Белостокская правда
«Белосто́кская пра́вда» — колішняя абласная газета Беластоцкай вобласці. Выходзіла ў 1939 — 1944 гадах.
| «Белостокская правда» | |
|---|---|
| Тып | газета |
| Краіна | |
| Заснавана | верасень 1939 |
| Спыненне публікацый | 22 кастрычніка 1944 |
| Галоўны офіс | |
.svg){kind=small}
Гісторыя
правіцьЗаснавана ў верасні 1939 г. пад назвай «Освобождённый Белосток» як орган Часовага ўпраўлення г. Беластока, затым Беластоцкага абласнога і гарадскога часовага ўпраўлення. У перыяд са студзеня 1940 г. да 21 чэрвеня 1941 г. называлася «Вольная праца», выходзіла як орган Беластоцкага абкама і гаркама КП(б)Б, абласнога Савета дэпутатаў працоўных[1].
У час Вялікай Айчыннай вайны з’яўлялася органам Беластоцкага падпольнага абкама КП(б)Б і абласнога Савета дэпутатаў працоўных. Выдавалася на тэрыторыі Беластоцкага партызанскага злучэння ў Ліпічанскай пушчы ў 1943—1944 гг. Вядома 57 нумароў (№ 44-62) за перыяд з 7 лістапада 1943 г. да 6 чэрвеня 1944 г. на рускай, часткова беларускай і польскай мовах. Рэдактар С. К. Майхровіч. Рэдкалегія: Я. Колас, С. К. Майхровіч, П. С. Пестрак, С. В. Прытыцкі, Я. М. Савіцкая[1].
Пасля вызвалення БССР 20 верасня 1944 года Указам Прэзідыума Вярхоўнага Савета СССР горад Беласток і яшчэ 17 раёнаў перададзены Польшчы. Беластоцкая вобласць 20 верасня 1944 года была скасавана[2]. З 22 кастрычніка 1944 года газета стала выдавацца пад назвай «Гродненская правда»[1].
Крыніцы
правіць- ↑ а б в «Белосто́кская пра́вда» // Беларуская энцыклапедыя
- ↑ БЕЛОСТО́КСКАЯ О́БЛАСТЬ // «Банкетная кампания» 1904 — Большой Иргиз. — М. : Большая Российская энциклопедия, 2005. — С. 263. — (Большая российская энциклопедия : [в 35 т.] / гл. ред. Ю. С. Осипов; 2004—). — ISBN 5-85270-331-1.