А1 (тэлекам-правайдар)

Правайдар тэлекамунікацыйных, ІКТ і кантэнт-паслуг у Беларусі

Унiтарнае прадпрыемства «А1» (А1, да 2019 года — velcom) — найбуйнейшы беларускі прыватны правайдар тэлекамунікацыйных, ІКТ і кантэнт-паслуг[2], другі па колькасці абанентаў аператар сотавай сувязі ў Беларусі[3]. Прадстаўляе паслугі сувязі стандарта GSM 900/1800, UMTS (WCDMA/HSDPA/HSUPA/HSPA+) і 4G (праз сетку beCloud), паслугі доступу ў інтэрнэт па стандартах ADSL, Ethernet і GPON, паслугі лічбавага тэлебачання IPTV пад брэндам VOKA.

Унітарнае прадпрыемства «А1»
Тып унітарнае прадпрыемства
Заснаванне 30 ліпеня 1998
Ранейшыя назвы СП ТАА «Мабільная лічбавая сувязь», Унітарнае прадпрыемства «Вэлком»
Размяшчэнне
Ключавыя постаці Гельмут Дуз (генеральны дырэктар)
Галіна тэлекамунікацыі
Прадукцыя

Паслугі мабільнай і фіксаванай сувязі, анлайн-тэлебачанне, выраб забаўляльнага

кантэнту, паслугі ICT
Абарот 402,6 млн (2020)[1]
Аперацыйны прыбытак 172,8 млн (2020)[1]
Колькасць супрацоўнікаў ~3000 чал. (2020)
Матчына кампанія A1 Telekom Austria Group
Сайт a1.by/be

ГісторыяПравіць

 
Лагатып кампаніі з 1999 па 2008.

Кампанія пачала ажыццяўляць камерцыйную дзейнасць па прадстаўленні паслуг і тавараў мабільнай сувязі 16 красавіка 1999 года пад назвай СП ТАА «Мабільная лічбавая сувязь» і стала першым сотавым аператарам стандарта GSM у Беларусі (першы сотавы аператар — NMT-аператар «БелСел»).

Да старту камерцыйнай эксплуатацыі былі запушчаны 10 базавых станцый (9 у Мінску, 1 — у Арэшніках па дарозе на Нацыянальны аэрапорт «Мінск»). Да лета 2000 г. да сеткі А1 былі падключаны ўсе абласныя гарады Беларусі. Мабільная сувязь з’явілася на трасе Мінск — Брэст — Орша і ў бліжэйшых населеных пунктах. З 23 красавіка 2007 г. мабільная сувязь А1 стала даступна ўсяму гарадскому насельніцтву Беларусі. У красавіку 2019 аператар запусціў першую GSM-сетку на тэрыторыі Палескага дзяржаўнага радыяцыйна-экалагічнага запаведніка[4].

З 15 сакавіка 2001 г. абаненты А1 атрымалі магчымасць адпраўляць і прымаць SMS[5], у чэрвені 2005 г. — MMS.

2 чэрвеня 2003-га аператар запусціў паслугу GPRS. У снежні 2005 года ў трох абласцях Беларусі стала даступна тэхналогія EDGE[6].

30 сакавіка 2006 г. кампанія А1 першай у Беларусі распачала тэставую эксплуатацыю сувязі трэцяга пакалення. 3G-сетка была разгорнута за 27 дзён. Камерцыйны запуск сеткі 3G у Мінску і Гомелі адбыўся 17 сакавіка 2010 г[7]. У лютым 2016-га А1 першым у Беларусі запусціў 3G-сетку ў дыяпазоне 900 МГц, а ў маі 2019 палепшыў прапускную здольнасць 3G-сеткі, першым аснасціўшы базавыя станцыі чацвёртай апорнай радыёчастатой ў дыяпазоне 2100 МГц.[8]

 
Лагатып кампаніі «Вэлком» у 2008—2019

З лістапада 2007 года кампанія ўваходзіць у склад A1 Telekom Austria Group у выніку набыцця спачатку 70 % (лістапад 2007 г.), а потым астатніх 30 % (кастрычнік 2010 г.) акцый. Пасля гэтага у маі 2008 года кампанія правяла рэбрэндынг, змяніўшы лагатып і назву на УП «Вэлком»[9]. З чэрвеня 2019 абаненты А1 могуць карыстацца інтэрнэтам па дамашняй цане ў сетках аператараў A1 Telekom Austria Group.[10]

У маі 2009 года кампанія падпісала эксклюзіўны дагавор з ТАА СП «БелСел» аб прадстаўленні паслуг шырокапалоснага доступу ў інтэрнэт на аснове тэхналогіі CDMA2000 (EV-DO Rev.A). Паслугі прадстаўляліся да 16 мая 2013 года[11].

У 2014 годзе запушчана лічбавае тэлебачанне VOKA, распачата будаўніцтва ўласнага дата-цэнтра кампаніі, адкрыта афіцыйная інтэрнэт-крама. У траўні 2020 года кампанія пашырыла каналы анлайн-продажаў і адкрыла першую віртуальную краму[12].

Да 2017 года А1 ператвараецца ў буйнога гульца на рынку фіксаванай сувязі Беларусі шляхам набыцця шэрагу інтэрнэт-правайдараў. У гэтым жа годзе кампанія А1 стала першым мабільным аператарам у свеце, які запусціў у камерцыйную эксплуатацыю цалкам віртуальнае ядро мабільнай сеткі.

У 2017 г. А1 атрымаў дазвол на камерцыйны запуск першай у Беларусі вузкапалоснай сеткі NB-IoT[13], прызначанай для «інтэрнэту рэчаў». Па стане на 2019 г. гэта тэхналогія запушчана ў Мінску і ва ўсіх абласных гарадах Беларусі.

У красавіку 2018 года абанентам А1 сталі даступны званкі па Wi-Fi з выкарыстаннем тэхналогіі VoWiFi (Voice over Wi-Fi, альбо Wi-Fi Calling)[14]. У снежні 2019 года А1 першым у краіне ўкараніў тэхналогію VoLTE (Voice over LTE)[15].

Летам 2018 года А1 у партнёрстве з ЗАТ «Банк Рашэнне» і міжнароднай плацежнай сістэмай Visa запусціў віртуальную карту A1 banking для аплаты шырокага спектра паслуг. У лістападзе 2020 года А1 і Visa падпісалі пагадненне аб стратэгічным партнёрстве з мэтай развіцця лічбавых фінансавых сэрвісаў у краіне, а таксама пашырэння фінансавых паслуг дадатку А1 banking[16].

21 сакавіка 2019 года А1 пачаў прадстаўляць паслугі перадачы даных па тэхналогіі 4G[17]. Да канца 2019 года 4G-сетка стала даступна абанентам А1 ва ўсіх буйных гарадах у дыяпазоне радыёчастот 1800 МГц. У снежні 2019 года кампанія абвясціла аб стратэгічным партнёрстве з інфраструктурным аператарам beCloud па развіцці мабільнай сувязі стандарту 4G у Беларусі, якое разлічана на 3 гады[18]. Каб 4G-сетка ў частотным дыяпазоне 800 МГц стала даступная ў сельскай мясцовасці, у 2020 годзе А1 часткова прадаставіў сваю інфраструктуру пад базавыя станцыі, а таксама тарнспартную сетку на аснове гібрыдных, радыёрэлейных і оптвалаконных ліній сувязі. Дзякуючы гэтаму ў жніўні 2020 года зона пакрыцця сеткі 4G у Гомельскай вобласці пашырылася да 96,4 %[19], а ў красавіку 2021 года да 81 % тэрыторыі Магілёўскай вобласці[20].

