Брэсцкае партызанскае злучэнне

Брэсцкае партызанскае злучэнне — партызанскае злучэнне, створанае ў красавіку — чэрвені 1943 года на базе асобых атрадаў, якія дзейнічалі на тэрыторыі Брэсцкай вобласці.

Брэсцкае партызанскае злучэнне
Гады існавання	красавік-чэрвень 1943 года — сакавік-ліпень 1944 года
Краіна	СССР
Падпарадкаванне	Беларускі штаб партызанскага руху
Уваходзіць у	Савецкі партызанскі рух у Беларусі
Тып	партызаны
Функцыя	змаганне з акупантамі
Колькасць	13000 партызан
Дыслакацыя	Брэсцкая вобласць
Войны	Другая сусветная вайна Вялікая Айчынная вайна
Удзел у	Вялікая Айчынная вайна
Камандзіры
Вядомыя камандзіры	Сяргей Сікорскі

Камандаванне

Камандзір:

• Сяргей Іванавіч Сікорскі (красавік 1943 — ліпень 1944).

Начальнік штаба:

• П. В. Пранягін (красавік 1943 — ліпень 1944).

Склад

Злучэнне аб'ядноўвала 11 брыгад:

• 8-я партызанская брыгада;
• 99-я партызанская брыгада імя Дз. Ц. Гуляева;
• 150-я партызанская брыгада імя Ф. М. Языковіча;
• Партызанская брыгада імя А. К. Флегантава;
• Партызанская брыгада імя Ф. Э. Дзяржынскага;
• Партызанская брыгада імя У. І. Леніна;
• Партызанская брыгада імя П. К. Панамарэнкі;
• Партызанская брыгада імя Я. М. Свярдлова;
• Партызанская брыгада імя І. В. Сталіна;
• Партызанская брыгада імя В. І. Чапаева;
• Партызанская брыгада «Савецкая Беларусь»;

12 асобна дзейных партызанскіх атрадаў:

• 345-ы партызанскі атрад;
• 347-ы партызанскі атрад;
• Партызанскі атрад «За Радзіму»;
• Партызанскі атрад імя С. М. Будзённага;
• Партызанскі атрад імя Р. І. Катоўскага (першага складу);
• Партызанскі атрад імя С. М. Кірава (П. Н. Паплаўскі, С. Ц. Шыш);
• Партызанскі атрад імя Р. І. Катоўскага (другога складу);
• Партызанскі атрад імя М. І. Кутузава (В. Р. Машын);
• Партызанскі атрад імя М. А. Шчорса;
• Партызанскі атрад «Сцяг»;
• Партызанскі атрад «Чэкіст»;
• Партызанскі атрад імя П. Л. Валькова.

Для барацьбы супраць карнікаў у лютым 1944 года паводле распараджэння Беларускага штаба партызанскага руху ў паўднёвых раёнах Брэсцкай вобласці была створана часовая групоўка партызанскіх брыгад і атрадаў Паўднёвай зоны (узначаліў упаўнаважаны штаба партызанскага злучэння вобласці П. М. Кавальскі).

За ўвесь перыяд баявой дзейнасці аб'ядноўвала больш за 13 000 партызан. З часцямі Чырвонай Арміі брыгады і атрады злучаліся паступова па меры вызвалення раёнаў іх дзеянняў. У сакавіку 1944 года злучыліся брыгады і асобныя атрады Паўднёвай зоны, у ліпені — астатнія.

Сяргею Георгіевічу Жуніну і Сяргею Іванавічу Сікорскаму прысвоена званне Героя Савецкага Саюза.

Літаратура

• Беларусь у Вялікай Айчыннай вайне, 1941—1945: Энцыкл. / Рэдкал.:І. П. Шамякін (гал. рэд.) і інш.. — Мн.: БелСЭ, 1990. — 680 с. — 20 000 экз. — ISBN 5-85700-012-2.