Аскар Узакпаевіч Мамін

Аскар Узакпаевіч Мамін
Аскар Узакпаевіч Мамін
	каз.: Асқар Ұзақбайұлы Мамин
прэм’ер-міністр Казахстана[d]
	21 лютага 2019 — 5 студзеня 2022
Папярэднік	Бакытжан Абдзіравіч Сагінтаеў[d]
Пераемнік	Аліхан Асханавіч Смаілаў
Міністр транспарту і камунікацый Рэспублікі Казахстан[d]
	25 жніўня 2005 — 21 верасня 2006
Пераемнік	Серык Ныгметавіч Ахметаў
акім Астаны[d]
	21 верасня 2006 — 4 красавіка 2008
Папярэднік	Умірзак Шукееў[d]
Пераемнік	Імангалі Нургаліевіч Тасмагамбетаў[d]
Нараджэнне	23 кастрычніка 1965 (58 гадоў); Цалінаград, Казахская ССР, СССР;
Партыя	Нур Атан[d]; Аманат (партыя);
Адукацыя	Расійскі эканамічны ўніверсітэт імя Г. В. Пляханава;
Дзейнасць	эканаміст, палітык
Узнагароды	; ;
	Медыяфайлы на Вікісховішчы

Аска́р Уза́кпаевіч Мамін (каз.: Асқар Ұзақбайұлы Мамин; нар. 23 кастрычніка 1965, Цалінаград, Казахская ССР) — казахстанскі дзяржаўны і палітычны дзеяч. Прэм’ер-міністр Казахстана (2019—2022). Займаў пасады акіма горада Астаны, міністра транспарту і камунікацый Рэспублікі Казахстан (2005—2006), першага намесніка прэм’ер-міністра Рэспублікі Казахстан (2016—2019).

Біяграфія правіць

Нарадзіўся 23 кастрычніка 1965 года. Паходзіць з роду канжыгалы племя аргын.

Скончыў Цалінаградскі інжынерна-будаўнічы інстытут, Расійскую эканамічную акадэмію імя Г. В. Пляханава па спецыяльнасці «Інжынер-будаўнік, эканаміст». Працоўную дзейнасць пачаў мантажнікам трэста «Цалінцяжбуд». У 1991—1993 гадах — намеснік генеральнага дырэктара Саюза інавацыйных прадпрыемстваў. У 1993—1996 гадах — генеральны дырэктар СП «Інтэр-Ішым». З 1996 па 2008 — першы намеснік акіма горада Астаны, віцэ-міністр транспарту і камунікацый, першы віцэ-міністр індустрыі і гандлю, міністр транспарту і камунікацый Рэспублікі Казахстан, акім горада Астаны.

З красавіка 2008 года па 9 верасня 2016 года — прэзідэнт, з верасня 2016 года — старшыня савета дырэктараў акцыянернага таварыства «Нацыянальная кампанія „Казахстанскія чыгункі“».

9 верасня 2016 года прызначаны першым намеснікам прэм’ер-міністра Рэспублікі Казахстан ва ўрадзе Бакытжана Сагінтаева. 8 студзеня 2018 года першы намеснік прэм’ер-міністра Аскар Мамін увайшоў у раду дырэктараў нацыянальнай кампаніі Kazakh Tourism. 21 лютага 2019 года прызначаны выконваючым абавязкі Прэм’ер-міністра Рэспублікі Казахстан.

25 лютага 2019 года прызначаны Прэм’ер-міністрам Рэспублікі Казахстан. 29 мая 2019 года Савет Еўразійскага банка развіцця абраў Аскара Маміна старшынёй савета ЕАБР. 5 студзеня 2022 года на фоне масавых пратэстаў Прэзідэнт Рэспублікі Казахстан Касым-Жамарт Такаеў прыняў адстаўку ўрада Рэспублікі Казахстан, прызначыўшы в.а. прэм’ера Аліхана Смаілава.

Спасылкі правіць

На Вікісховішчы ёсць медыяфайлы па тэме Аскар Узакпаевіч Мамін