8 красавіка 2019 года кампанія аб’явіла аб пачатку рэбрэндынгу. У пераходны перыяд да жніўня 2019 года ў камунікацыях выкарыстоўваўся дуал-брэнд velcom | A1. З 12 жніўня — адзіны брэнд А1.

У красавіку 2019 года A1 забяспечыў бясплатны доступ у інтэрнэт па тэхналогіі Wi-Fi у 18 электрацягніках Беларускай чыгункі[21]. У чэрвені 2019 года аператар запусціў 38 новых базавых станцый уздоўж чыгуначных шляхоў для паляпшэння якасці мабільнай сувязі ў цягніках.

З красавіка па май 2019 года А1 запяспечыў мабільнай сувяззю ўсе тунэлі Маскоўскай і Аўтазаводскай ліній Мінскага метрапалітэна[22][23], у лістападзе 2020 года сувязь стала даступная на Зеленалужскай лініі[24].

12 жніўня 2019 года кампанія першай у Беларусі запусціла віртуальныя eSIM-карткі[25], а ў лістападзе 2019 дала магчымасць перайсці на eSIM анлайн у асабістым кабінеце. З 31 жніўня 2021 года абонентам кампаніі можна стаць дыстанцыйна праз рэгістрацыю eSIM-карткі ў мабільным дадатку «Мой А1».

У жніўні 2019 года А1 прадставіў першы смартфон пад уласнай гандлёвай маркай — А1 Альфа[26], у ліпені 2020 года стартавалі продажы «А1 Альфа 20+»[27].

12 лістапада 2019 пры ўдзеле А1 была падпісана сумесная беларуска-аўстрыйская дэкларацыя па ўмацаванні супрацоўніцтва ў сферы сувязі, інфармацыйна-камунікацыйных тэхналогій і развіцця тэхналогіі 5G[28]. Кампанія падала заяўку на выдзяленне радыёчастотнага спектру, які адказвае патрабаванням міжнародных стандартаў, а таксама вядзе распрацоўку архітэктуры сеткі 5G. 22 мая 2020 года А1 у тэставым рэжыме запусціла ў эксплуатацыю першую ў Беларусі сетку 5G SA (Standalone), створаную на аснове аўтаномнай архітэктуры[29]. 25 мая 2020 года ў гэтай сеткі быў здзейснены першы ў Беларусі і СНД званок па тэхналогіі VoNR[30].

14 мая 2020 года кампанія прадставіла сістэму «А1 Разумны дом»[31].

18 лютага 2021 года кампанія прадставіла музычны сэрвіс А1 Xplore Music от Deezer. Абаненты кампаніі атрымалі доступ да стрымінгавай платформы на спецыяльных умовах[32].

Уласнікі і кіраўніцтваПравіць

Да студзеня 2005 года 69,9 % акцый А1 належалі кіпрскай кампаніі Samauwi Brothers Telecom (SB Telecom Ltd.), 30 % — ЗАТ «Белтэхэкспарт», 0,1 % — РУП «Белтэлекам». У студзені 2005 г. у лік трымальнікаў акцый кампаніі ўвайшла дзяржава: яна атрымала 30,9 %, за SB Telecom засталося 49 %, ЗАТ «Белтэхэкспарт» — 20 %, «Белтэлекам» — 0,1 %.

У жніўні 2007 года кіпрская кампанія SB Telecom выкупіла 100 % акцый прадпрыемства за $556 млн[33].

У пачатку кастрычніка 2007 г. аўстрыйская кампанія A1 Telekom Austria Group падпісала дагавор аб куплі 70 % акцый SB Telecom[34], а ў кастрычніку 2010 года — астатніх 30 % акцый.

Генеральным дырэктарам кампаніі па стане на 2021 год з’яўляецца Гельмут Дуз.

ДзейнасцьПравіць

Мабільная сувязьПравіць

Кампанія А1 прадстаўляе паслугі сувязі стандарта GSM 900/1800, UMTS (WCDMA/HSDPA/HSUPA/HSPA+), 4G на тэрыторыі Беларусі.

Абанентам аператара даступны базавыя паслугі (галасавая сувязь, перадача даных, SMS, MMS, галасавая пошта і інш.), а таксама дадатковыя сэрвісы (роўмінг, паслугі для бізнесу і забаўляльныя паслугі).

Нумары абанентаўПравіць

  • +375 29 1 xx xx xx, +375 29 3 xx xx xx, +375 29 6 xx xx xx, +375 29 9 xx xx xx
  • +375 44 4 xx xx xx, +375 44 5 xx xx xx, +375 44 7 xx xx xx

У сувязі з уводам у Рэспубліцы Беларусь паслугі MNP нумары абанентаў могуць прымаць значэнні: +375 25 xxx xx xx, +375 29 xxx xx xx, +375 33 xxx xx xx.

Фіксаваная сувязьПравіць

Кампанія пачала будаўніцтва ўласнай аптавалаконнай сеткі для кліентаў — юрыдычных асоб у верасні 2014 года[35].

У 2016—2018 гадах А1 правёў шэраг здзелак па набыцці беларускіх інтэрнэт-правайдараў — «Атлант Тэлекам» (Мінск)[36], «Айчына плюс» (Мінск)[37], «Белінфанэт» (Мінск), «Гарант» (Гомель[38] і Віцебск[39]), «Ранак Медыя» (Светлагорск). А таксама большасці прыватных і некаторых карпаратыўных абанентаў інтэрнэт-правайдара «Дзелавая сетка» (Мінск)[40].

У цяперашні час А1 прадстаўляе паслугі доступу ў інтэрнэт па стандартах GPON, Ethernet, ADSL ва ўсіх абласных цэнтрах Беларусі, а таксама ў Бабруйску, Жлобіне, Добрушы, Рэчыцы, Светлагорску, Наваполацку.

На 30 чэрвеня 2021 г. абаненцкая база сеткі фіксаванай сувязі ад А1 складала 660,8 тыс. карыстальнікаў[41]. Большасць інтэрнэт-тарыфаў аператара з’яўляюцца комплекснымі, то бок маюць на ўвазе адначасовае атрыманне і паслугі лічбавага тэлебачання пад брэндам VOKA[42].

Відэасэрвіс VOKAПравіць

Відэасэрвіс ад А1 прадстаўляецца пад брэндам VOKA. Для кліентаў фіксаванага інтэрнэту А1 сэрвіс працуе па тэхналогіі IPTV і прадстаўляе больш за 160 каналаў (у т. л. 47 у HD-якасці)[43]. У сетках іншых аператараў мабільнай і фіксаванай сувязі паслуга прадстаўляецца па тэхналогіі OTT і ўключае ў сябе больш за 140 тэлеканалаў (у т. л. 39 у HD). VOKA падтрымлівае розныя інтэрактыўныя функцыі: паўза, перамотка і архіў тэлеперадач, а таксама магчымасць працягнуць прагляд на іншай прыладзе. Для ўсіх карыстальнікаў сэрвісу даступны фільмы, мультфільмы і серыялы анлайн-кінатэатраў MEGOGO, «Амедиатека», START, ivi, а таксама кантэнт студыі Disney. Сэрвіс даступны для мабільных прылад на Android і iOS, для SmartTV на Tizen, WebOS, Android TV, праз прыстаўкі Redbox Mini, Xiaomi Mi Box 3, Apple TV (праз AirPlay). На камп’ютарах карыстацца відэасэрвісам можна праз праграму VOKA для Windows або праз вэб-версію.

