Атлантычныя экватарыяльныя прыбярэжныя лясы

'Атлантычныя экватарыяльныя прыбярэжныя лясы' — экарэгіён вільготных трапічных лясоў у складзе Цэнтральнай Афрыкі, які ахоплівае пагоркі, раўніны і горы атлантычнага ўзбярэжжа Камеруна, Экватарыяльнай Гвінеі, Габона, Рэспублікі Конга, Анголы і Дэмакратычнай Рэспублікі Конга.

Атлантычныя экватарыяльныя прыбярэжныя лясы
Эказона Афратропіка
Біём Дажджавыя лясы
Плошча 189.700 км²
Краіны Сцяг Анголы Ангола — Сцяг Камеруна Камерун — Сцяг Габона Габон
Сцяг Экватарыяльнай Гвінеі Экватарыяльная Гвінея  —  Рэспубліка Конга
Сцяг Дэмакратычнай Рэспублікі Конга ДР Конга
Вышыня над уз. м. вышэй
Захаванасць уразлівае становішча
Глоўбал-200 AT0102

Гэтыя лясы — прытулак буйных млекакормячых, такіх як гарыла (Gorilla gorilla), шымпанзэ (Pan), Лясны афрыканскі слон (Loxodonta cyclotis) і Буйвал афрыканскі (Syncerus caffer), а таксама мноства дробных млекакормячых, птушак, амфібій, рэптылій і бесхрыбтовых. Акрамя шымпанзэ і гарыл з прыматаў прадстаўлены Colobus satanas і мандрыл (Mandrillus sphinx).

Размяшчэнне правіць

Атлантычныя экватарыяльныя прыбярэжныя лясы займаюць плошчу 189.700 квадратных кіламетраў, яны распасціраецца ўздоўж атлантычнага ўзбярэжжа ад нізкіх узгоркаў на поўначы да гор далей на поўдзень і ўсход. Лясы займаюць паўднёва-заходні край Камеруна, мацерыковай Экватарыяльнай Гвінеі (Рыа-Муні) і прыбярэжныя раўніны Габона. Далей экарэгіён вузкай паласой распасціраецца на паўднёвы ўсход праз Рэспубліку Конга і ўсходнюю частку горада Кабінды, утвараючы анклаў у Анголе на поўнач ад ракі Конга ў правінцыі Цэнтральнае Конга Дэмакратычнай Рэспублікі Конга.

Атлантычныя экватарыяльныя прыбярэжныя лясы фармуюць самую паўднёвую частку комплексу Ніжнегвінейскіх лясоў  (англ.), рэгіён прыбярэжных вільготных шыракалістых лясоў, якія распасціраюцца на поўначы і захадзе ў паўднёва-заходнім Камеруне і паўднёвай Нігерыі. Атлантычны акіян ляжыць на ўсходзе, па саланаватых вусцях рэк і прыбярэжных эстуарыя ўкліньваюцца ўчасткі Цэнтральнаафрыканскіх мангравых лясоў. Рэгіён абмежаваны з поўдня ракой Санагай у ніжнім Камеруне, а з поўначы — ракой Конга, шэраг буйных рэк працякае па яго тэрыторыі. На ўсходзе прыбярэжныя лясы пераходзяць у экарэгіён Паўночназаходнія кангалезскія нізінныя лясы, частка Кангалезскіх лясоў  (англ.), якія пакрываюць упадзіну Конга. На паўднёвым усходзе Атлантычныя экватарыяльныя прыбярэжныя лясы мяжуюць з Заходнекангалезскай лесасаванай.

Дзякуючы геаграфічнаму размяшчэнню экарэгіён атрымлівае вялікую колькасць ападкаў на працягу года.

Флора і фаўна правіць

Разам з суседнім экарэгіёнам Крос-Санага-Біёка прыбярэжныя лясы  (англ.) у атлантычных экватарыяльных прыбярэжных лясах засяроджана 50% эндэмічных відаў раслін трапічнай Заходняй Афрыкі. Асабліва важнымі для раслін абласцямі з'яўляюцца нацыянальны парк Крыштальныя горы  (англ.) ў Габоне і Маёмбе на мяжы Рэспублікі Конга, Анголы і Дэмакратычнай Рэспублікі Конга.

Вобласць з'яўляецца домам для эндэмічных лясных млекакормячых, уключаючы такія віды, як Cercopithecus solatus, Crocidura crenata, Epomophorus grandis і Heimyscus fumosus, а таксама лясных сланоў (Loxodonta cyclotis), гарыл (Gorilla gorilla), шымпанзэ (Pan) і іншых прыматаў. Лясы таксама маюць багатую арнітафаўну. Эндэмічная герпетафаўна ўключае наступныя віды: Astylosternus schioetzi, Hemisus perreti, Hymenochirus feae, Phrynobatrachus ogoensis і Xenopus andrei.

Пагрозы і ахова правіць

На шматлікіх жывёл гэтага раёна, уключаючы прыматаў, палююць з-за мяса або з спартыўнага інтарэсу, а на сланоў — яшчэ і з-за слановай косці. Тралёўка з'яўляецца пастаяннай пагрозай у Камеруне, Габоне, Рэспубліцы Конга і асабліва ў Экватарыяльнай Гвінеі. Аднак, вялікія масівы лесу захоўваюцца і фаўна па ранейшаму асабліва багатая ў паўднёвых частках Экватарыяльнай Гвінеі і Габона, дзе вялікія вобласці займаюць нацыянальныя паркі, у тым ліку нацыянальны парк Лаанга.

Гарадскія раёны і населеныя пункты правіць

Гэтыя вобласці з'яўляюцца маланаселенымі. Паўднёвы рэгіён Камеруна пакрыты густымі лясамі, на яго тэрыторыі знаходзіцца марскі курорт Крыбі і нацыянальны парк Кампа-Маан  (англ.). Уся мацерыковая Экватарыяльная Гвінея знаходзіцца ў гэтым рэгіёне, уключаючы порт Бата. У габонской частцы прыбярэжных лясоў знаходзяцца невялікія пасёлкі, тралёвачныя лагеры, а таксама паселішчы традыцыйных насельнікаў лясоў, такіх як Бакола і Багіелі. Габонскія паселішчы ў прыбярэжных лясах уключаюць Ламбарэнэ, тралёвачную базу Нджоле  (англ.), гасцявую базу Фугаму  (англ.) для наведвання нацыянальнага парку Вака  (англ.).

Спасылкі правіць