Вавёркі

Вавё́ркі (Sciurus) — род грызуноў сямейства вавёркавых. Апроч уласна роду Sciurus, вавёркамі называюць таксама шэраг прадстаўнікоў сямейства вавёркавых з радоў бурундуковыя вавёркі (Tamiasciurus), пальмавыя вавёркі (Funambulus) і іншых. Уласна род Sciurus аб'ядноўвае каля 30 відаў, распаўсюджаных у Еўропе, Паўночнай і Паўднёвай Амерыцы і ўмераным поясе Азіі.

Вавёркі
Вавёрка звычайная (Sciurus vulgaris)
Навуковая класіфікацыя
прамежныя рангі Дамен:  Эўкарыёты Царства:  Жывёлы Падцарства:  Эўметазоі Без рангу:  Двухбакова-сіметрычныя Без рангу:  Другаснаротыя Тып:  Хордавыя Падтып:  Пазваночныя Інфратып:  Сківічнаротыя Надклас:  Чацвераногія Клас:  Млекакормячыя Падклас:  Звяры Інфраклас:  Плацэнтарныя Надатрад:  Euarchontoglires Грандатрад:  Glires Атрад:  Грызуны Падатрад:  Вавёркападобныя Сямейства:  Вавёркавыя Падсямейства:  Sciurinae Трыба:  Sciurini Род:  Вавёркі
Міжнародная навуковая назва
Sciurus Linnaeus
Сістэматыка на Віківідах Выявы на Вікісховішчы ITIS   180171 NCBI   10001 EOL   34612

Вавёрка роду Sciurus мае падоўжанае цела з пухнатым доўгім хвастом, доўгія вушы, колер цьмяна-буры з белым брушкам, часам шэры (асабліва ўзімку).

Распаўсюджванне

Каўказская вавёрка

Вавёркі распаўсюджаны па ўсім свеце, апроч Аўстраліі і Антарктыды. Больш за ўсё відаў вавёрак сустракаецца на тэрыторыі амерыканскіх кантынентаў: у Паўночнай і Паўднёвай Амерыцы. За межамі Амерыкі сустракаецца ўсяго 3 віды вавёрак:

• Еўразійская вавёрка (Sciurus vulgaris) распаўсюджана амаль па ўсёй Еўропе і на значнай частцы Азіі;
• Каўказская вавёрка (Sciurus anomalus) распаўсюджана ў асноўным на Каўказе;
• Японская вавёрка (Sciurus lis) — эндэмік Сахаліна.

Японская вавёрка

У XVIII ст. з развіццём тэхнікі і гандлю паміж ЗША і Вялікабрытаніяй, у Еўропу быў інтрадуцыраваны адзін з паўночнаамерыканскіх відаў вавёрак — Каралінская вавёрка.