Брэдфард

Бра́дфард, або Брэ́дфард (англ.: Bradford [ˈbrædfəd]) — горад у Англіі, у графстве Заходні Ёркшыр. Гэта адміністрацыйны і эканамічны цэнтр абшчыны Брэдфард. Ён знаходзіцца за 14 км на захад ад Лідса, з якім цесна звязаны.

Горад Брэдфард Bradford Герб Гарадская ратуша Краіна Вялікабрытанія Рэгіён Ёркшыр і Хамбер Графства Заходні Ёркшыр Каардынаты 53°47′38,40″ пн. ш. 1°45′03,60″ з. д. Першая згадка 1086 Плошча 64 361 204 м² Вышыня цэнтра 214 м Насельніцтва 293 717 чалавек (2001) Агламерацыя 493 100 чалавек (2007) чалавек Часавы пояс UTC+0 Тэлефонны код 01274 Паштовыя індэксы BD1—BD16 Афіцыйны сайт bradford.gov.uk (англ.) Брэдфард на карце Вялікабрытаніі

Медыяфайлы на Вікісховішчы

Насельніцтва горада — 293,7 тыс. жыхароў (2001), усяго гарадскога паселішча — 493,1 тыс. жыхароў (2007).

Брэдфард заўсёды лічыўся горадам рабочых з задымленым паветрам і дрэннымі жыллёвымі ўмовамі. Дасягнуў свайго росквіту ў часы віктарыянскай эпохі як цэнтр ваўнянай прамысловасці. Пасля Другой сусветнай вайны прызнаны сусветнай сталіцай гандлю ваўняным тэкстылем. Пасля 1960-х гг. тут пасялілася больш за 60 тысяч індыйцаў і пакістанцаў, якія ўносяць змены ў аблічча горада. З адміраннем традыцыйнай прамысловасці сучасны Брэдфард зацята змагаецца за новую ролю. Віктарыянскія будынкі былі абноўлены, і цэнтральная частка набыла прывабны знешні выгляд. Асабліва ўражваюць будынкі ратушы (City Hall) і Ваўнянай біржы (Wool Exchange).

Брэдфард — саборны горад. Сабор па памерах адносна сціплы і падобны да таго, што знаходзіцца ў Шэфілдзе, значна саступае па манументальнасці і паважнасці знакамітым англійскім саборам (Кентэрберы, Ёрк, Лінкальн, Вінчэстэр, Солсберы).

Брэдфардскі ўніверсітэт быў заснаваны ў 1966 годзе.

Панарама Брэдфарда

Насельніцтва

Год Колькасць 1831 76 996 1968 294 400 2001 293 277

Гарады-пабрацімы

•  Mirpur^[d], Пакістан
•  Mirpur District^[d], Пакістан
•  Верв’е, Бельгія
•  Гам, Германія
•  Голуэй, Ірландыя
•  Мёнхенгладбах, Германія
•  Рубэ, Францыя
•  Скоп’е, Паўночная Македонія (1963)

Вядомыя ўраджэнцы і жыхары

• Дэвід Хокні (нар. 1937) — англійскі мастак, графік і фатограф.

Гл. таксама

• Велі Перэйд

Літаратура

• Бра́дфорд, Брэдфорд // Т. 3. Бари — Браслет. — М. : Советская энциклопедия, 1970. — С. 615. — (Большая советская энциклопедия : [в 30 т.] / гл. ред. А. М. Прохоров; 1969—1978). (руск.)
• Бра́дфорд // Географический энциклопедический словарь: Географические названия (руск.) / Гл. ред. А. Ф. Трёшников; Ред. кол.: Э. Б. Алаев, П. М. Алампиев (зам. гл. ред.) и др. — 2-е изд., исправл. и дополн. — М.: Советская энциклопедия, 1989. — С. 81. — 592 с. — 210 000 экз. — ISBN 5-85270-057-6.

Спасылкі

• На Вікісховішчы ёсць медыяфайлы па тэме Брэдфард
• Брадфорд, город в Англии // Энциклопедический словарь Брокгауза и Ефрона: В 86 томах (82 т. и 4 доп.) (руск.). — СПб., 1890—1907.
• Нашэсце вусеняў на парк Брэдфарда Архівавана 23 чэрвеня 2011.