Банда-Бесар
Банда-Бесар, або Бесар (індан.: Banda Besar, Besar) — самы вялікі па плошчы востраў архіпелага Банда ў моры Банда. Уваходзіць у склад Інданезіі. Плошча — 26,5 км².
| Банда-Бесар | |
|---|---|
| індан. Banda Besar | |
 Фота канца XIX ст. | |
| Характарыстыкі | |
| Плошча | 26,5 км² |
| Найвышэйшы пункт | 640 м |
| Насельніцтва | 2 000 чал. |
| Шчыльнасць насельніцтва | 75,47 чал./км² |
| Размяшчэнне | |
| 4°33′36″ пд. ш. 129°55′35″ у. д.HGЯO | |
| Акваторыя | мора Банда |
| Краіна | |
| Правінцыя | Малуку |
 | |
 Медыяфайлы на Вікісховішчы | |
Мае вулканічнае паходжанне. Найвышэйшы пункт — пік Банда (640 м). Берагі атачаюць каралавыя рыфы. Востраў вядомы насаджэннямі мушкатовага арэха і добра захаванай прыродай навакольных вод. Клімат трапічны вільготны. У снежні сярэдняя тэмпература трымаецца каля 28°C - 29°C, у жніўні — каля 25°C - 26°C.
У старажытнасці быў населены аўстранезійцамі. Да XVI ст. тут узнікла некалькі малых дзяржаўных утварэнняў, жыхары якіх займаліся вырошваннем і продажам мушкатовага арэха. У 1621 г. заваяваны галандцамі. У 1945 г. увайшоў у склад Інданезіі.
Асноўныя галіны эканомікі — рыбалоўства, сельская гаспадарка.