Бурштынавая кіслата

Бурштынавая кіслата (бутандыявая кіслата, этан-1,2-дыкарбонавая кіслата) НООС-СН₂-СН₂-СООН  — двухасноўная лімітавая карбонавая кіслата. Бясколерныя крышталі, растваральныя ў вадзе і спірце. Змяшчаецца ў невялікіх колькасцях ў многіх раслінах, бурштыне. Стымулюе рост і павышае ўраджай раслін, паскарае развіццё кукурузы. У прамысловасці бурштынавую кіслату атрымліваюць галоўным чынам гідрыаваннем малеінавага ангідрыду.

Бурштынавая кіслата
Агульныя
Хім. формула	НООС-СН2-СН2-СООН
Тэрмічныя ўласцівасці
Тэмпература плаўлення	183 °C
Класіфікацыя
Рэг. нумар CAS	110-15-6
PubChem	1110
Рэг. нумар EINECS	203-740-4
SMILES	C(CC(=O)O)C(=O)O
ChemSpider	1078

Упершыню атрымана ў XVII стагоддзі перагонкай бурштыну. Солі і эфіры бурштынавай кіслаты называюцца сукцынатамі (лац. succinum — бурштын).

Смяротныя дозы (LD50): аральна — 2,26 г / кг (пацукі), нутравенна — 1,4 г / кг (мышы).