Валерый Міхайлавіч Сямёнаў

Валерый Міхайлавіч Сямёнаў (30 кастрычніка 1956, Віцебск) — беларускі вучоны ў галіне інфекцыйных хвароб. Доктар медыцынскіх навук, прафесар. Заслужаны дзеяч навукі Рэспублікі Беларусь.

Валерый Міхайлавіч Сямёнаў
Дата нараджэння	30 кастрычніка 1956(1956-10-30) (63 гады)
Месца нараджэння	Віцебск
Грамадзянства	Беларусь
Род дзейнасці	вучоны
Навуковая сфера	Інфекталогія
Месца працы	Віцебскі дзяржаўны медыцынскі ўніверсітэт
Навуковая ступень	доктар медыцынскіх навук
Навуковае званне	прафесар
Альма-матар	Віцебскі медыцынскі інстытут
Узнагароды і прэміі

Біяграфія

Скончыў Віцебскі медыцынскі інстытут у 1980 годзе. 3 1980 г. працуе на кафедры інфекцыйных захворванняў Віцебскага медыцынскага ўніверсітэта, прайшоў шлях ад клінічнага ардынатара да прафесара і загадчыка кафедры.

Аўтар 123 прац вучэбна-метадычнага і навуковага характару, у тым ліку 2 манаграфій. Мае аўтарскае пасведчанне на вынаходніцтва. Зацверджаны тэхнічныя ўмовы на прамысловую вытворчасць 5 дыягнастычных апаратаў і 14 рацпрапаноў. Старшыня праўлення навуковага таварыства інфекцыяністаў Рэспублікі Беларусь.

Літаратура

• Беларуская энцыклапедыя: У 18 т. Т.15: Следавікі — Трыо / Рэдкал.: Г. П. Пашкоў і інш. — Мн.: БелЭн, 2002. — Т. 15. — С. 345. — 552 с. — 10 000 экз. — ISBN 985-11-0251-2 (Т. 15).