост | 187 см | |||||||||||||||||||||
| Вага | 82 кг | |||||||||||||||||||||
| Пазіцыя | абаронца | |||||||||||||||||||||
| Клубная кар’ера[* 1] | ||||||||||||||||||||||
|
||||||||||||||||||||||
| Нацыянальная зборная[* 2] | ||||||||||||||||||||||
|
||||||||||||||||||||||
| Трэнерская кар’ера | ||||||||||||||||||||||
|
||||||||||||||||||||||
| Узнагароды і медалі | ||||||||||||||||||||||
|
||||||||||||||||||||||
Клубная кар’ераПравіць
Выхаванец магілёўскага футбола, хутка апынуўся ў барысаўскім БАТЭ, дзе спачатку гуляў за дубль, потым стаў іграком асновы. У 2007 годзе быў прызнаны найлепшым абаронцам чэмпіянату, пасля чаго перайшоў у падмаскоўныя «Хімкі». Праз год вярнуўся ў барысаўскі клуб.
У верасні 2013 года быў аддадзены ў арэнду грозненскаму «Цераку»[4].
Па заканчэнні тэрміну арэнды пакінуў БАТЭ і ў снежні 2013 года падпісаў кантракт на 2,5 гады з турэцкім клубам «Генчлербірлігі»[5]. Далучыўся да новага клуба ў студзені 2014 года. У першай палове 2014 года згуляў за каманду 5 матчаў, так і не здолеўшы замацавацца ў асноўным складзе. Пазней увогуле выбыў з-за траўмы. Так і не здолеўшы аднавіцца пасля пашкоджання, у 2015 годзе пакінуў «Генчлербірлігі» і пачаў займацца агенцкай дзейнасцю[6]. У чэрвені 2016 года афіцыйна абвясціў аб завяршэнні кар’еры[7].
Міжнародная кар’ераПравіць
Гуляў за моладзевыя зборныя Беларусі. У 2006—2013 гадах выступаў за нацыянальную зборную.
Трэнерская кар’ераПравіць
У лютым 2017 года далучыўся да трэнерскага штаба мінскай «Зоркі-БДУ» ў якасці трэнера юнацкай каманды[8], а пазней стаў працаваць і ў асноўнай камандзе. У верасні 2019 года ўвайшоў таксама ў трэнерскі штаб Сяргея Яромкі ў моладзевай зборнай Беларусі[9].
Пакінуў «Энергетык-БДУ» ў снежні 2019 года[10]. Сярод новых меркаваных месцаў працы называліся брэсцкі «Рух» і магілёўскі «Дняпро», аднак у выніку ў студзені 2020 года спецыяліст вярнуўся ў сталічны клуб[11]. У ліпені 2020 года зноў пакінуў «Энергетык-БДУ»[12].
У кастрычніку 2020 года стаў трэнерам у барысаўскім БАТЭ[13]. Пакінуў барысаўскі клуб у снежні 2020 года[14], а ў студзені 2021 года быў прызначаны галоўным трэнерам «Іслачы»[15]. Вывеў «Іслач» у фінал Кубка Беларусі 2020/21, у чэмпіянаце Беларусі 2021 каманда заняла 10-е месца. У студзені 2022 года падоўжыў кантракт з клубам[16].
У сезоне 2022 пад кіраўніцтвам Радзькова каманда доўгі час ішла ўверсе табліцы і прэтэндавала на медалі, у выніку заняла пятае месца, што стала паўтарэннем найлепшага выніку ў гісторыі «Іслачы», паказанага раней у 2019 годзе. Па выніках сезона быў прызнаны найлепшым трэнерам чэмпіянату Беларусі[17].
У снежні 2022 года па пагадненні бакоў пакінуў «Іслач»[18].
ДасягненніПравіць
ІгравыяПравіць
Уладальнік Кубка Беларусі (2): 2006, 2010-
Чэмпіён Беларусі (6): 2006, 2007, 2009, 2010, 2011, 2012 - Уладальнік Суперкубка Беларусі (3): 2010, 2011, 2013
- Найлепшы абаронца чэмпіянату Беларусі: 2007
- У спісе 22 найлепшых ігракоў чэмпіянату Беларусі (3): 2006, 2007, 2012
ТрэнерскіяПравіць
- Найлепшы трэнер чэмпіянату Беларусі: 2022
Зноскі
- ↑ Artem Radkov // Transfermarkt — 2000. Праверана 9 кастрычніка 2017.
- ↑ Artem Radkov // FBref.com
- ↑ ARTEM RADKOV // Argentine Soccer Database
- ↑ Артем Радьков отдан в аренду в "Терек"
- ↑ Контракт Радькова с «Генчлерберлиги» рассчитан на 2,5 года(недаступная спасылка)
- ↑ Футбол. Артем Радьков стал футбольным агентом
- ↑ Артем Радьков официально объявил о завершении карьеры
- ↑ Анатолий Юревич и Белявский вошли в тренерский штаб «Звезды-БГУ», Родненок и Радьков возглавили юношеские команды
- ↑ Радьков, Павлюкович и Паречин вошли в тренерский штаб Яромко в молодежной сборной Беларуси
- ↑ Артем Радьков ушел из "Энергетика-БГУ"
- ↑ Радьков вернулся в тренерский штаб "Энергетика-БГУ"
- ↑ Источник: Радьков покинул "Энергетик-БГУ" и приступил к работе в "Шахтере"
- ↑ Радьков вошел в тренерский штаб БАТЭ
- ↑ Жуковский официально возглавил БАТЭ. Радьков покинул клуб
- ↑ Артем Радьков возглавил "Ислочь"
- ↑ "Ислочь" продлила контракт с Радьковым и тренерским штабом команды
- ↑ "Всем сестрам по серьгам". В Минске раздали награды по итогам сезона 2022
- ↑ Артем Радьков покинул "Ислочь" (руск.). football.by (7 снежня 2022). Праверана 8 снежня 2022.
СпасылкіПравіць
- Профіль на афіцыйным сайце БАТЭ (руск.)