Баханскі сельсавет (Хоцімскі раён)

былая адміністрацыйна-тэрытарыяльная адзінка ў Хоцімскім раёне Магілёўскай вобласці Беларусі

Баханскі сельсавет — былая адміністрацыйна-тэрытарыяльная адзінка ў складзе Хоцімскага раёна Магілёўскай вобласці Беларусі. Цэнтр — аграгарадок (да 2010 года вёска) Баханы.

Баханскі сельсавет
Краіна  Беларусь
Уваходзіць у Хоцімскі раён
Уключае 4 населеныя пункты
Адміністрацыйны цэнтр Баханы
Дата ўтварэння 20 жніўня 1924
Дата скасавання 20 верасня 2013
Насельніцтва (2009) 612
Часавы пояс UTC+03:00
Код аўтам. нумароў 6

Утвораны 20 жніўня 1924 года як Баханскі (Баханоўскі) сельсавет у складзе Хоцімскага раёна Калінінскай акругі БССР. З 9 чэрвеня 1927 года ў складзе Магілёўскай акругі. Пасля скасавання акруговай сістэмы 26 ліпеня 1930 года ў Хоцімскім раёне БССР. З 8 ліпеня 1931 года сельсавет у складзе Касцюковіцкага раёна БССР, з 12 лютага 1935 года — у складзе адноўленага Хоцімскага раёна БССР, з 20 лютага 1938 года — Магілёўскай вобласці. 11 сакавіка 1960 года ў склад сельсавета з Чарняўскага сельсавета перададзены вёскі Новы Мосін і Стары Мосін, у склад Бяседавіцкага сельсавета перададзена вёска Юзяфоўка[1]. З 17 красавіка 1962 года сельсавет у складзе Касцюковіцкага раёна, з 30 ліпеня 1966 года — у складзе адноўленага Хоцімскага раёна. 20 верасня 2013 года скасаваны, тэрыторыя далучана да Бярозкаўскага сельсавета[2].

Насельніцтва сельсавета паводле перапісу 2009 года складала 612 чалавек[3], з іх 97,4 % — беларусы, 2,1 % — рускія[4].

На момант скасавання ў склад сельсавета ўваходзілі 4 населеныя пункты: аграгарадок Баханы, вёскі Канава, Мосін і Паўлаўка.

Зноскі

  1. Рашэнне выканкома Магілёўскага абласнога Савета дэпутатаў працоўных ад 11 сакавіка 1960 г. // Збор законаў, указаў Прэзідыума Вярхоўнага Савета Беларускай ССР, пастаноў і распараджэнняў Савета Міністраў Беларускай ССР. — 1960, № 6.
  2. Решение Могилевского областного Совета депутатов от 20 сентября 2013 г. № 22-12 Об изменении административно-территориального устройства некоторых административно-территориальных единиц Могилевской области
  3. Насельніцтва населеных пунктаў Магілёўскай вобласці Беларусі паводле перапісу 2009 года(недаступная спасылка). Архівавана з першакрыніцы 7 жніўня 2018. Праверана 3 верасня 2021.
  4. Этнічны склад насельніцтва сельсаветаў Беларусі паводле перапісу 2009 года

Літаратура правіць

  • Административно-территориальное устройство БССР: справочник: в 2 т. / Главное архивное управление при Совете Министров БССР, Институт философии и права Академии наук БССР. — Минск: «Беларусь», 1985―1987.
  • Административно-территориальное устройство Республики Беларусь (1981—2010 гг.): справочник. — Минск: БелНИИДАД, 2012. — 172 с.