У 2018 г. у сэрвісу VOKA пачаў з’яўляцца ўласны мэдыякантэнт: раздзелы «Наш футбол» і «Наш хакей» з трансляцыямі матчаў з удзелам беларускіх клубаў і зборных, live-трансляцыі канцэртаў, музычных фестываляў, канферэнцый і форумаў, а таксама трансляцыі кіберспартыўных турніраў у раздзеле «Кіберспорт». Таксама для карыстальнікаў даступны раздзел «CINEVOKA — кіно па-беларуску», у якім размяшчаюцца вядомыя фільмы ў прафесійнай агучцы на беларускую мову[44]. З чэрвеня 2019 года у карыстальнікаў відэасэрвіса з’явілася магчымасць глядзець у агучцы папулярныя серыялы НВО: першы сезон серыяла «Секс у вялікім горадзе», міні-серыял «Чарнобыль» і заключны сезон «Гульні тронаў».

У 2018 г. відэасэрвіс пачаў папаўняць профіль кантэнтам уласнай вытворчасці. У раздзеле VOKA SHOW можна знайсці агляды, міні-рэаліці і ТБ-шоў, створаныя эксклюзіўна для платформы.

28 студзеня 2019 г. у відэасэрвісе VOKA з’явілася самая вялікая ў краіне бібліятэка кантэнту ва ультравысокай раздзяляльнасці Ultra High-Definition (4K) [45].

VOKA CINEMAПравіць

У жніўні 2017 г. у партнёрстве з сеткай кінатэатраў Silver Screen адкрыўся мультыплекс VOKA CINEMA (да 2019 г. — velcom cinema). Кінатэатр уключае ў сябе сем высокатэхналагічных кіназалаў[46].

У 2018 годзе на базе VOKA CINEMA запушчаны праект па паказе артхаўснага кіно Silver ART[47], а ў 1019 адкрыты кінаклуб «Артфармат» для аматараў аўтарскага кіно[48].

У жніўні 2019 года ў кінатэатры адкрылася першая ва Усходняй Еўропе кіназала з вуглом агляду 270 градусаў па тэхналогіі ScreenX[49].

У верасні 2019 года VOKA і Silver Screen пачалі сумесны праект «Тутэйшын Студыя» па перакладу навінак кіно на беларускую мову[50]. Першымі былі агучаны фільмы «Нулявуд» і «Шлюбная гарачка».

VOKA SmartfilmПравіць

Пачынаючы з 2010 года кампанія А1 пры падтрымцы Міністэрства культуры Рэспублікі Беларусь штогод праводзіць фестываль мабільнага кіно. З 2016 года фестываль набыў міжнародны статус[51]. З кожным годам колькасць работ і геаграфія ўдзельнікаў павялічваецца. У 2020 годзе прайшоў дзевяты Міжнародны фестываль мабільнага кіно VOKA Smartfilm, у конкурснай праграме якога было прадстаўлена 356 кароткаметражных фільмаў з 75 краін свету[52].

КіберспортПравіць

У лютым 2020 года пры садзейнічанні кампаніі А1 было створана і зарэгістравана Рэспубліканскае грамадскае аб’яднанне «Беларуская федэрацыя камп’ютарнага спорту».[53] 17 красавіка 2020 года зарэгістравана Беларуская асацыяцыя камп’ютарнага спорту (БАКС)[54]. Членамі БАКС з’яўляюцца А1, відэасэрвіс VOKA і Беларуская федэрацыя камп’ютарнага спорту. Асацыяцыя створана для развіцця і папулярызацыі камп’ютарнага спорту ў Беларусі, падтрымкі прафесійных гульцоў, трэнераў і суддзяў, правядзення спаборніцтваў і развіцця міжнародных кантактаў.

4 мая 2020 года ў тэставай сеткі 5G SA кампаніі А1 прайшоў першы кіберспартыўны матч па мабільным анлайн-гульням. Падчас тэставання хуткасць перадачы дадзеных склала 1,2 Гбіт / с, а ping — 10 мілісекунд[55].

Дата-цэнтр і ІКТ-паслугіПравіць

У верасні 2017 г.у Мінску А1 запусціў адзін з найбуйнейшых у Беларусі цэнтраў апрацоўкі даных (ЦАД)[56]. Чатыры модулі ЦАД разлічаны на 800 серверных стоек і маюць уласнае аптычнае кольца з прапускной здольнасцю 1 Тбіт/сек. Па стане на чэрвень 2018 года запушчаны ў эксплуатацыю 1-ы модуль на 200 серверных стоек[57].

Дата-цэнтр А1 мае міжнародны сертыфікат Uptime Institute (UI) па ўзроўні адмоваўстойлівасці Tier III у катэгорыях Design і Facility, таксама сертыфікат PCI DSS, які пацвярджае забеспячэнне бяспекі інфраструктуры кліентаў і абарону дадзеных аплатных карт[58].

У сакавіку 2019 года дата-цэнтр атрымаў атэстат адпаведнасці нацыянальным патрабаванням па абароне інфармацыі[59]. У жніўні 2019 года дата-цэнтр А1 падцвердзіў адпаведнасць стандарту ISO 27001[60], у маі 2020 года — дзяржаўнаму стандарту Рэспублікі Беларусь ISO / IEC 27001-2016[61]. У верасні 2020 года кампанія атрымала ліцэнзію на выкананне работ і аказанне паслуг у галіне забеспячэння інфармацыйнай бяспекі крытычна важных аб’ектаў інфарматызацыі (КВАІ) [62]. У кастрычніку 2020 года кампанія A1 атрымала статус плацінавага партнёра «Лабараторыі Касперскага»[63].

У цяперашні час дата-цэнтр прадастаўляе наступныя паслугі: арэнда воблачных рашэнняў (IaaS, прыватныя воблакі, «Воблака-62»), размяшчэнне сервернага і сеткавага абсталявання (Colocation, HaaS), сэрвісы і рашэнне ІКТ (Baas, Veeam Cloud Connect, DraaS, комплексная тэхнічная падтрымка Oracle і інш.), IT-кансалтынг, аддалены офіс, а таксама карыстанне праграмнымі прадуктамі Microsoft на ўмовах падпіскі[64].

З 1 красавіка 2021 года Унітарнае прадпрыемства «А1» перадало правы і абавязкі па шэрагу дамоваў аказання ІКТ-паслуг новай кампаніі «А1 ІКТ сэрвісы». ТАА «А1 ІКТ сэрвісы» працуе пад брэндам А1 і зарэгістравана ў якасці рэзідэнта Парку высокіх тэхналогій[65].

Сонечная электрастанцыяПравіць

Летам 2016 года паблізу Брагіна (Гомельская вобласць) А1 запусціў сонечную электрастанцыю, якая складаецца з 85 тысяч сонечных панэлей[66]. Станцыя пабудавана на тэрыторыі, якая пацярпела ад аварыі на Чарнобыльскай АЭС і таму мала прыдатна для вядзення сельскай гаспадаркі. Для злучэння паміж сабой усіх сонечных модуляў кампанія А1 праклала каля 800 км кабельных ліній. За 5 гадоў работы сонечны парк А1 выпрацаваў 129 360 452 кВт•ч чыстай электраэнергіі[67].

У кастрычніку 2017 г. у Любанскім раёне Мінскай вобласці А1 запусціў першую ў Беларусі базавую станцыю сувязі, якая працуе на сонечнай энергіі[68].

