Беларуская школа (1942)

«Беларуская школа» — педагагічны часопіс Інспектарыята беларускіх школ пры генеральным камісары Беларусі. Выдаваўся раз на 2 месяцы на беларускай мове кірыліцай і лацінкай у Мінску (студзень – снежань 1942, друкаваўся у Вільні) пад кантролем германскіх улад у перыяд акупацыі Беларусі ў часы Другой сусветнай вайны. Адказны за змест Ё. Сівіца. Часопіс складаўся з 2 частак — для настаўнікаў і вучняў. Друкаваў пераважна праблемныя артыкулы па пытаннях нацыянальнага выхавання, адукацыі, метадычныя матэрыялы, пачатковыя звесткі з розных галін ведаў, распараджэнні акупацыйных улад у галіне народнай асветы.

«Беларуская школа»
Тып	газета і часопіс
Выдавец	Інспектарыят беларускіх школ пры Генеральным камісары Беларусі[d]
Заснавана	1942
Спыненне публікацый	1942
Мова	беларуская
Галоўны офіс	Мінск
Тыраж

Выйшла 6 нумароў.

Замест яго пазней выдаваўся часопіс «Школа і жыццё».

Літаратура

• С. У. Жумар. «Беларуская школа» // Энцыклапедыя гісторыі Беларусі. У 6 т. Т. 1: А — Беліца / Рэдкал.: М. В. Біч і інш.; Прадм. М. Ткачова; Маст. Э. Э. Жакевіч. — Мн. : БелЭн, 1993. — 494 с. — 20 000 экз. — ISBN 5-85700-074-2.

Спасылкі

• На Вікісховішчы ёсць медыяфайлы па тэме Беларуская школа (1942)
• Беларуская школа, 1942, №5.