Вадзім Іосіфавіч Шадыра

Вадзім Іосіфавіч Шадыра (нар. 1 сакавіка 1947, Пячора (горад), Комі АССР, РСФСР)  — беларускі археолаг. Кандыдат гістарычных навук (1981), дацэнт (1987).

Вадзім Іосіфавіч Шадыра
Дата нараджэння	1 сакавіка 1947(1947-03-01) (78 гадоў)
Месца нараджэння	Пячора, Усць-Усінскі раён[d], Комі АССР, РСФСР, СССР
Род дзейнасці	археолаг
Навуковая сфера	археалогія
Месца працы	Мінскі абласны краязнаўчы музей Нацыянальны гістарычны музей Рэспублікі Беларусь Інстытут гісторыі НАНБ
Навуковая ступень	доктар гістарычных навук (2003)
Навуковае званне	дацэнт
Альма-матар	гістарычны факультэт БДУ
Навуковы кіраўнік	Г. В. Штыхаў

Біяграфія

Нарадзіўся 1 сакавіка 1947 года ў Пячоры Комі АССР (цяпер Рэспубліка Комі, Расія).

У 1972 годзе скончыў гістарычны факультэт Беларускі дзяржаўны ўніверсітэт імя У. І. Леніна. З 1965 па 1967 гг. працаваў слесарам-зборшчыкам радыёапаратуры на прыборабудаўнічым заводзе ў Маладзечне. У 1968—1972 гг. працаваў навуковым супрацоўнікам у Мінскім абласным краязнаўчым музеі, а з 1973 па 1974 гг. старшы навуковы супрацоўнік Нацыянальнага музея гісторыі і культуры Беларусі. З 1974 да 1992 гг. старшы навуковы супрацоўнік Інстытута гісторыі АН Беларусі. У 1976—1979 гг. навучаўся ў аспірантуры Інстытута гісторыі АН Беларускай ССР. У 1981 годзе абараніў кандыдацкую дысертацыю «Плямёны днепра-дзвінскай культуры Беларускага Падзвіння (VIII—V стст. да н.э. — IV ст. н.э.)» (навук. кіраўнік — Г. В. Штыхаў). З 1992 года — загадчык аддзелам археалогіі жалезнага веку, а з 2006 года — загадчык сектара археалогіі эпохі бронзы і жалеза Інстытута гісторыі НАН Беларусі. У 2003 годзе абараніў доктарскую дысертацыю на тэму «Беларускае Падзвінне ў эпоху жалеза і ранняга сярэднявечча», якая не была зацверджана Вышэйшай атэстацыйнай камісіяй Беларусі.

Навуковыя інтарэсы

Археалагічныя даследаванні помнікаў жалезнага веку і ранняга сярэднявечча басейна р. Заходняя Дзвіна і Верхняга Падняпроўя на тэрыторыі Беларусі.

Працы

Кнігі

• Беларускае Падзвінне: І тысячагоддзе н.э. / В. І. Шадыра; НАН Беларусі, Інстытут гісторыі; [Навук. рэд. Г. В. Штыхаў]. — Мн.: Інстытут гісторыі НАН Беларусі, 2006. — 148, [1] с. — ISBN 985-6769-14-0.
• Ранний железный век северной Белоруссии / В. И. Шадыро; АН Белорусской ССР, Ин-т истории; Под ред. А. Г. Митрофанова. — М.: Наука и техника, 1985. — 123, [3] с.

Узнагароды

• медаль Францыска Скарыны (2021).

Літаратура

• Шадыра Вадзiм Iосiфaвiч Архівавана 22 верасня 2016. біяграфія на сайце Інстытута гісторыі НАН Беларусі
• Зайкоўскі, Э. М. Шадыра Вадзім Іосіфавіч / Э. М. Зайкоўскі // Археалогія Беларусі: Энцыклапедыя: у 2 т. / [склад. Ю. У. Каласоўскі; Рэдкал.: Т. У. Бялова (гал. рэд.) і інш.]. Т. 2: Л — Я. — Мн.: Беларуская Энцыклапедыя, 2011. — 461, [1] с. — С. 413. — ISBN 978-985-11-0549-2.
• Шадыра Вадзiм Iосiфaвiч // Археалогія і нумізматыка Беларусі: Энцыклапедыя / Беларуская Энцыклапедыя; Рэдкал.: В. В. Гетаў і інш. — Мн.: «Беларуская Энцыклапедыя» імя П. Броўкі, 1993. — 702 с. — С. 649—650. — ISBN 5-85700-077-7.
• Шадыра Вадзiм Iосiфaвiч // Беларуская энцыклапедыя: у 18 т. / Беларуская Энцыклапедыя; Рэдкал.: Г. П. Пашкоў (гал. рэд.) [і інш.]. Т. 17: Хвінявічы — Шчытні. — Мн.: БелЭн, 2003. — 509, [1] с. — С. 359. — ISBN 985-11-0279-2.
• Шадыра Вадзiм Iосiфaвiч // Энцыклапедыя гісторыі Беларусі: У 6 т. Т. 6: У 2 кн. Кн. 2: Усвея — Яшын. Дадатак / Беларус. Энцыкл.; Рэдкал.: Г. П. Пашкоў і інш.; Маст. Э. Э. Жакевіч. — Мн.: БелЭн, 2003. — 612, [1] с. — С. 190. — ISBN 985-11-0276-8.
• Шадыро Вадим Иосифович // Институт истории НАН Беларуси в лицах, 1929―2008: биобиблиографический справочник / [Г. В. Корзенко и др.; редакционный совет: А. А. Коваленя (председатель) и др.]; НАН Беларуси, Институт истории. — Мн.: Белорусская наука, 2008. — 421, [2] с. — С. 346—347. — ISBN 978-985-08-0855-4.
• Шадыро Вадим Иосифович // Корзенко, Г. В. Историки Беларуси в начале XXI столетия: биобиблиографический справочник / Г. В. Корзенко; НАН Беларуси, Ин-т истории. — Мн.: Белорусская наука, 2007. — 469, [1] с. — С. 429—430. — ISBN 978-985-08-0855-4.