Бяспека і крытыкаПравіць

Аўстрыйскіх інвестараў адразу з 2007 года абвінавачвалі ў прыхільнасці да «апошняга дыктатара Еўропы(бел. (тар.)) бел.» дзеля добрага бізнэсу[69]. Масавыя акцыі пратэсту пасля прэзідэнцкіх выбараў 2010 года, у прыватнасці Плошча 2010, былі жорстка падаўлены, але пазней высветлілася, што ўлады шпіёнілі за пратэстоўцамі, выкарыстоўваючы дадзеныя іх мабільных тэлефонаў[69]. «A1» заўсёды падкрэслівала, што не перадавала актыўна якія-небудзь дадзеныя кліентаў: «У адрозненне ад большасці іншых краін любы доступ да асабістых дадзеных і дадзеных выклікаў ажыццяўляецца без рашэння суда і без удзелу аператара мабільнай сеткі», — тлумачыў аператар у той час[69].

У ліпені 2016 года праваабарончая арганізацыя «Amnesty International» абвінаваціла «A1 Беларусь» у датычнасці да сачэння за беларускімі грамадзянамі. Паводле справаздачы праваабаронцаў, кампанія прадастаўляе ўладам практычна неабмежаваны доступ да размоў сваіх кліентаў і іх дадзеных. «A1 Telekom Austria Group» адрэагавала на абвінавачванні, у сваім адказе спаслаўшыся на тое, што яна ўсяго толькі выконвае заканадаўства краіны[70].

Са слоў сына жонкі Мікалая Статкевіча, напярэдадні святкавання 100-годдзя БНР у сакавіку 2017 года аператарам былі заблакаваныя смартфоны беларускага палітыка Мікалая Статкевіча і былі перададзены ягоныя паролі ад Facebook і Viber[71]. A1 ніяк не адрэагаваў на абвінавачанні.

23 жніўня 2020 года падчас мітынга ў Мінску ва ўсіх аператараў мабільнай сувязі ўзніклі праблемы з інтэрнетам[72]. Паводле паведамлення А1, гэта было зроблена згодна з патрабаваннем дзяржаўных органаў для забеспячэння нацыянальнай бяспекі[73]. У гэты ж дзень прадастаўленне паслугі перадачы дадзеных было адноўлена ў поўным аб’ёме. 26 жніўня кампанія загадзя папярэдзіла абанентаў аб падобных праблемах[74]. Веерныя адключэнні інтэрнета працягваліся і ў наступныя месяцы[75]. У справаздачы беларускай праваабарончай арганізацыі «Human Constanta» спыненне працы было прыраўнена да парушэння правоў чалавека, бо гэта фактычна «разгон мірнай дэманстрацыі, толькі анлайн»[76].

21 верасня 2020 года Асацыяцыя еўрапейскіх тэлекамунікацыйных аператараў сувязі (ETNO) выступіла з заявай па сітуацыі з адключэннем інтэрнэту ў Беларусі. У ім ёсць і публічная пазіцыя A1 Telekom Austria Group: «А1 у Беларусі не можа прадастаўляць паслугі сувязі без доступу да манапалізаванага дзяржавай знешняга каналу — галасавая сувязь і перадача даных як на нацыянальным, так і міжнародным узроўнях знаходзяцца пад кантролем упаўнаважаных дзяржаўных органаў»[77].

У кастрычніку 2020 года Міжнародная кааліцыя #KeepItOn апублікавала адкрыты ліст з заклікам да беларускіх пастаўшчыкоў тэлекам-паслуг процідзейнічаць адключэнню інтэрнэту. У адказе ад кампаніі А1 гаворыцца: «Абмежаванне доступу да інтэрнэт-паслугаў не ляжыць ні ў плоскасці інтарэсаў кампаніі, ні яе кліентаў. Аднак, як і ў любой краіне, у якой працуе A1 Telekom Austria Group, кампанія абавязаная выконваць мясцовыя заканадаўчыя і нарматыўныя патрабаванні. У выпадку невыканання дадзеных патрабаванняў наступствы ад іх рэалізацыі могуць насіць значна больш маштабны характар»[78].

Вядомы крытык «A1» Вераніка Цэпкала, якая шмат гадоў працавала ў «velcom» у аддзелах продажаў і карпаратыўных кліентаў, а ў кастрычніку 2020 года сказала: «Я не лічу правільным, што кампанія з ЕС так відавочна падтрымлівае Лукашэнку і яго недэмакратычныя каштоўнасці. Па-іншаму нельга назваць яе паводзіны, калі яна адключае мабільны Інтэрнэт кожную нядзелю. Што робіць А1, каб дыстанцыявацца ад гэтага крывавага рэжыму(бел. (тар.)) бел.[69]

У чэрвені 2021 года прапагандыст Дзяніс Мельянцоў(бел. (тар.)) бел. агучыў пагрозу нацыяналізаваць тэлекамунікацыйнага аператара, які належыць аўстрыйскім інвестарам, у адказ на ўвядзенне ЕС санкцый[79].

СтатыстыкаПравіць

На 30 чэрвеня 2021 года паслугамі мабільнай сувязі кампаніі карысталіся 4,935 млн абанентаў. Колькасць карыстальнікаў, у якіх падключаны паслугі фіксаванага інтэрнэта і ТБ, склала 660,8 тыс. Доля кампаніі на рынку мабільнай сувязі склала 42,2 %[41].

Мабільнай сувяззю 2G ахоплена 99,3 % тэрыторыі краіны, на якой пражывае 99,9 % насельніцтва (100 % гарадскіх жыхароў). 3G даступна на 98,2 % тэрыторыі краіны. Па стане на 1 чэрвеня 2020 г. у сетцы А1 працавала 4 080 базавых станцый і 30 582 прыёмаперадатчыка ў амаль усіх населеных пунктах краіны, а таксама 7 камутатараў: 2 у Мінску і па аднаму ў кожным абласным цэнтры.

Кліенты кампаніі могуць карыстацца паслугай міжнароднага роўмінгу ў 193 краінах і тэрыторыях свету ў 473 сетках аператараў[80]. Унітарнае прадпрыемства «А1» мае ўласную сетку цэнтраў продажаў і абслугоўвання, якая складаецца з 84 крамаў у 32 гарадах Беларусі[81]. Дылерская сетка налічвае больш за 500 салонаў па ўсёй краіне.

Год 2007 2008 2009 2010 2011 2012 2013
Абанентаў, млн (доля на рынку) 3,059 (43,4 %) 3,698 (44,8 %) 4,102 (42,7 %) 4,354 (41,9 %) 4,620 (41,1 %) 4,800 (43,5 %) 4,947 (42,5 %)
Пранікненне 71,5 % 85,1 % 99,4 % 109,6 % 118,8 % 116,6 % 123,0 %
Год 2014 2015 2016 2017 2018 2019 2020
Абанентаў, млн (доля на рынку) 4,950 (42,4 %) 4,956 (42,5 %) 4,945 (43,2 %) 4,864 (42,5 %) 4,873 (42 %) 4,890 (41,8 %) 4,916 (42, 0 %) [41]
Пранікненне 123,3 % 123,0 % 120,3 % 120,5 % 122,4 % 123,8 %
Абанентаў фіксаванай сувязі (карыстальнікі паслуг інтэрнэта і ТБ), млн - - 0,279 0,463 0,657 0,616 0,627

Выручка кампаніі (паводле даных міжнароднай фінансавай справаздачнасці) па выніках 3 квартала 2021 г. склала 108,8 млн еўра, паказчык EBITDA (прыбытак да выліку выдаткаў па працэнтах, выплаты падаткаў і амартызацыйных адлічэнняў) — 47,2 млн еўра.

За 2020 год сума выручкі склала 402,6 млн еўра, EBITDA — 172,8 млн еўра[41].

