Афраеўразія (радзей Афразія ці Еўрафразія) — суперкантынент і найбуйнейшы масіў сушы на Зямлі, які ўключае мацерыкі Афрыку і Еўразію (Еўразія ў сваю чаргу падзяляецца на Азію і Еўропу). Плошча паверхні дасягае 84 980 532 квадратных кіламетраў, на якіх пражывае каля 5,7 мільярдаў чалавек, ці прыблізна 85% насельніцтва Зямлі. Ён таксама вядомы як Стары Свет, у супрацьлегласць Амерыцы, названай Новым Светам.

Афраеўразія і прылеглыя астравы.

Кантынент Афраеўразія згадваўся як Сусветны Востраў: назва, прапанаваная сэрам Хэлфордам Джонам Мак-Кіндэрам у артыкуле "Геаграфічная вось гісторыі". Тэрмін не ўключае немацерыковыя астравы і архіпелагі.

Геалогія правіць

У геалогіі лічыцца, што Афраеўразія стане суперкантынентам, калі Афрыка сутыкнецца з Еўропай. Зрэшты, Афрыка была злучана з Еўразіяй да будаўніцтва Суэцкага канала. Як мяркуецца, гэта адбудзецца праз 600 000 гадоў, калі паўднёвы пункт Іспаніі дасягне Афрыкі. Калі гэта адбудзецца, Міжземнае мора будзе ізалявана ад Атлантычнага акіяна. Канчатковае зліццё Афрыкі і Еўропы, як лічыцца, наступіць праз 70 мільёнаў гадоў, самкнуўшы Міжземнаморскі рэгіён і ўтварыўшы новыя горныя хрыбты ў дадатак да Альпаў.

Падзелы правіць

Звычайна Афраеўразію дзеляць на Афрыку і Еўразію па Суэцкаму каналу, а Еўразію дзеляць на Еўропу і Азію. Але таксама існуе падзел на Еўразію-Паўночную Афрыку і Афрыку на поўдзень ад Сахары паводле культурных і гістарычных прычын.

Цікавыя факты правіць

Нямецкі архітэктар Герман Зёргель прапанаваў перагарадзіць гідраэлектрычнай дамбай Гібралтарскі праліў і другой меншай дамбай — перакрыць Дарданэлы[1]. У выніку ўзровень вады ў Міжземным моры панізіўся б, а Еўропа і Афрыка ўтварылі б адзін кантынент — Атлантропу.

Зноскі