Беларуская партыя свабоды
Белару́ская Па́ртыя Свабо́ды — беларуская незарэгістраваная партыя нацыяналістычнага кірунку. Лідар — Сяргей Іванавіч Высоцкі. Іншыя асобы партыі: Юрый Карэтнікаў, Сяргей Пецюкевіч, Васіль Парфянкоў і Славамір Адамовіч.
| Беларуская партыя свабоды | |
|---|---|
| бел.: БПС-Самаабарона | |
 | |
| Дата заснавання | 1992 |
| Дата роспуску | 2003 |
| Штаб-кватэра | Мінск |
| Краіна | |
| Ідэалогія |
кансерватызм нацыяналізм |
| Колькасць членаў | 1000 (200 у Мінску[1]) |
| Дэвіз | «Жыве Нацыянальная Рэвалюцыя!» |
| Партыйны друк |
«Za volu» (1995—?) «Наш шлях» «Нацыя» |
| Сайт | bps-88.narod.ru |
Гісторыя правіць
БПС была заснавана ў 1992 групай студэнтаў Мінскага педагагічнага інстытута. У 1993 годзе была зладжана першая мірная дэманстрацыя пратэсту, удзельнікі акцыі патрабавалі вываду расійскіх войск з Беларусі[2]. У 1995 старшыня партыі Сяржук Высоцкі быў абраны дэпутатам Гарсавету (аднак выбары былі прызнаны неадбыўшыміся), а ў 1996 — дэпутатам Вярхоўнага Савета XIII-га склікання па 274-й акрузе. Байцы БПС бралі ўдзел ва ўсіх мітынгах 1996—1999 гадоў, з’яўляліся на маніфестацыях з бела-чырвона-чорнымі сцягамі і ў чорных кашулях, прапагандавалі сілавы адпор ворагам Бацькаўшчыны пад дэвізам «Да барацьбы — да перамогі!». У 2000 прайшоў з’езд БПС, у выніку якога Сяржук Высоцкі быў пазбаўлены паўнамоцтваў і выключаны з шэрагаў партыі[3]. Ён і частка членаў БПС не прызнала вынікі з’езду. 9 студзеня 2001 года ў Мінску адбылася чарговая сустрэча прадстаўнікоў супрацьлеглых бакоў каля помніка Янку Купалу, дзе вырашаліся фінансава-гаспадарчыя праблемы партыі, а таксама было дамоўлена, што не будзе правакацыяў ні з аднаго, ні з другога боку.[4] У 2003 кіраўніцтва БПС заявіла аб самаліквідацыі арганізацыі і пераходзе большасці сяброў у новаствораны «Правы альянс». Сяргей Высоцкі быў затрыманы 11 ліпеня 2008 года па справе выбуху 4 ліпеня ў Мінску.[5]
Зноскі
- ↑ Аляксей Знаткевіч // ARCHE Пачатак. 3 −2001, С.50
- ↑ Аляксей Знаткевіч // ARCHE Пачатак. 3 −2001, С.50
- ↑ Партии: «Белорусская партия свободы» раскололась (руск.)(недаступная спасылка). Белорусская деловая газета (19 снежня 2000). Архівавана з першакрыніцы 8 лютага 2017. Праверана 23 лістапада 2013.
- ↑ Севярын Квяткоўскі.. Незарэгістраваная арганізацыя пад назвай Беларуская партыя Свабоды працягвае распадацца на дзьве асобныя суполкі(недаступная спасылка). TUT.BY (19 студзеня 2001). Архівавана з першакрыніцы 16 верасня 2018. Праверана 14 верасня 2018.
- ↑ Затрыманы Сяргей Высоцкі, былы кіраўнік Беларускай партыі свабоды. euroradio.fm (11 ліпеня 2008). Праверана 14 верасня 2018.
Спасылкі правіць
- Афіцыйны сайт Архівавана 21 жніўня 2017.
- Неафіцыйны сайт
- Архіў друкаваных дакументаў БПС на сайце «Вытокі»
- БПС-Самабарона ў сацыяльнай сетцы «Facebook»
- Афіцыйная старонка БПС у сацыяльнай сетцы «ВКонтакте»