Год Выручка, млн еўра EBITDA, млн еўра EBITDA Margin Аперацыйны даход, млн еўра Capex
2011 260,9 106,6 40,9 % −255,2 44,9
2012 301,2 124,4 41,3 % 29,5 43,7
2013 331,7 155,9 47,0 % 71,6 34,0
2014 355,0 172,4 48,6 % 82,2 48,5
2015 332,2 163,7 49,3 % 86,6 66,1
2016 321,0 151,5 47,2 % 87,8 73,7
2017 390,5 181,3 46,4 % 123,1 47,1
2018 390,9 177,7 45,5 % 90,3 49,7
2019 426,1 190,9 44,8 % 100,7 105,1
2020 402,6 172,8 42,9 % 109,3 26,8

Карпаратыўная сацыяльная адказнасцьПравіць

У спісе прыярытэтных напрамкаў карпаратыўнай сацыяльнай адказнасці кампаніі — дапамога дзецям, садзейнічанне захаванню нацыянальных каштоўнасцей і экалогія [82].

Дапамога дзецямПравіць

Дабрачынны праект #velcombegom — адна з найбольш маштабных сацыяльных ініцыятыў кампаніі: штогод з 2015 па 2019 праводзілася 2-3 дабрачынныя акцыі[83]. Мэта праекта — аказанне дапамогі дзіцячым медыцынскім установам і садзейнічанне прасоўвання здаровага ладу жыцця і папулярызацыі бегу. Бенефіцыярамі акцыі былі рэспубліканскія дзіцячыя цэнтры медыцынскай рэабілітацыі, Дом-інтэрнат для дзяцей-інвалідаў c асаблівасцямі псіхафізічнага развіцця і іншыя дзіцячыя медыцынскія ўстановы. За час правядзення праекта кампанія пералічыла ім больш за 700 000 беларускіх рублёў фінансавай дапамогі. У 2018 г. акцыя «Бягучыя гарады» #velcombegom стала пераможцам Міжнароднага конкурсу камунікацыйных праектаў Eventiada IPRA Golden World Awards 2018 у намінацыі «За лепшы праект у сферы здаровага ладу жыцця»[84].

23 чэрвеня 2020 года кампанія А1 запусціла дабрачынную спартыўную анлайн-акцыю «100 гадзін з А1»[85]. Па выніках акцыі А1 акажа фінансавую падтрымку Рэспубліканскаму клінічнаму цэнтру паліятыўнай медыцынскай дапамогі дзецям. 1 чэрвеня 2021 года стартаваў другі сезон «100 гадзін з А1». Пасля завяршэння акцыі А1 аказаў матэрыяльную дапамогу Міжнароднай грамадскай арганізацыі «SOS-Дзіцячыя вёскі». На вылучаныя сродкі ў SOS-Дзіцячай вёсцы Магілёў будуць усталяваныя сонечныя панелі і паветравая цеплавая помпа, на тэрыторыі SOS-Дзіцячай вёскі Бараўляны будзе высаджана алея з імяннымі дрэвамі актыўных удзельнікаў акцыі[86].

Падтрымкай людзей з аўтызмам А1 займаецца з 2015 г. У 2016 г. па ініцыятыве МДГА «Дзеці. Аўтызм. Бацькі» і кампаніі А1 на базе Студыі Пушкаровай быў створаны Сямейны інклюзіў-тэатр «і», якому кампанія аказвае фінансавую і інфармацыйную падтрымку ў якасці генеральнага партнёра. З 2016 г. А1 прымае ўдзел у штогадовай міжнароднай акцыі Light It Up Blue 2 красавіка, накіраванай на падтрымку людзей з аўтызмам[87].

З 2016 па 2020 гады капманія А1 рэалізоўвала праект «Я бачу!» сумесна з Беларускім дзіцячым фондам пры падтрымцы Міністэрства аховы здароўя Рэспублікі Беларусь. Мэта праекта — дапамога ў своечасовай дыягностыцы і выяўленне ранніх парушэнняў зроку ў дзяцей школьнага ўзросту, якія пражываюць у сельскай мясцовасці. За 4 гады 35 лекараў-афтальмолагаў наведалі 693 школы ў Магілёўскай, Гомельскай, Брэсцкай і Віцебскай вобласцях і правялі дыягностыку зроку ў 51 474 школьнікаў[88]. Да фіналу праекта пры ўдзеле прадстаўнікоў творчага аб’яднання «Сучасны комікс» быў падрыхтаваны і выпушчаны зборнік коміксаў «Я бачу!» [89].

У верасні 2019 г. А1 стаў генеральным партнёрам футбольнай школы «Юніёр». Супрацоўніцтва складацца з некалькіх напрамкаў па развіцці дзіцяча-юнацкага спорту, уключаючы распрацоўку брэнда «А1 Юніёр» і закупку новай экіпіроўцы для гульцоў клуба[90].

Падтрымка беларускай мовы і культурыПравіць

А1 падтрымлівае ініцыятывы, накіраваныя на павышэнне цікавасці да беларускай нацыянальнай спадчыны, традыцый, гісторыі, культуры і мастацтва.

У 2015 годзе кампанія А1 пры падтрымцы Камітэта па адукацыі Мінгарвыканкама распачала сацыяльна арыентаваны і адукацыйны праект «Чытаем па-беларуску», а ў 2016 годзе ініцыятыва ахапіла школы па ўсёй Беларусі. Перад вучнямі пачатковых класаў выступалі вядомыя асобы, у т.л. Уладзімір Ліпскі, Юрый Жыгамонт, Раіса Баравікова, Таццяна Сівец, Андрусь Такінданг, Аліна Талай і іншыя. У 2017—2018 гадах вучням 7-8 класаў з усёй Беларусі прапанавалася запісаць відэа, на якім яны чытаюць адзін з твораў беларускай літаратуры. На прапанову арганізатараў праекта адгукнуліся таксама прадстаўнікі пасольстваў Швецыі, Кыргызстана, Славакіі, Чэхіі і Фінляндыі, яны прачыталі на відэа творы беларускіх аўтараў у падтрымку ўдзельнікаў конкурсу[91].

У 2016—2019 гадах сумесна з «Кінаконг» кампанія праводзіла праект «Беларускія ўікэнды». За гэты час былі перакладзены і агучаны па-беларуску больш за 20 карцін. Фільмы праекта былі паказаны ў больш за 60 кінатэатрах краіны, а сеансы наведалі больш за 50 тысяч гледачоў[92].

У 2018—2019 гадах кампанія А1 пры падтрымцы Міністэрства адукацыі Рэспублікі Беларусь, а таксама арганізатараў канферэнцый TEDxMinsk правяла сацыяльна-адукацыйны праект velcom YOUTH для старшакласнікаў, якія хочуць змяніць навакольны свет да лепшага. Уся камунікацыя ў ім вялася на беларускай мове. У праекце прынялі ўдзел больш за 800 старшакласнікаў[93] з 230 навучальных устаноў па ўсёй краіне. Дзесяць фіналістаў праекта 18 мая 2019 сталі спікерамі маладзёжнай канферэнцыі TEDxYouth@Minsk. 2 лютага 2021 г. стартаваў новы сезон праекта «Першыя», па выніках якога аўтары самых цікавых ідэй выступяць на TEDxYouth @ Minsk 2021[94].

У кастрычніку 2019 года стартаваў праект «Першыя», які быў рэалізованы кампаніяй А1 пры падтрымцы арганізатараў канферэнцый TEDxMinsk[95]. Больш за 1000 школьнікаў з усёй Беларусі прынялі ўдзел у адукацыйных воркшопах, больш за 100 з іх даслалі відэапрэзентацыі для ўдзелу ў конкурсе. Члены журы адабралі 10 фіналістаў, якія 19 верасня 2020 года публічна прадставілі свае сацыяльна значныя ідэі на моладзевай канферэнцыі TEDxYouth@Minsk[96].

