Валантэн дэ Булонь

Валантэн дэ Булонь (франц. Valentin de Boulogne, 3 студзеня 1591, Кулам’е — 19 жніўня 1632, Рым) — французскі мастак эпохі барока, прадстаўнік караваджызму.

Валантэн дэ Булонь
фр.: Valentin de Boulogne
Імя пры нараджэнні	фр.: Jean Valentin
Род дзейнасці	мастак
Дата нараджэння	3 студзеня 1591(1591-01-03)
Месца нараджэння	Coulommiers[d], дэпартамент Сена і Марна, рэгіён Іль-дэ-Франс, Метраполія Францыі, Францыя
Дата смерці	19 жніўня 1632(1632-08-19) (41 год)
Месца смерці	Рым, Папская вобласць
Грамадзянства	Каралеўства Францыя
Медыяфайлы на Вікісховішчы

Біяграфія і творчасць

Француз па нараджэнні, ён у ранняй маладосці прыбыў у Італію, ужо добра валодаючы пэндзлем. У гэты час браты Карачы супрацьдзейнічалі ўплыву нядаўна памерлага Караваджа на жывапіс. Нікала Пусэн, французскі мастак, які жыў тады ў Італіі, стаяў на баку братоў Карачы; але Валантэн, які зрабіўся сябрам Пусэна, адчуваў моцную цягу да жывапісу Караваджа.

Італьянцы лічаць Валантэна лепшым паслядоўнікам Караваджа і залічаюць яго да сваіх мастакоў Рымскай школы. Пусэн не аказаў вялікага ўплыву на Валантэна, але тым не менш рэкамендаваў яго тагачаснаму заступніку мастацтваў у Рыме, кардыналу Барберыні.