Беларуская федэрацыя футбола
Беларуская федэрацыя футбола (БФФ) — грамадская арганізацыя, якая займаецца правядзеннем футбольнага першынства і падрыхтоўкай зборных Беларусі па футболе.
| Беларуская федэрацыя футбола | |
|---|---|
 | |
| Заснавана | 22 снежня 1989 |
| Уступ у ФІФА | 1992 |
| Уваходжанне ў УЕФА | 1993 |
| Прэзідэнт |
 Уладзімір Аляксандравіч Базанаў |
| Сайт | https://abff.by/ |
ГісторыяПравіць
Заснаваная 22 снежня 1989 года. З 1992 года ў складзе Міжнароднага саюза футбольных таварыстваў, а з 1993 года — Саюзу еўрапейскіх футбольных таварыстваў.
Перыяд кіраўніцтва У. БазанаваПравіць
27 сакавіка 2019 года старшынёй БФФ быў абраны Уладзімір Базанаў[1].
У пачатку 2020 года, падчас пандэміі COVID-19, калі ўсе еўрапейскія чэмпіянаты і большасць сусветных былі спынены, кіраўніцтва АБФФ прыняло рашэнне чэмпіянат Беларусі працягваць[2]. У далейшым асобныя матчы пераносіліся ў сувязі з успышкамі хваробы ў камандах, але не заўсёды: напрыклад, некалькі футбалістаў брэсцкага «Дынама» былі вымушаны гуляць з COVID-19 супраць «Смалявічаў» (16-ы тур) і гродзенскага «Нёмана» (18-ы тур)[3].
У жніўні 2021 года падчас пратэстаў у краіне кіраўніцтва АБФФ не дазваляла масава збірацца заўзятарам у Мінску: адбыліся пераносы гульняў 21-га тура чэмпіяната Беларусі сталічных клубаў «Дынама» і «Мінск»[4]; пазней матчы праходзілі без гледачоў[5].
Вясной 2020 года УЕФА зрабіла заяву, што выплаціць кожнай асацыяцыі, у т.л. АБФФ, 4,3 млн еўра[6]. Аднак, ці атрымала федэрацыя грошы, і калі так, то на што яны былі зрасходаваны, невядома.
За 2019 — першую палову 2021 гадоў пры старшынстве Базанава на пасадзе старшыні нацыянальная зборная правяла 24 матчы, з якіх 7 перамог, 3 нічыі і 14 паражэнняў. У перыяд кіраўніцтва Уладзіміра Базанава 5 прафесійных футбольных клубаў спынілі існаванне.
СкандалыПравіць
У красавіку 2021 года адзін з намеснікаў старшыні федэрацыі Міхаіл Юр’евіч Ботнікаў быў спынены супрацоўнікамі ДАІ, якія зафіксавалі алкагольнае ап’яненне (1,3 праміль). Быў складзены пратакол па ч.2 арт. 18.15 КоАП Рэспублікі Беларусь.
Структура АБФФПравіць
У адпаведнасці з палажэннямі Статута АБФФ акрамя Канферэнцыі, як вышэйшага органа, органы Асацыяцыі падпадзяляюцца на некалькі груп.
Кіруючыя органы:
- Выканаўчы камітэт (Выканкам);
- Бюро Выканаўчага камітэта (Бюро Выканкама);
- Старшыня.
Дысцыплінарныя і юрысдыкцыйных органы:
- Футбольны арбітраж;
- Апеляцыйны камітэт;
- Камітэт кантрольна-дысцыплінарны і па этычных пытаннях;
- Камітэт па клубнаму ліцэнзаванню;
- Апеляцыйны камітэт па клубнаму ліцэнзаванню;
- Камітэт па статусе і пераходах футбалістаў.
Адміністрацыйны орган:
- Адміністрацыя АБФФ.
Орган фінансавага кантролю:
- Унутраны орган фінансавага кантролю — кантрольна-рэвізійная камісія.
СтаршыніПравіць
- Яўген Шунтаў (1989—1999)
- Рыгор Фёдараў (1999—2003)
- Генадзь Мікалаевіч Невыглас (2003 год — 22 красавіка 2011 года)
- Сяргей Мікалаевіч Румас (22 красавіка 2011 года — 27 сакавіка 2019 года)
- Уладзімір Аляксандравіч Базанаў (з 27 сакавіка 2019 года)
Зноскі
- ↑ Владимир Базанов официально стал новым главой АБФФ
- ↑ Богуславская, Александра Коронавируса не боимся: как в Беларуси играют в футбол во время пандемии (руск.) . Deutsche Welle (27 красавіка 2020). Праверана 1 верасня 2021.
- ↑ Футбол. Александр Нойок о коронавирусе в "Динамо": во время матча мне стало плохо — не мог дышать (руск.) . Прессбол (16 красавіка 2021). Праверана 1 верасня 2021.
- ↑ Футбол. Чемпионат Беларуси. Матч "Динамо" Мн — "Смолевичи" перенесен (руск.) . Прессбол (7 жніўня 2020). Праверана 1 верасня 2021.
- ↑ Ближайшие матчи футбольного чемпионата Беларуси пройдут без зрителей на трибунах - АБФФ (руск.) . БелТА (20 жніўня 2020). Праверана 1 верасня 2021.
- ↑ UEFA releases €236.5m to support its member associations at this difficult time (англ.) . UEFA (27 красавіка 2020). Праверана 1 верасня 2021.
СпасылкіПравіць
- (руск.) Афіцыйны сайт