Бабруйскае жыццё
«Бабруйскае жыццё» — бабруйская гарадская грамадска-палітычная газета, орган Бабруйскага гарадскога выканаўчага камітэта. Выходзіць штотыднёва ў сераду аб’ёмам у 32 паласы. Падпісны індэкс на «Белпошце» 64100.
| «Бабруйскае жыцьцё» | |
|---|---|
| Тып | Штотыднёвік |
| Фармат | А3 |
| Уладальнік | Бабруйскі гарадскі выканаўчы камітэт |
| Рэдактар | Аляксандр Казак |
| Галоўны рэдактар | Аляксандр Канстанцінавіч Казак[d] |
| Заснавана | 28 лістапада 1918 |
| Мова | Беларуская, руская |
| Галоўны офіс | Магілёўская вобласць, г. Бабруйск, вул. Сацыялістычная, д. 103 |
| Тыраж | 7500 (2012) |
| Вэб-сайт | bobrlife.by |
Гісторыя правіць
Заснаваная 28 лістапада 1918 года. Спачатку газета насіла назву «Известия Бобруйского революционного комитета (ревкома)», а з лютага 1919 года — «Коммунист». З 1924 года выдавалася як акруговая газета, з 1932 — раённая. У 1928—1931 гадах газета выдавала штомесячны літаратурны дадатак «Вясна». З № 6 за 1931 год дадатак выходзіў пад назвай «Ударнік». Да 1925 года газета «Камуніст» выдавалася на беларускай мове. У 1925—1930 гадах адказным сакратаром-рэдактарам газеты быў Міхась Лынькоў.
У Вялікую Айчынную вайну на акупаванай тэрыторыі выдавалася газета «Бабруйскі партызан». З ліпеня 1944 года выходзіла як гарадская газета. З утварэннем Бабруйскай вобласці на базе яе з кастрычніка 1944 да студзеня 1954 года выходзіла Бабруйская абласная газета «Савецкая радзіма». У 1954—1956 гадах пасля скасавання Бабруйскай вобласці «Камуніст» зноў орган гаркама КПБ і гарвыканкама, з 1956 года — аб’яднаная газета.
Са студзеня 1991 года – «Бабруйскае жыццё»[1].
Сучаснасць правіць
Выходзіць па-руску і па-беларуску штотыдзень у сераду. Змяшчае матэрыялы пра грамадска-палітычнае жыццё Бабруйска, афіцыйную інфармацыю, матэрыялы з гісторыі горада, праграму тэлебачання, рэкламу, мае забаўляльныя рубрыкі і г.д. Рэдакцыя месціцца на адрасе горад Бабруйск, вуліца Сацыялістычная, 103.
Галоўныя рэдактары правіць
- 2002—2014 — Аляксандр Канстанцінавіч Казак.
Зноскі
- ↑ «Вместе 90 лет: от «Известий…» до «Бабруйскага жыцця». ― Бобруйск, 2008.
Спасылкі правіць
- Сайт газеты (Праверана 24 мая 2023)
- Электронная версія газеты на сайце Бабруйскага гарвыканкама Архівавана 25 снежня 2017.
- Друк Бабруйскага раёна Архівавана 22 кастрычніка 2018. (Праверана 18)