Беатрыс I (графіня Бургундыі)

Беатрыс I (графіня Бургундыі) (фр.: Béatrice I^re de Bourgogne; каля1145—15 лістапада 1184), графіня Бургундыі з 1148 года, імператрыца Свяшчэннай Рымскай імперыі (пасля вяселля ў 1156 годзе з імператарам Фрыдрыхам Барбаросай).

Беатрыс I Бургундская
фр.: Béatrice Ire de Bourgogne
пфальцграфіня Бургундыі 1148 — 1184
Папярэднік	Рэно III Бургундскі
Пераемнік	Атон I
Нараджэнне	1143 ці 1135 Доль, arrondissement of Dole[d], дэпартамент Юра, Franche-Comté[d], Францыя або Château de Dole[d], Доль, arrondissement of Dole[d], дэпартамент Юра, Franche-Comté[d], Францыя
Смерць	15 лістапада 1184 ці 15 лістапада 1185 Жу[d], canton of Rochefort-sur-Nenon[d], arrondissement of Dole[d], дэпартамент Юра, Franche-Comté[d], Францыя або Шпаер, Шпеерскае княства-епіскапства[d], Свяшчэнная Рымская імперыя
Месца пахавання	Шпаерскі сабор
Род	Іўрэйская дынастыя
Бацька	Рэно III[d]
Маці	Агата Латарынгская[d]
Муж	Фрыдрых I Барбароса[…]
Дзеці	Фрыдрых V[d], Генрых VI Гогенштаўфен, Філіп Швабскі, Фрыдрых VI Швабскі, Атон I, Конрад II, Beatrice Schwäbische[d], Sophie of Hohenstaufen[d] і Agnes von Staufen[d]
Веравызнанне	хрысціянства
Медыяфайлы на Вікісховішчы

Біяграфія

вяселле Фрыдрыха I Барбаросы і Беатрыс Бургундскай. Фрэска на столі Імперскай залы. Вюрцбург

Стала спадчынніцай свайго бацькі Рэно III Бургундскаму ў 3-гадовым узросце. Вакол патэнцыйнага тытула пфальцграфа разгарэўся сапраўдны бой. Апекуном Беатрыс і рэгентам Бургундыі стаў яе дзядзька Гільём III, граф Макона, які ў Бургундыі насіў імя Гільём IV. Жадаючы атрымаць графскі тытул, ён фактычна трымаў сваю пляменніцу пад хатнім арыштам. З іншага боку на Бургундыю прэтэндаваў герцаг Бертольд IV фон Цэрынген, бацька якога насіў тытул «рэктар Бургундыі», атрыманы ад імператара Лотара Суплінбургскага. Прэтэнзіі Бертольда IV былі падтрыманы імператарам Конрадам III і Беатрыс была вызвалена. Аднак у канчатковым выніку тытул пфальцграфа не дастаўся і Цэрынгенам. У 1156 годзе новы імператар Фрыдрых I Барбароса ажаніўся з Беатрыс, узяўшы графства Бургундыю ў якасці пасагу і далучыўшы яе такім чынам да ўладанняў Гогенштаўфенаў.

Беатрыс памерла 15 лістапада 1184 года і пахавана ў крыпце Шпаерскага сабора (ням. Kaiser- und Mariendom zu Speyer) разам са сваёй дачкой Агнэс.

Надмагільная пліта Беатрыс I

Шлюб і дзеці

Муж: з 1156 года Фрыдрых I Барбароса (1122—10 чэрвеня 1190), імператар Свяшчэннай Рымскай імперыі. Дзеці ад гэтага шлюбу:

• Беатрыс (каля 1161—1174)
• Фрыдрых (1164—1168/1170), герцаг Швабіі з 1167
• Генрых (1165—1197), імператар Свяшчэннай Рымскай імперыі з 1191
• Конрад (1167—1191), герцаг Швабіі з 1170 пад імем Фрыдрых VI
• Атон (1167—1200), пфальцграф Бургундыі з 1189
• Конрад (1172—1196), герцаг Ротэнбурга (1188—1191), герцаг Швабіі (1191—1196)
• Райнальд (Рэно) (1173—1178)
• Вільгельм (каля 1176 — пасля 1178)
• Філіп (1176—1208), герцаг Швабіі з 1196, кароль Германіі з 1198
• Агнэс (пам. 1184), была заручана з Імрэ (1174—1204), будучым каралём Венгрыі

Спасылкі

• Histoire du Comté de Bourgogne ou Franche-Comté du IXème au XIVème siècle (фр.). Архівавана з першакрыніцы 26 жніўня 2011. Праверана 23 студзеня 2010.
• COMTES PALATINS de BOURGOGNE 1026-1200 (IVREA) (англ.). Foundation for Medieval Genealogy. Архівавана з першакрыніцы 26 жніўня 2011. Праверана 23 студзеня 2010.