Бакак
Бака́к (англ.: Bokak, маршал.: Pokak, Bokaak) або Таонгі (англ.: Taongi) — атол у складзе Маршалавых Астравоў. Плошча сушы — 3,24 км². Незаселены.
Бакак | |
---|---|
англ. Bokak, Pokak, Bokaak, Taongi | |
Характарыстыкі | |
Плошча | 3,24 км² |
Найвышэйшы пункт | 5 м |
Размяшчэнне | |
14°32′ пн. ш. 169°00′ у. д.HGЯO | |
Архіпелаг | Маршалавы Астравы |
Акваторыя | Ціхі акіян |
Краіна | |
Праблемы з <mapframe>:
| |
Медыяфайлы на Вікісховішчы |
Геаграфія правіць
Бакак — самы паўночны атол Маршалавых Астравоў. Знаходзіцца ва ўсходняй групе атолаў Ратак у 869 км на паўночны захад ад Маджура, сталіцы краіны. Уяўляе сабою замкнёны каралавы рыф з лагунай 78,04 км². На рыфе, пераважна ў яго паўднёва-ўсходняй частцы, месціцца 11 астравоў агульнай плошчай 3,24 км². Астравы нізкія. Найвышэйшы пункт не перавышае 5 м над узроўнем акіяна. На Бакаке знойдзены невялікія радовішчы фасфатаў.
Клімат субэкватарыяльны пасатны. Сярэднегадавая тэмпература вагаецца ў залежнасці ад сезона ад +27 °C да +31 °C. Сярэднегадавая колькасць ападкаў — 1143 мм.
Прырода правіць
Асноўная частка вострава занята лясамі і мангравымі балотамі. Іх насяляюць шматлікія птушкі. На пясчаных пляжах размножваюцца чарапахі. У лагуне і каля каралавага рыфа назіраецца незвычайна высокая біялагічная разнастайнасць.
Гісторыя правіць
Да прыбыцця еўрапейцаў Бакак быў вядомы маршальцам, якія, аднак, не стваралі на ім сталых паселішчаў. Адкрыты 21 жніўня 1526 г. іспанскімі мараплаўцамі. У XVII — XVIII ст. наведваўся і даследаваўся іспанцамі і галандцамі. У XIX ст. увайшоў у склад тэрыторый, якія лічыліся маёмасцю вярхоўнага правадыра атолаў Ратак. Афіцыйна каля 20 га зямлі на атоле і ў наш час адносяцца да прыватнай маёмасці сям’і правадыра Маджура. З 1986 г. Бакак у складзе Рэспублікі Маршалавы Астравы.