У 2019—2020 гадах А1 выступіў генеральным партнёрам 100-га сезона Нацыянальнага акадэмічнага тэатра імя Янкі Купалы[97]. Дзякуючы партнёрству арганізавана бясплатная прамая трансляцыя знакавых спектакляў тэатра на відэасэрвісе VOKA, такіх як «Радзіва „Прудок“», «Дзве душы», «Людзі на балоце», «Паўлінка» і іншыя[98].

28 снежня 2019 года А1 выступіў генеральным партнёрам Венскага балю ў Палацы Незалежнасці. Па выніках мерапрыемства кампанія аказала фінансавую дапамогу грамадскаму аб’яднанню «SOS-Дзіцячыя вёскі Беларусь»"[99].

З кастрычніка 2019 года кампанія А1 сумесна з Цэнтрам беларуска-яўрэйскай культурнай спадчыны і Музеем гісторыі Віцебскага народнага мастацкага вучылішча рэалізуе праект #UNOVIS100[100] у гонар 100-годдзя мастацкага аб’яднання УНОВІС. 15 лютага 2020 года ў Нацыянальным мастацкім музеі Беларусі адкрылася першая ў краіне выстава мастака-супрэматыста Лазара Хідэкеля «Нас зразумеюць праз 100 гадоў»[101].

21 лютага кампанія А1 прадставіла новы праект, у рамках якога ў некаторых гарадах страны з’явіліся інтэрактыўныя арт-інсталяцыі[102]. З мая па снежань 2020 года скульптуры-літары, якія ўяўляюць сабой вулічную мэбля і разам утвараюць слова «МОВА», устаноўлены ў Гомелі, Брэсце, Магілёве, Віцебску і Гродне[103]. Праект рэалізаваны А1 сумесна з ініцыятывай «Веліч роднай мовы».

ЭкалогіяПравіць

У 2020 годзе кампаніяй А1 і грамадскай арганізацыяй «Ахова птушак Бацькаўшчыны» запушчана сацыяльная кампанія «Выйдзі на сувязь з прыродай»[104]. З 21 мая кожны жадаючы можа патэлефанаваць па персанальным нумарах птушкам і паслухаць іх спевы. З мая 2020 па люты 2021 на нумары беларускім птушкам патэлефанавалі 183 285 раз[105].

У чэрвені-ліпені 2020 года прайшоў конкурс «Энергія сонца для Зялёных школ», экалагічны праект кампаніі А1 у партнёрстве з Міністэрствам прыродных рэсурсаў і аховы навакольнага асяроддзя Рэспублікі Беларусь, Міністэрствам адукацыі Рэспублікі Беларусь і Праграмай Развіцця ААН у Беларусі[106]. Па яго выніках былі абраныя 7 «Зялёных школ» — па адной у кожнай вобласці Беларусі і ў Мінску [107]. Да снежня 2020 года кампанія завяршыла ўстаноўку сонечных панэляў у навучальных установах, якія перамаглі ў конкурсе[108].

16 красавіка 2021 года запушчаны праект «А1гарод», у рамках якога на даху галаўнога офіса А1 ў Мінску з’явілася экалагічная прастора-агарод. Кампанія рэалізуе канцэпцыю «зялёнага офіса», мінімізуе выкарыстанне паперы, укараняе электронны дакументаабарот і вядзе раздзельны збор і сартаванне смецця[109].

Лічбавая граматнасцьПравіць

У кастрычніку 2020 года кампанія А1 запусціла валанцёрскі праект #яонлайн. Мэта праекта — дапамагчы навучыць людзей, якія хочуць стаць свабоднымі карыстальнікамі мабільнага інтэрнэту [110].

У 2021 годзе ў партнёрстве з ЮНФПА запусцілі адукацыйную праграму для павышэння лічбавай граматнасці людзей старэйшага ўзросту. У чэрвені 2021 года выпушчаны #яонлайн — анлайн-даведнік па мабільных тэхналогіях. У ліпені для валанцёраў у офлайн і анлайн фармаце пачалося #яанлайн-навучанне ва ўсіх рэгіёнах Беларусі[111].

Праца А1 у перыяд пандэміі COVID-19Правіць

У сакавіку 2020 года кампанія А1 запусціла ініцыятыву #оставайсяонлайн з мэтай падтрымкі сваіх абанентаў і насельніцтва ва ўмовах распаўсюджвання COVID-19 у Беларусі[112][113].

З пачатку пандэміі кампанія аказала фінансавую дапамогу Мінскай гарадской клінічнай інфекцыйнай бальніцы, Гарадской дзіцячай клінічнай інфекцыйнай бальніцы, таксама забяспечыла медыкаў смартфонамі і бясплатнай рабочай мабільнай сувяззю. Кампаніяй запушчаны USSD-нумар і кароткі нумар для дабрачынных ахвяраванняў на карысць медыцынскіх работнікаў. Зробленыя бясплатнымі званкі на гарачую лінію Міністэрства аховы здароўя па пытаннях каранавіруснай інфекцыі, на нумары дыпламатычных прадстаўніцтваў Беларусі за мяжой для сваіх абанентаў, якія знаходзяцца ў роўмінгу, на гарачую лінію для пацярпелых ад хатняга гвалту і на інфармацыйную лінію для пажылых людзей[114].

