Бітва пад Монтэ-Касіна (1944)

Бітва пад Монтэ-Касіна (англ.: Battle of Monte Cassino, ням.: Schlacht um Monte Cassino, фр.: Bataille du Mont Cassin, італ.: Battaglia di Montecassino, польск.: Bitwa pod Monte Cassino) — серыя з чатырох бітваў, у выніку якіх саюзныя войскі авалодалі стратэгічнай вышынёй на «Лініі Густава» і здзейснілі прарыў на Рым.

Бітва пад Монтэ-Касіна
Асноўны канфлікт: Другая сусветная вайна
Польскі сцяг над зруйнаваным Монтэ-Касіна
Дата	17 студзеня — 19 мая 1944
Месца	Монтэ-Касіна, Італія
Вынік	перамога саюзных войскаў
Праціўнікі
ЗША Брытанская імперыя: Вялікабрытанія Канада Новая Зеландыя Брытанская Індыя Каралеўства Італія Польшча Змагарная Францыя Германія Італьянская сацыяльная рэспубліка
Камандуючыя
Марк Уэйн Кларк Харальд Аляксандэр Уладзіслаў Андэрс Альберт Кесельрынг Умберта Уцілі
Сілы бакоў
105 000 чалавек 80 000 чалавек
Страты
50 000 20 000
Медыяфайлы на Вікісховішчы

Беларусы ў бітве пад Монтэ-Касіна

У канцы 1943 г. брытанскае камандаванне перакідвае II Польскі корпус на Апенінскі паўвостраў. У пачатку 1944 г. польскія часткі ў складзе 3-й Карпацкай пяхотнай дывізіі, 5-й Крэсовай пяхотнай дывізіі, 2-й Польскай бранятанкавай брыгады, 2-га артылерыйскага корпуса ўступілі ў баі са злучэннямі Вермахта. Армія саюзнікаў беспаспяхова штурмавала Монтэ-Касіна. 11 мая ў баі каля манастыра ўступіў II Польскі корпус. Праз нядзелю баёў «Лінія Густава» была прарвана. Польскі атрад узняў над манастыром бела-чырвоны сцяг. Страты Польскага корпуса — 924 чалавекі забітыя, 4199 параненыя; па падліках гісторыкаў, 177 загінуўшых салдат былі беларусамі.