Белакрылы крыжадзюб дасягае велічыні ад 14 да 16 см і па целаскладзе трохі саступае крыжадзюбу-яловіку. Дзюба прыстасавана для расколвання шышак лістоўніцы. Ярка выяўлены палавы дымарфізм: апярэнне ў самак жоўтага колеру, а ў самцоў малінава-чырвонае альбо цагляна-чырвонае. Крылы афарбаваныя ў чорны колер. У больш спелых птушак на крылах таксама ёсць дзве белыя палоскі, за што від атрымаў сваю назву.