Зноскі

  1. 1,0 1,1 Interim Results - A1 Telekom Austria Group(англ.) 
  2. velcom объявил о репозиционировании на рынке и сменит бренд на А1
  3. BELNETMON — Net Monitor in Belarus — Колькасць абонентаў у Беларусi
  4. В зоне отчуждения в Чернобыле запустили мобильную связь (руск.) . Onliner.by. Праверана 23 красавіка 2019.
  5. Девять БС и один человек в кол-центре. Как 20 лет назад начиналась GSM-связь в Беларуси (руск.) . Onliner.by. Праверана 10 красавіка 2019.
  6. velcom: технология EDGE доступна в трех областях Беларуси (руск.) . A1.by. Праверана 16 жніўня 2019.
  7. velcom становится полноправным 3G-оператором. Архівавана з першакрыніцы 1 сакавіка 2011. Праверана 5 красавіка 2010.
  8. velcom | A1 получил четвертую частоту для 3G (руск.) . Onliner.by. Праверана 4 мая 2019.
  9. ИП "МЦС" изменило своё официальное название на ИП "Велком" и модернизировало бренд (руск.) . A1.by. Праверана 16 жніўня 2019.
  10. За границей как дома: velcom | A1 предложил 1 ГБ трафика в роуминге всего за Br5,9 (руск.) . interfax.by. Праверана 3 чэрвеня 2019.
  11. О приостановлении оказания услуги «Высокоскоростной мобильный интернет» в некоторых областных и районных центрах (руск.) . www.a1.by. Праверана 15 жніўня 2019.
  12. A1 запустил первый в Беларуси виртуальный магазин (руск.) . interfax.by. Праверана 8 мая 2020.
  13. velcom запустил первую в стране сеть для «интернета вещей» (руск.) . A1.by. Праверана 16 жніўня 2019.
  14. velcom запустил для своих абонентов звонки по Wi-Fi (руск.) . A1.by. Праверана 16 жніўня 2019.
  15. A1 первым в Беларуси запустил VoLTE (руск.) . TUT.BY. Праверана 18 снежня 2019.
  16. А1 и Visa заключили соглашение о стратегическом партнерстве с целью развития цифровых финансовых сервисов (руск.) . doingbusiness.by. Праверана 21 снежня 2020.
  17. Абонентам телеком-оператора velcom стала доступна 4G-сеть (руск.) . A1.by. Праверана 16 жніўня 2019.
  18. A1 и beCloud развернут в Беларуси 4G-сеть по всей стране (руск.) . A1.by. Праверана 13 снежня 2019.
  19. A1 сравнял покрытие 4G и 3G по всей Гомельской области (руск.) . naviny.by. Праверана 21 снежня 2020.
  20. Теперь и в сельской местности: A1 и beСloud увеличили 4G-покрытие на Могилевщине в 7 раз (руск.) . interfax.by. Праверана 7 мая 2021.
  21. velcom | A1 завершил проект по улучшению качества связи вдоль «критских коридоров» (руск.) . A1.by. Праверана 16 жніўня 2019.
  22. Ян Альшэўскі velcom | A1 запустил в тестовом режиме связь в тоннелях Московской линии метро (руск.) . Onliner.by (29 красавіка 2019). Праверана 29 красавіка 2019.
  23. velcom | A1 обеспечил связью тоннели Автозаводской линии минского метро (руск.) . interfax.by (14 мая 2019). Праверана 14 мая 2019.
  24. А1 обеспечил связь к открытию третьей линии минского метро (руск.) . interfax.by (30 кастрычніка 2020). Праверана 21 снежня 2020.
  25. A1 первым в Беларуси запустил eSIM (руск.) . tvnews.by (12 жніўня 2019). Праверана 15 жніўня 2019.
  26. Уласны смартфон, «разумны дом», кіно ў панарамным фармаце: A1 распавёў, што будзе рабіць далей (бел.) . nashaniva.by (12 жніўня 2019). Праверана 15 жніўня 2019.
  27. А1 предложил смартфон «A1 Альфа 20+» за 529 рублей (руск.) . tech.onliner.by (29 ліпеня 2020). Праверана 21 снежня 2020.
  28. При участии А1 подписана декларация о развитии 5G между Австрией и Беларусью (руск.) . A1.by (12 жніўня 2019). Праверана 13 лістапада 2019.
  29. A1 запустила в Минске тестовую зону «чистого» 5G (руск.) . naviny.by. Праверана 29 чэрвеня 2020.
  30. Первый в СНГ 5G-звонок совершен в сети А1 (руск.) . Праверана 29 чэрвеня 2020.
  31. Дома всё в порядке: А1 представил собственную систему умного дома (руск.) . naviny.by. Праверана 29 чэрвеня 2020.
  32. A1 предлагает абонентам подписку на известный сервис с музыкой за 5,9 рубля (руск.) . 42.tut.by. Праверана 31 сакавіка 2021.
  33. «Хартия’97», «Velcom действительно продали», 22 августа 2007 Архіўная копія ад 30 верасня 2007 на Wayback Machine
  34. Telekom Austria Group Enters the Belarusian Mobile Communications Market (англ.) 
  35. velcom предлагает бизнесу выгодный безлимитный фиксированный интернет (руск.) . A1.by. Праверана 17 жніўня 2019.
  36. Официально: velcom покупает "Атлант Телеком" (руск.)  . Праверана 31 сакавіка 2018.
  37. Провайдеры "Саммит", "Айчына Плюс" и "Драйв" передали активы velcom (руск.) . tvnews.by. Праверана 28 снежня 2018.
  38. Константин Сидорович velcom купил еще одного интернет-провайдера — гомельский «Гарант». Возможны новые поглощения - Технологии onliner.by (руск.) . Onliner.by. Праверана 31 сакавіка 2018.
  39. velcom сообщил о завершении сделки по покупке витебского «Гаранта» (руск.) . Народныя навіны Віцебска(англ.) бел.. Праверана 6 кастрычніка 2018.
  40. velcom продолжает расширять базу клиентов фиксированного интернета (руск.) . A1.by. Праверана 17 жніўня 2019.
  41. 41,0 41,1 41,2 41,3 Interim Results — A1 Telekom Austria Group(англ.) 
  42. Абоненты домашнего интернета velcom переходят на единую платформу VOKA (руск.) . A1.by. Праверана 17 жніўня 2019.
  43. velcom ввел «оптовый» тариф для телевидения VOKA
  44. Самый интерактивный видеосервис Беларуси. История продвижения VOKA в 2018 году
  45. В видеосервисе VOKA появился 4K-контент
  46. Интерьер hi-tech, 7 кинозалов, билеты от 7 до 26 рублей. Как выглядит новый мультиплекс в Dana Mall (руск.) . Onliner.by. Праверана 18 красавіка 2019.
  47. В Минске покажут три фильма Альмодовара с общим мировым сбором почти $76 млн (руск.) . officelife.media. Праверана 18 красавіка 2019.
  48. В VOKA CINEMA открывается киноклуб «Артформат» (руск.) . A1.by. Праверана 13 лістапада 2019.
  49. У Беларусі з'явілася кіназала з вуглом агляду 270 градусаў (бел.) . 34Mag. Праверана 14 верасня 2019.
  50. «Нулявуд» — новы фільм Джэймса Франка выходзіць па-беларуску адначасова з сусветнай прэм’ерай (бел.) . Новы час. Праверана 14 верасня 2019.
  51. velcom Smartfilm – старт в новом формате (руск.) . smartfilm.by. Праверана 20 лютага 2020.
  52. Гран-при фестиваля VOKA Smartfilm получил белорусский фильм «86» (руск.) . smartfilm.by. Праверана 17 красавіка 2020.
  53. В Беларуси создана федерация компьютерного спорта (руск.) . naviny.by. Праверана 27 сакавіка 2020.
  54. В Беларуси появилась ассоциация компьютерного спорта (руск.) . naviny.by. Праверана 8 мая 2020.
  55. А1 испытала мобильный гейминг в тестовой сети 5G SA (руск.) . interfax.by. Праверана 29 чэрвеня 2020.
  56. velcom открыл крупнейший в Беларуси дата-центр (руск.) . naviny.by. Праверана 7 мая 2021.
  57. Экскурсия по дата-центру velcom (руск.) . kv.by. Праверана 7 мая 2021.
  58. Дата-центр оператора velcom A1 подтвердил соответствие стандартам безопасности PCI DSS (руск.) . primepress.by. Праверана 29 красавіка 2021.
  59. Информацию защищает закон… и "Облако-62" (руск.) . belta.by. Праверана 7 мая 2021.
  60. A1 представил пакет новых продуктов и услуг (руск.) . dev.by. Праверана 29 чэрвеня 2020.
