Бэлхатоўская ЦЭС
Бэлхатоўская ЦЭС (польск.: PGE Elektrownia Bełchatów S.A.) — буйная польская кандэнсацыйная электрастанцыя з агульнай усталяванай магутнасцю 5 420 МВт. Размешчана ў горадзе Бэлхатаў Бэлхатоўскага павета Лодзьскага ваяводства. У якасці паліва выкарыстоўвае буры вугаль, які здабываецца ў размешчаных побач вугальных разрэзах.
| Бэлхатоўская ЦЭС | |
|---|---|
 | |
| Краіна |
 Польшча |
| Месцазнаходжанне | Бэлхатаў |
| Крыніца водазабору | ?? |
| Уласнік | PGE Elektrownia Bełchatów S.A. |
| Увод у эксплуатацыю | 17 студзеня 1975 |
| Асноўныя характарыстыкі | |
| Электрычная магутнасць, МВт | 5 420 МВт |
| Характарыстыкі абсталявання | |
| Асноўнае паліва | Бэлхатоўскі вугаль |
| Кацельныя агрэгаты | BB-1150 |
| Колькасць энергаблокаў | 13 |
| Колькасць і марка турбін | 18K370 |
| Колькасць і марка генератараў | GTHW360 |
| Іншая інфармацыя | |
| Сайт | elb.pl |
| На карце | |
  Бэлхатоўская ЦЭС | |
 Медыяфайлы на Вікісховішчы | |
З'яўляецца найбуйнейшай электрастанцыяй Польшчы і найбуйнейшай ЦЭС Еўрасаюза, чацвёртай у свеце ЦЭС па ўсталяванай магутнасці і, станам на 2016 год, з'яўляецца наймагутнейшай станцыяй, якая выкарыстоўвае ў якасці паліва выключна буры вугаль.[1]
Сучасны станПравіць
Бэлхатоўская цеплавая электрастанцыя вырабляе ў сярэднім 27-28 млрд КВт•гадз у год, што складае 20 % ад усёй гадавой вытворчасці электраэнергіі ў Польшчы. Станцыя належыць і кіруецца «PGE Elektrownia Bełchatów S.A.», якая з'яўляецца падраздзяленнем «Польскай энергетычнай групы».
Пасля ўводу ў эксплуатацыю новага энергаблока магутнасцю 858 МВт в у кастрычніку 2010 года і шэрагу мерапрыемстваў па мадэрнізацыі, праведзеных у 2011 і 2015 гадах, агульная ўсталяваная магутнасць станцыі складае 5 420 МВт[2][3]. Паводле наяўнай інфармацыі, новы энергаблок вытворчасці «Alstom» мае ККД 42 %, што дазваляе зменшыць удзельнае вылучэнне вуглякіслага газу і расходванне паліва.[1][4] «Alstom» таксама праводзіла мадэрнізацыю ўсіх 12 турбін з мэтай больш эфектыўнага выкарыстання пары, у 2009 годзе быў падпісаны кантракт на мадэрнізацыю энергаблока № 6.[1]
Бэлхатоўская ЦЭС выкарыстоўвае дзве трубы вышынёй 300 м, якія з'яўляюцца аднымі з найбольш высокіх свабоднастаячых канструкцый у Польшчы.[5][6]
Вылучэнне вуглякіслага газуПравіць
У 2007 годзе Сусветны фонд дзікай прыроды ўключыў электрастанцыю ў еўрапейскі спіс адзінаццаці прадпрыемстваў, якія найбольш забруджваюць навакольнае асяроддзе, з прычыны вялікага ўдзельнага вылучэння вуглякіслага газу (1,09 кг/КВт•гадз або ≈30,1 млн тон CO2 у год).[7][8] Для скарачэння колькасці выкідаў CO2 на Бэлхатоўскай ЦЭС збіраюцца прымяніць тэхналогію ўтылізацыі вуглекіслаты на некалькіх энергаблоках у перыяд 2011—2015 гг.[9] Гэтая праграма мадэрнізацыі ажыццяўляецца пры падтрымцы Еўрапейскай камісіі і ацэньваецца ў 180 млн €.[10][11]
Бэлхатоўскае вугальнае радовішчаПравіць
Адкрытую распрацоўку бурага вуглю ў раёне горада Бэлхатаў ажыццяўляе аднайменная польская кампанія «Бэлхатаў». Заснаваная 17 студзеня 1975, дзяржаўная «Бэлхатаў» была прыватызавана 1 студзеня 1999 года, пасля чаго стала мець арганізацыйна-прававую форму таварыства з абмежаванай адказнасцю (ТАА). Асноўным спажыўцом бурага вуглю з'яўляецца Бэлхатоўская ЦЭС.
Здабыча ажыццяўляецца на трох участках (польск.: "Kamieńsk", "Bełchatów" і "Szczerców"). Радовішча «Bełchatów» з агульнымі запасамі ў 2 млрд тон плануецца выкарыстоўваць да 2038 года.
ФотагалерэяПравіць
Бэлхатоўская ЦЭС
Бэлхатоўская ЦЭС
Бэлхатоўская ЦЭС і вугальны разрэз
Бэлхатоўскі буры вугаль і электрастанцыя на другім плане
Зноскі
- ↑ а б в Alstom (2009-04-08). Alstom signs a €160 million contract with PGE to modernise the Bełchatów power plant in Poland. Прэс-рэліз. Праверана 2010-06-20. Архівавана 30 сакавіка 2012.
- ↑ Elektrownia Bełchatów pełną mocą | Oddział Elektrownia Bełchatów Архівавана 23 ліпеня 2012.
- ↑ Oddział Elektrownia Bełchatów » Moc osiągalna w Elektrowni Bełchatów wzrosła do 5 420 MW Архівавана 29 мая 2016.
- ↑ Brück, Martin. Cooling flue gas to maximize power plant efficiency, Power Engineering International, PennWell Corporation . Праверана 20 чэрвеня 2010.
- ↑ Belchatow Unit 1-6, skyscraperpage.com.
- ↑ Belchatow Unit 7-12, skyscraperpage.com.
- ↑ European dirty thirty. Архівавана з першакрыніцы 20 чэрвеня 2012.
- ↑ Macalister, Terry. Meet Belcha – Europe's biggest carbon polluter (and it's about to get even bigger), Guardian Media Group (23 ліпеня 2009). Праверана 20 чэрвеня 2010.
- ↑ Alstom (2008-12-08). Alstom teams up with PGE Elektrownia Belchatow to reduce CO2 output in Poland. Прэс-рэліз. Праверана 2010-06-20. Архівавана 30 сакавіка 2012.
- ↑ List of 15 energy projects for European economic recovery. European Commission (9 снежня 2009). Архівавана з першакрыніцы 20 чэрвеня 2012. Праверана 20 чэрвеня 2010.
- ↑ EU lines up funding for six carbon capture projects, Power Engineering International, PennWell Corporation (7 кастрычніка 2009). Праверана 20 чэрвеня 2010.
СпасылкіПравіць
На Вікісховішчы ёсць медыяфайлы па тэме Бэлхатоўская ЦЭС
