Анатоль Уладзіміравіч Пятрэнка

Анатоль Уладзіміравіч Пятрэнка (26 верасня 1945, сяло Нова-Георгіеўскае, Акцябрскі раён, Прыморскі край) — беларускі архітэктар.

Анатоль Уладзіміравіч Пятрэнка
Дата нараджэння	26 верасня 1945(1945-09-26) (78 гадоў)
Месца нараджэння	Новагеоргіеўка[d], Акцябрскі раён, Прыморскі край, РСФСР, СССР
Альма-матар	БПІ (1973)
Месца працы	Белдзяржпраект Адміністрацыя Кастрычніцкага раёна г. Мінска
Партыя	КПСС
Член у	Саюз архітэктараў СССР Беларускі саюз архітэктараў

Біяграфія

Скончыў Беларускі політэхнічны інстытут у 1973 годзе. З 1973 г. — архітэктар, кіраўнік групы архітэктараў у Белдзяржпраекце, з 1984 года — архітэктар Кастрычніцкага раёна Мінска.

Член Саюза архітэктараў СССР з 1977 года. Член КПСС з 1967 года. Пражывае ў г. Мінск.

Творчасць

Шматпрофільная бальніца з паліклінікай у Пінску

Асноўныя працы: праекты прафілакторыя на Асіповіцкім вадасховішчы (1976), паліклінікі ў Асіповічах (1979); у аўтарскім калектыве: студэнцкі клуб Беларускай сельскагаспадарчай акадэміі ў Горках (1982), шматпрофільная бальніца ў Пінску (1982).

Узнагароды

2-я прэмія на Усесаюзным конкурсе за праект чыгуначнага вакзала ў Мінску (1974, у аўтарскім калектыве).

Літаратура

• Петренко Анатолий Владимирович // Архитекторы Советской Белоруссии: Биогр. справочник / Союз архитекторов БССР; Сост. В. И. Аникин и др. — Мн.: Беларусь, 1991. — 262 с. — ISBN 5-338-00611-1. (руск.)