Бойка Барысаў

Бойка Барысаў (балг.: Бойко Методиев Борисов; нар. 13 чэрвеня 1959, Банкя, НРБ) — балгарскі палітык, Прэм’ер-міністр Балгарыі ў 2009—2013 гадах і з 7 лістапада 2014 года па 27 студзеня 2017.

Бойка Барысаў
балг.: Бойко Методиев Борисов
50-ы Прэм’ер-міністр Балгарыі 27 ліпеня 2009 — 12 сакавіка 2013
Папярэднік	Сяргей Станішэў
Пераемнік	Марын Райкаў
53-і Прэм’ер-міністр Балгарыі 7 лістапада 2014 — 27 студзеня 2017
Папярэднік	Георгі Блізнашкі
Пераемнік	Агнян Герджыкаў
55-ы Прэм’ер-міністр Балгарыі 4 мая 2017 — 12 мая 2021
Папярэднік	Агнян Герджыкаў
Пераемнік	Стэфан Янеў
Нараджэнне	13 чэрвеня 1959(1959-06-13)[…] (64 гады) Банкя[d], Народная Рэспубліка Балгарыя
Грамадзянства	Балгарыя
Веравызнанне	праваслаўе
Партыя	Нацыянальны рух за стабільнасць і пад'ём[d] (2006) БКП (1990) ГЕРБ[d]
Адукацыя	Academy of the Ministry of Interior, in Sofia[d]
Дзейнасць	палітык, афіцэр, пажарнік, каратыст, футбаліст, ваенны, паліцэйскі, выкладчык, удзельнік міжнароднага форуму
Навуковая дзейнасць
Навуковая сфера	палітык
Аўтограф
Узнагароды	Order of the Republic of Montenegro[d]
Сайт	boykoborissov.bg
Медыяфайлы на Вікісховішчы

Біяграфія

Нарадзіўся 13 чэрвеня 1959 года ў горадзе Банкя (Народная Рэспубліка Балгарыя). У 1982 годзе скончыў факультэт пажарнай бяспекі Вышэйшай спецыяльнай школы Міністэрства ўнутраных спраў НРБ. У 1982—1990 гадах служыў у супрацьпажарнай службе Міністэрства ўнутраных спраў. У 1991 годзе заснаваў прыватнае ахоўнае прадпрыемства «Іпон-1», якое займалася арганізацыяй бяспекі былога кіраўніка сацыялістычнай Балгарыі Тодара Жыўкава і былога цара Сімяона II. У 2004 годзе яму прысвоена званне генерал-лейтэнант.

У 2005 годзе ён высунуў сваю кандыдатуру на пасаду кмета Сафіі і выйграў выбары. У 2006 годзе ўзначаліў новую партыю «Грамадзяне за еўрапейскае развіццё Балгарыі» (ГЕРБ).

5 ліпеня 2009 года на чарговых выбарах рух «ГЕРБ» заваяваў большасць месцаў у нацыянальным парламенце. Бойка Барысаў заняў пасаду прэм’ер-міністра і сфармаваў аднапартыйны кабінет міністраў. У лютым 2013 года з-за масавых пратэста, якія суправаджаліся сутыкненнямі з паліцыяй, у Сафіі і іншых гарадах Балгарыі, Б. Барысаў падаў у адстаўку разам з усім кабінетам міністраў. 7 лістапада 2014 года Народны сход Балгарыі зноў зацвердзіў Барысава на пасаду прэм’ер-міністра.

Спасылкі

• На Вікісховішчы ёсць медыяфайлы па тэме Бойка Барысаў
• Персанальны сайт Б. Барысава Архівавана 23 красавіка 2015.