  61. Дата-центр А1 подтвердил соответствие требованиям стандарта СТБ ISO/IEC 27001-2016 (руск.) . interfax.by. Праверана 29 чэрвеня 2020.
  62. А1 получила лицензию на выполнение работ в области обеспечения инфобезопасности КВОИ (руск.) . interfax.by. Праверана 29 красавіка 2021.
  63. А1 стала платиновым партнером "Лаборатории Касперского" (руск.) . interfax.by. Праверана 29 красавіка 2021.
  64. «Сосредоточьтесь на развитии бизнеса, а нам доверьте технический аспект его оптимизации». Интервью с топ-менеджером А1 Робертом Дашяном (руск.) . probusiness.io. Праверана 7 мая 2021.
  65. Одним из новых резидентов ПВТ стала компания "А1 ИКТ сервисы" (руск.) . interfax.by. Праверана 7 мая 2021.
  66. velcom запустил солнечную электростанцию размером с 60 футбольных полей (руск.) . Onliner.by. Праверана 11 лістапада 2018.
  67. Солнечному парку А1 – 5 лет! Знаете, сколько он выработал электроэнергии? (руск.) . citydog.by. Праверана 6 верасня 2021.
  68. velcom запустил базовую станцию на солнечных батареях (руск.) . naviny.by. Праверана 3 красавіка 2019.
  69. 69,0 69,1 69,2 69,3 Brunner, Simone (2021-10-10). "Alexanders Werk und Österreichs Beitrag" (in de). profil(ням.) бел. 42: 66–67. 
  70. Weißrussland: Telekom Austria erfüllt nur ihre Pflicht (ням.) . Die Presse (7 ліпеня 2016). Архівавана з першакрыніцы 21 верасня 2020. Праверана 21 верасня 2020.
  71. Статкевича, его жену и ее сына «отрубили от любой связи» (руск.) . Наша Ніва (25 сакавіка 2017). Архівавана з першакрыніцы 21 верасня 2020. Праверана 21 верасня 2020.
  72. «По требованию госорганов». А1 пояснил, откуда сегодня проблемы с интернетом в Минске (руск.) . TUT.BY (23 жніўня 2020). Праверана 24 жніўня 2020.
  73. A1, МТС и life:) сообщили об ухудшении качества связи по требованию госорганов (руск.) . Onliner.by (26 жніўня 2020). Праверана 27 жніўня 2020.
  74. A1, МТС и life:) сообщили об ухудшении качества связи по требованию госорганов (руск.) . Onliner.by (26 жніўня 2020). Праверана 21 снежня 2020.
  75. «По требованиям госорганов». В Минске снова проблемы с мобильным интернетом (руск.) . TUT.BY (25 кастрычніка 2020). Архівавана з першакрыніцы 25 кастрычніка 2020. Праверана 25 кастрычніка 2020.
  76. Wie ein österreichischer Mobilfunkanbieter dem Regime in Belarus hilft (ням.) . WEB.DE(ням.) бел. (7 верасня 2020). Архівавана з першакрыніцы 21 верасня 2020. Праверана 21 верасня 2020.
  77. Ассоциация операторов Европы прокомментировала отключения интернета в РБ (руск.) . aif.by (21 верасня 2020). Праверана 21 снежня 2020.
  78. Международная коалиция призвала операторов Беларуси бороться с отключениями интернета. А1 ответил (руск.) . TUT.BY (30 кастрычніка 2020). Праверана 21 снежня 2020.
  79. Дзяніс Мельянцоў: Можна нацыяналізаваць Прыёрбанк і А1 — Наша Ніва, 25.06.2021
  80. Где работает роуминг: страны и территории (руск.) . A1.by. Праверана 29 чэрвеня 2020.
  81. Пра кампанію(бел.) 
  82. А1 начинает реализацию экологических проектов (руск.) . interfax.by. Праверана 16 студзеня 2020.
  83. #velcombegom финиширует (руск.) . A1.by. Праверана 14 верасня 2019.
  84. «Бегущие города #velcombegom» стал победителем Международного конкурса коммуникационных проектов в Москве
  85. Благотворительность и спорт онлайн: А1 и НОК Беларуси запускают акцию в помощь детям (руск.) . belta.by. Праверана 29 чэрвеня 2020.
  86. «50 000 ГАДЗІН З А1»: УЧАСТНИКИ БЛАГОТВОРИТЕЛЬНОЙ АКЦИИ ДОСРОЧНО ДОСТИГЛИ ГЛАВНОЙ ЦЕЛИ (руск.) . officelife.media. Праверана 29 жніўня 2021.
  87. «Зажги синим!»: в рамках социальной акции velcom минские здания включили синюю подсветку
  88. Итоги проекта А1 и БДФ«Я вижу!»: осмотрено более 51 тыс. детей из 62 районов Беларуси (руск.) . a1.by. Праверана 4 сакавіка 2020.
  89. Три в одном: вышла коллекция комиксов про суперочки «Я вижу!» (руск.) . interfax.by. Праверана 4 сакавіка 2020.
  90. А1 Юниор (руск.) . fc-junior.by. Праверана 3 кастрычніка 2019.
  91. Паслы замежных дзяржаў масава загаварылі па-беларуску
  92. 57 тысяч гледачоў «Беларускіх уікэндаў»: як у velcom атрымалася падтрымаць кіно на беларускай мове
  93. Участники velcom YOUTH приступают к реализации своих идей
  94. "А1 открывает прием заявок на новый конкурс идей для старшеклассников "Першыя" (руск.) . interfax.by. Праверана 7 мая 2021.
  95. А1 начал приём заявок на конкурс идей для старшеклассников «Першыя» (руск.) . A1.by. Праверана 9 кастрычніка 2019.
  96. Определены 10 финалистов конкурса идей для белорусских старшеклассников «Першыя» (руск.) . A1.by. Праверана 27 сакавіка 2020.
  97. А1 – генеральны партнёр 100-га сезона Нацыянальнага акадэмічнага тэатра імя Янкі Купалы (бел.) . A1.by. Праверана 14 верасня 2019.
  98. Спектакль «Шабаны» Купаловского театра покажут в прямом эфире на VOKA (руск.) . naviny.by. Праверана 27 сакавіка 2020.
  99. А1 приобрел статус партнера Венского бала во Дворце независимости, но вызвал возмущение пользователей (руск.) . marketing.by. Праверана 29 чэрвеня 2020.
  100. Праект #UNOVIS100 (бел.) . kimpress.by. Праверана 20 лютага 2020.
  101. В художественном музее открывается выставка Лазаря Хидекеля. Вот чем она крута (руск.) . afisha.tut.by. Праверана 20 лютага 2020.
  102. «МОВА» беларускіх гарадоў: вясной у Мінску і абласных цэнтрах з’явіцца серыя арт-інсталяцый (бел.) . naviny.by. Праверана 28 лютага 2020.
  103. В Могилеве появилась арт-инсталляция «МОВА» Беларуси от А1 (руск.) . mogilev.online. Праверана 11 снежня 2020.
  104. У белорусских птиц появились телефонные номера (руск.) . interfax.by. Праверана 29 чэрвеня 2020.
  105. За 9 месяцев белорусы позвонили птицам более 180 тысяч раз (руск.) . Беларусь и мир. Праверана 5 сакавіка 2021.
  106. Экология на практике: А1 начинает совместный образовательный проект с зелеными школами Беларуси (руск.) . БелТА. Праверана 21 снежня 2020.
  107. Определены семь победителей экологического конкурса «Энергия солнца для Зеленых школ» (руск.) . rcek.by. Праверана 11 лістапада 2020.
  108. А1 УСТАНОВИЛ СОЛНЕЧНЫЕ ПАНЕЛИ В СЕМИ «ЗЕЛЕНЫХ ШКОЛАХ» БЕЛАРУСИ (руск.) . rcek.by. Праверана 21 снежня 2020.
  109. А1 развивает «Зеленый офис»: в Минске посадили огород на крыше (руск.) . Белорусы и рынок. Праверана 20 красавіка 2021.
  110. Волонтёры объяснят бабушкам и дедушкам, зачем им интернет (руск.) . dev.by. Праверана 21 снежня 2020.
  111. #яонлайн-обучение: А1 и ЮНФПА запустили образовательную программу по цифровой грамотности (руск.) . interfax.by. Праверана 13 жніўня 2021.
  112. #оставайсяонлайн: А1 предоставил бесплатный безлимитный интернет и открыл доступ к видеосервису VOKA абонентам (руск.) . belta.by. Праверана 29 чэрвеня 2020.
  113. #оставайсяонлайн с А1 (руск.) . a1.by. Праверана 29 чэрвеня 2020.
  114. А1 поможет детской "инфекционке" закупить оборудование и препараты для лечения COVID-19 (руск.) . interfax.by. Праверана 21 снежня 2020.

СпасылкіПравіць