Адкрыць галоўнае меню

Беларуская нацыянал-сацыялістычная партыя

Беларуская нацыянал-сацыялістычная партыя (БНСП) — арганізацыя беларускіх нацыянал-сацыялістаў у Заходняй Беларусі[1].

Беларуская нацыянал-сацыялістычная партыя
Беларуская нацыянал-сацыялістычная партыя
Лідар Фабіян Акінчыц
Дата заснавання 1933
Дата роспуску 1937
Штаб-кватэра
Ідэалогія нацыянал-сацыялізм, беларускі нацыяналізм, антыкамунізм

Пачала стварацца ў 1933 у Вільні па ініцыятыве групы пранямецка настроеных беларускіх дзеячаў. З 1934 працаваў прэзідыум Беларускага нацыянал-сацыялістычнага актыву (старшыня Фабіян Акінчыц), які ў пачатку 1937 ператвораны ў Цэнтральны камітэт БНСП. З восені 1933 Фабіян Акінчыц разам з У. Казлоўскім пачалі выданне часопіса «Новы шлях», органа БНСП, дзе шмат увагі аддавалі абгрунтаванню і апраўданню ідэалогіі нацыянал-сацыялізму. Наклад часопіса не перавышаў 500 экзэмпляраў.

БНСП займала выразныя антысавецкія і антыкамуністычныя пазіцыі, не прымала ідэі кансалідацыі заходнебеларускага руху. У праграме 1936 яе лідары дэкларавалі замену капіталістычнага ладу сацыялістычным. Падкрэслівалася, што «палітычным ідэалам ёсць незалежная і аб'яднаная беларуская дзяржава ў яе этнічных межах».

Да БНСП прымкнула група незалежных беларускіх радыкалаў на чале з паслом сейма К. Юхневічам. Аднак з-за малалікасці членаў так і не ўдалося склікаць яе з'езд[2].

Забаронена польскімі ўладамі[3], лідар БНСП Ф. Акінчыц у 1939 перабраўся ў Берлін.

Зноскі

  1. ЭГБ. Т. 1.
  2. БелЭн. Т. 18, кн. ІІ. С. 243.
  3. Дзейнасць БНСП практычна забаронена ў 1937 г. (Ю. Туронак, 1993)

ЛітаратураПравіць