Браняпалубны крэйсер
тып крэйсера
Браняпа́лубны крэ́йсер — распаўсюджаны ў канцы XIX — пачатку XX стагоддзя тып крэйсера, абарона механізмаў і гарматных скляпоў якога складалася з бранявой палубы, плоскай альбо выпуклай (карапаснай). Упершыню з'явіліся ў 1878 годзе, будаваліся ці набываліся большасцю марскіх дзяржаў да пачатку Першай сусветнай вайны, складалі на мяжы стагоддзяў найбольш шматлікую частку іх крэйсерскіх сіл. У замежнай літаратуры шырока распаўсюджаны англамоўны тэрмін «абаронены крэйсер» (англ.: Protected cruiser).
