Брацлаўскае ваяводства
Брацлаўскае ваяводства[а 1] — адміністрацыйна-тэрытарыяльная адзінка ў Вялікім Княстве Літоўскім (з 1569 года ў складзе Каралеўства Польскага). Сталіца — горад Брацлаў.
| Брацлаўскае ваяводства | |||
|---|---|---|---|
| польск.: Województwo Bracławskie | |||
|
|||
| Краіна |
Вялікае Княства Літоўскае Каралеўства Польскае |
||
| Уваходзіць у |
|
||
| Адміністрацыйны цэнтр | Брацлаў | ||
| Дата ўтварэння | 1566 | ||
| Дата скасавання | 1793 | ||
| Ваяводы | Ваяводы брацлаўскія | ||
| Кашталяны | Кашталяны брацлаўскія | ||
| Плошча | 31 660 км² | ||
 |
|||
| Час існавання | 1566—1795 | ||
 Медыяфайлы на Вікісховішчы | |||
.jpg)
Сімволіка правіць
Герб ваяводства меў наступны выгляд: «на чырвоным крыжы блакітны дыск з залатым паўмесяцам».
Ваяводская харугва была шэрага колеру з выявай Пагоні ў чырвоным полі[1].
Гісторыя правіць
Утварылася паводле адміністрацыйна-тэрытарыяльнай рэформы (1565—1566) на ўсходняй палове Падольскай зямлі (Ніжняе Падолле)[1].
У 1569, згодна з умовамі Люблінскай уніі, апынулася пад уладай Каралеўства Польскага. У 1598 сталіцу ваяводства перанеслі з Брацлава ў Вінніцу.
У выніку другога падзелу Рэчы Паспалітай (1793) тэрыторыя ваяводства апынулася ў складзе Расійскай імперыі.
Адміністрацыйна-тэрытарыяльны падзел правіць
Падзялялася на два паветы: Вінніцкі і Брацлаўскі (апошні складаўся з дзвюх частак уласна Брацлаўскай і Звянігарадскай). У кан. XVIII ст. вылучыліся Набускі (цэнтр — Гранаў) і Звянігарадскі паветы[1].
Ваяводскі соймік праходзіў у Вінніцы. Мясцовая шляхта абірала шасцярых паслоў на Вальны сойм.
Ураднікі правіць
У Сенаце Рэчы Паспалітай Падляшскае ваяводства мела двух прадстаўнікоў — ваяводу і кашталяна.
Цікавыя факты правіць
- На тэрыторыі Брацлаўскага ваяводства нарадзіўся Міхал Дастаеўскі, адзін з сыноў брацлаўскага протаіерэя, што пераехаў сюды з Дастоева — бацька пісьменніка Фёдара Дастаеўскага.[2]
Заўвагі правіць
- ↑ старабел.: Воеводство Брацлавское; па-лацінску: Palatinatus Braclaviensis, па-польску: Województwo bracławskie
Зноскі
- ↑ а б в ЭнцВКЛ 2005.
- ↑ Лідзія Кулажанка, Адам Мальдзіс, Святлана Сачанка. Літаратурныя мясціны Беларусі // «Маладосць» № 648, 2007. С. 121 [1].
Літаратура правіць
- Пазднякоў В. Брацлаўскае ваяводства // Вялікае княства Літоўскае: Энцыклапедыя. У 3 т. / Рэдкал.: Г. П. Пашкоў (гал. рэд.) і інш.; маст. З. Э. Герасімовіч. — Мн.: Беларуская Энцыклапедыя, 2005. — Т. 1: Абаленскі — Кадэнцыя. — С. 347. — 688 с. — ISBN 985-11-0314-4 (т. 1), ISBN 985-11-0315-2.